12 արդյունավետ խորհուրդ, որոնք կօգնեն ազատվել կանդիդոզից և խուսափել հիվանդության կրկնությունից

Կանդիդոզը հիվանդություն է, որը պայմանավորված է լինում հակաբիոտիկների, հակաբեղմնավորիչ դեղահաբերի և քաղցրավենիքի չարաշամամբ: Հիվանդության հարուցիչը candida սնկերն են, որոնք կան մարմինի տարբեր հատվածներում՝ այդ թվում նաև մարսողական համակարգում:

Առողջ մարդու օրգանիզմում կան օգտակար մանրէներ, որոնք գտնվում են աղիներում և սահմանափակում են այս սնկերի զարգացումը, սակայն երբեմն այդ բալանսը խախտվում է: Նման դեպքերում կարող է առաջանալ կանդիդոզ, որը դրսևորվում է հետևյալ ախտանշաններով.

·        մշտական արտադրություն հեշտոցից, որն ունենում է սպիտակ գույն,

·        սեռական օրգանների ու հետանցքի քոր, այրոց ու տհաճ զգացողություններ,

·        աղիների չախտորոշված խանգարումներ,

·        քաղցրավենիք ու ցորենի ալյուր պարունակող մթերք ուտելու մշտական ցանկություն,

·        լեզվի վրա և բերանի խոռոչում սպիտակ փառի առկայություն:

Այս հիվանդությունն ախտորոշելու համար հարկավոր է դիմել բժշկին, սակայն կա նաև մի պարզ մեթոդ, որը կօգնի ինքնուրույն ախտորոշել այն: Կանդիդոզի ախտորոշման համար հարկավոր է առավոտյան վերցնել ջրով լի թափանցիկ բաժակ, այնուհետև բերանի մեջ հնարավորինս շատ թուք կուտակել ու թքել այն ջրի մեջ:

20-30 րոպե անց հարկավոր է ուշադիր զննել բաժակի պարունակությունը: Եթե բաժակի ջուրը պղտորվել է կամ թուքն իջել է ջրի հատակը, ապա, ամենայն հավանականությամբ, օրգանիզմում բարձր է կանդիդա սնկերի մակարդակը: Եթե թուքը շարունակում է մնալ ջրի մակերևույթին, ապա անհանգստանալու պատճառ չկա:

Ինչպես պայքարել կանդիդոզի դեմ

Կանդիդոզը սնկային հիվանդություն է, որի դեմ պայքարելը բավականին դժվար է: Սակայն եթե մարդն իմանա, թե ինչ է հարկավոր անել, ապա այս խնդրից ազատվելը դժվար չի լինի:

1.      Խուսափել քաղցր սննդամթերքից

Սննդամթերքն ուղղակիորեն կապված է մարդու առողջության ու հիվանդությունների զարգացման հետ: Կանդիդոզի դեպքում հարկավոր է խուսափել հիվանդությունն էլ ավելի խորացնող սննդամթերքից, որոնց շարքին են դասվում զտված շաքարը և արհեստական քաղցրացուցիչները: Անգամ բնական մրգերից ստացված շաքարը կարող է բացասաբար ազդել, ուստի խորհուրդ է տրվում խուսափել նման մթերքից մինչև բուժման ավարտը:

2.      Բարձրացնել իմունիտետը

Այս հիվանդության զարգացումը կարող է կապված լինել նաև իմունային համակարգի թուլացման հետ: Ամուր իմունային համակարգն օգնում է պայքարել տարատեսակ վիրուսների, սնկերի ու բակտերիաներ դեմ, ինչպես նաև պաշտպանում է բազմաթիվ հիվանդություններից:

3.      Հոգ տանել մարսողական համակարգի մասին

Առողջ մարսողական համակարգն ամրապնդում է իմունիտետը, ինչի շնորհիվ պայքարում է նաև կանդիդոզի դեմ: Բացի այդ, առողջ աղեստամոքսային համակարգը կանխում է սնկերի ու վիրուսների ներթափանցումն արյան մեջ:

4.      Օգտագործել բնական հակաբիոտիկներ

Այս հիվանդության դեպքում շատ օգտակար են նաև բնական հակասնկային միջոցները,ինչպիսին են սխտորը, մանանեխը, սոխն ու խնկածաղիկը:

5.      Ավելի շատ ջուր խմել (ցանկալի է հիմնայնացված)

Ջրի օգտագործումը բարելավում է սննդի յուրացումը, մաքրում է օրգանիզմը տոքսիններից և խոնավեցնում է: Բացի այդ, խորհուրդ է տրվում խմել նաև կանաչ բանջարեղենային հյութեր:

6.      Ուտել հիմնային մթերք

Նման խնդրից խուսափելու համար հարկավոր է հարստացնել սննդակարգը կանաչ տերևավոր բանջարեղենով, խաչածաղկավոր բանջարեղենով, կիտրոնով, սխտորով, քրքումով, խնկածաղկով, կարմիր ու սև պղպեղներով:

7.      Սահմանափակել ածխաջրերը

Ածխաջրերը վերածվում են շաքարի, ինչն էլ դառնում է կանդիդա սնկերի քանակի ավելացման պատճառ:

8.      Խուսափել գլյուտենից ու կաթնամթերքից

Սովորաբար կանդիդոզից տառապողների մոտ նկատվում է անհանդուրժողականություն գլյուտենի ու կաթնամթերքի հանդեպ, ինչի հետևանքով օրգանիզմը խոցելի է դառնում:

9.      Հուզական հավասարակշռություն

Հոգեհուզական վիճակն ազդում է մարդու օրգանիզմի ընդհանուր վիճակի վրա, ուստի հարկավոր է խուսափել սթրեսներից, զբաղվել յոգայով ու որևէ հաճելի զբաղմունք գտնել:

10.  Մաքրել լյարդը տոքսիններից

Ուսումնասիրությունները ցույց են տվել, որ կանդիդոզը քայքայում է լյարդը, ուստի խորհուրդ է տրվում պարբերաբար մաքրել այդ օրգանը՝ սնկերի բազմացումը կանխելու համար:

11.  Օգտագործել վիտամին C

Վիտամին C-ն ամենահզոր բնական վիտամինն է, քանի որ այն ոչ միայն պաշտպանում է, այլև օգնում է պայքարել տարատեսակ հիվանդությունների դեմ, որոնցից մեկն էլ կանդիդոզն է:

12.  Ֆիզիկական վարժություններ անել

Ֆիզիկական ակտիվությունը ոչ միայն խթանում է նյութափոխանակությունը, այլև օգնում է պահպանել հոգեկան առողջությունը:

Այս հիվանդությունից ազատվելու համար հարկավոր է լինել շատ ուշադիր ու հոգատար սեփական առողջության հանդեպ, ինչպես նաև պարբերաբար ֆիզիկական վարժություններ անել: Բացի այդ, շատ կարևոր է նաև վիտամին D-ն, ուստի խորհուրդ է տրվում հաճախ լինել մաքուր օդին ու զբոսնել արևի ճառագայթների ներքո:

Նյութի աղբյուրը՝ curapelanatureza.com.br