Խորհուրդներ, որոնք կօգնեն խուսափել էրեկտիլ դիսֆունկցիայից

Էրեկտիլ դիսֆունկցիան կամ իմպոտենցիան  էրեկցիայի չհասնելու ու այն պահպանել չկարողանալու  հնարավորության բացակայություն է: Այն սովորաբար լինում է 2 տեսակի՝ ֆիզիոլոգիական ու հոգեբանական: Մինչև 50 տարեկան տղամարդկանց 90%-ի մոտ  դիսֆունկցիան հիմնականում  հոգեբանական բնույթ է կրում:

Մոտավորապես յուրաքանչյուր 5-րդ տղամարդ բախվում է այդ խնդրի հետ, սակայն բավական է ընդամենը  մի փոքր փոխել կենսակերպը, որպեսզի հնարավոր լինի  փոխել իրավիճակը: Էրեկտիլ դիսֆունկցիան կարող է նաև կապված լինել շաքարային դիաբետի ու սրտանոթային հիվանդությունների հետ: Արյան անոթների վատ վիճակը կարող է  խանգարել  արյան հոսքը դեպի տաղամարդու արտաքին սեռական օրգան, որն էլ և հանդիսանում է հասուն տղամարդկանց մոտ իմպոտենցիայի առաջաման հիմնական պատճառը:

FOXNews-ի մասնագետները  ներկայացրել են մի քանի խորհուրդներ այն մասին, թե ինչպես կարելի է խուսափել  իմպոտենցիայից:

1. Հետևեք սննդակարգին

Խոլեստերինի ցածր մակարդակով  համակարգված սննդակարգի հետևելն  օգնում է կանխել անոթների խցանումն ու խուսափել իմպոտենցիայից:

2. Զբաղվեք սպորտով

Արյան նորմալ շրջանառության պահպանաման ևս մեկ տարբերակ է համարվում սպորտով զբաղվելը: Աշխատեք ամեն օր վազել կամ զբաղվել լողով:

3. Հետևեք ճնշմանը

Եթե ձեզ մոտ առկա է բարձր զարկերակային ճնշում, ապա  համոզվեք, որ դուք նորմալ բուժում եք ստանում, քանի որ այդ կերպ հնարավոր կլինի խուսափել հիպերտոնիայի ու աթերոսկլերոզի առաջացումից, որն էլ և հանգեցնում է իմպոտենցիայի առաջացման:

4. Կրճատել տոքսինների օգտագործումը

Թույլատրելի ու անթույլատրելի խթանիչները, հանգստացնող միջոցները, հակահիստամինային միջոցների  օգտագործումը  ազդում են պոտենցիայի վրա: Հարկավոր է ազատվել ծխելուց, նվազագույնի հասցնել ալկոհոլի օգտագործումը, ինչպես նաև լիովին բացառել թմրանյութերի, մարիխուաննայի ու  ստերոիդների  օգտագործումը: Խորհուրդ չի տրվում նաև օգտագործել  խոտաբույսերի հիման վրա պատրաստված սննդային հավելումները, քանի որ նրանք կարող են ազդել սեռական ֆունկցիայի վրա:

5. Վերանայեք ձեր դեղամիջոցը

Որոշ դեղամիջոցներ, հատկապես հակադեպրեսանտները, միզամուղները, խոլեստերինի մակարդակը նվազեցնող միջոցները, հակաբորբոքային միջոցները կարող են ազդել սեռական ֆունկցիայի վրա:

6. Քնեք

Առողջությունը հանդիսանում է առողջ քնի հոմանիշը:  Քնի բացակայությունը առաջացնում է  նյարդային լարվածություն ու քրոնիկ հոգնածություն:

7. Համոզվեք որ չունեք հոգեբանական խնդիրներ

Իմպոտենցիայի պատճառ կարող են դառնալ հոգեբանական խնդիրները, հատկապես երիտասարդ տղաների մոտ: Ճնշումը, լարվածությունը, վախերը, ինչպես նաև վերապրած սեռական բռնությունը կարող է բավականին լուրջ ազդել  անկողնում մարդու պահվածքի վրա:

8. Կանոնավոր վերլուծեք ձեր հարաբերությունները

Հարաբերություններում առկա խնդիրները ազդում են սեռական հարաբերությունների վրա: Եթե  զույգերի մոտ հարաբերությունները նորմալ չեն, ապա դա կարող է բացասական ազդել սեռական հարաբերությունների  վրա: Այդ դեպքում խորհուրդ է տրվում դիմել սեքսապաթոլոգի կամ հոգեբանի:

Աղբյուրը՝ med2.ru