Ինչ կարող են պատմել մարդու ատամները նրա առողջական վիճակի մասին

Մասնագետների հավաստմամբ՝ ատամների անգամ չնչին վնասվածքը կարող է լինել որևէ օրգանի հետ կապված խնդրի ախտանշան: Օրինակ՝ վերին ու ստորին կտրիչները պահպանում են երիկամների ու միզապարկի առողջությունը, իսկ ժանիքները՝ լյարդի առողջությունը:

Փոքր աղորիքները կարող են վկայել թոքերի ու հաստ աղիքի վիճակի մասին, մեծ աղորիքները՝ լեղապարկի, փայծաղի և ենթաստամոքսային գեղձի, իսկ իմաստության ատամները՝ սրտամկանի և բարակ աղիքի:

Սա է պատճառը, որ մասնագետները խորհուրդ են տալիս ավելի ուշադիր լինել ատամների հանդեպ և հիշել, թե որ ատամը որ օրգանի կամ համակարգի հետ է կապված, քանի որ դա կարող է օգնել ժամանակին հայտնաբերել հիվանդությունն ու խուսափել էլ ավելի լուրջ բարդություններից:

Հարկ է հիշել, որ 1-ին ու 2-րդ կտրիչ ատամների ցավը կարող է վկայել քրոնիկական պիելոնեֆրիտի, ցիստիտի կամ միջին ականջաբորբի մասին: 1-ին կտրիչ ատամի հետ կապված խնդիրները կարող են լինել նաև տոնզիլիտի ու օստեոխոնդրոզի ախտանշան, իսկ այդ հատվածի մշտական բութ ցավը սովորաբար վկայում է խոլեցիստիտի կամ հեպատիտի մասին:

4-րդ ու 5-րդ աղորիքների ցավը կարող է պայմանավորված լինել կոլիտով, քրոնիկական թոքաբորբով կամ որևէ ալերգիկ ռեակցիայով (օրինակ՝ ասթմա):

Վերին ու ստորին 4-րդ աղորիքների ցավն, ամենայն հավանականությամբ, պայմանավորված է հոդերի կամ ուսերի հետ կապված խնդիրներով, արթրիտի հետ կապված բորբոքումներով կամ անգամ աղիների հիվանդություններով:

Վերին 6-րդ ու 7-րդ ատամների ցավը սովորաբար լինում է գաստրիտի, խոցերի, անեմիայի, պանկրեատիտի կամ տասներկումատնյա աղիքի խոցային հիվանդության ախտանշան:

Ստորին աղորիքների ցավը կարող է պայմանավորված լինել զարկերակների հետ կապված խնդիրներով կամ աթերոսկլերոզով: Բացի այդ, մասնագետների հավաստմամբ՝ ստորին 7-րդ ատամի ցավը վկայում է անոթների ու թոքերի հետ կապված խնդիների կամ անգամ աղիներում պոլիպների առկայության մասին:

Նաև շատ կարևոր է հիշել, որ աղորիքների հետ կապված խնդիրները սովորաբար կապված են լինում սրտի հիվանդությունների ու բնածին արատների հետ, մինչդեռ այդ հատվածում կարիեսի առկայությունը վկայում է ստամոքսի խոցային հիվանդության ու ներզատական (էնդոկրին) համակարգի հետ կապված խնդիրների մասին:

Սակայն մասնագետները նման դեպքերում հորդորում են խուսափել ինքնաբուժությունից, քանի որ դա կարող է էլ ավելի վատացնել հիվանդի վիճակը: Փոխարենը հարկավոր է դիմել ատամնաբույժին, իսկ անհրաժեշտության դեպքում նաև այլ մասնագետին:

Նյութի աղբյուրը՝ promotinghealthylife.com