Ինչ է էրեկտիլ դիսֆունկցիան, որ դեպքերում է այն առաջանում և ինչպես խուսափել այս խնդրից

Էրեկտիլ դիսֆունկցիան կամ իմպոտենցիան ֆունկցիոնալ խանգարում է, որը բավականին տարածված է տղամարդկան շրջանում: Նման խանգարման դեպքում որոշ տղամարդիկ կարողանում են հասնել էրեկցիայի, սակայն չեն կարողանում պահել այն, իսկ ոմանց մոտ խնդիրներ են ի հայտ գալիս միայն տվյալ զուգընկերուհու հետ: Լինում են նաև դեպքեր, երբ էրեկցիան առհասարակ բացակայում է:

Պոտենցիայի վրա դրական ազդեցություն է ունենում սպորտը, սակայն միայն այն չչարաշահելու դեպքում: Սա պայմանավորված է սեռական օրգանների հատվածում արյան շրջանառության բարելավմամբ:

Ուսումնասիրությունները ցույց են տվել, որ պարբերաբար ֆիզիկական ծանրաբեռնվածությունը կանխում է իմպոտենցիայի զարգացումը, մինչդեռ ֆիզիկական գերծանրաբեռնվածության դեպքում օրգանիզմը չի հասցնում վերականգնվել, ինչն էլ հանգեցնում է սեռական ֆունկցիայի թուլացման: Բացի այդ, շատ վտանագավոր կարող է լինել նաև հեծանվավազքը, ուստի խուրհուրդ է տրվում խուսափել այս մարզաձևից:

Սակայն հարկ է հիշել, որ էրեկտիլ դիսֆունկցիան կարող է լինել նաև մի շարք լուրջ հիվանդությունների ախտանշան, որոնց թվին են դասվում.

·        շաքարային դիաբետը,

·        սրտանոթային հիվանդությունները,

·        Պարկինսոնի հիվանդությունը,

·        ցրված սկլերոզը,

·        էպիլեպսիան,

·        հորմոնալ խանգարումները:

Հարկ է հիշել, որ եթե էրեկցիայի հետ կապված խնդիրները պայմանավորված են որևէ հիվանդությամբ, ապա առաջին հերթին հարկավոր է բուժել հենց հիմնական հիվանդությունը:

Նման խնդիրներից ազատվելու համար հարկավոր է առաջին հերթին փոխել կենսակերպն ու մոտեցումը շատ հարցերին: Օրինակ՝ անհրաժեշտ է բազբազանություն մտցնել կյանքում և դադարել ապրել պարտավորվածության զգացումով:

Հարկավոր է սովորել հանգստանալ և խուսափել սեռական ակտից առաջ ալկոհոլ օգտագործելուց: Սեռական ֆունկցիայի վրա դրական ազդեցություն կունենա նաև ծխելու սովորությունից հրաժարվելը:

Բացի այդ, հարկավոր է շատ զգույշ լինել և խուսափել աճուկային հատվածի վնասվածքներից, ինչպես նաև խնդիրների դեպքում ժամանակին դիմել մասնագետին, քանի որ հիվանդությունը կանխարգելելն ու վաղ փուլում բուժելը շատ ավելի հեշտ է, քան առաջացած բարդությունների դեմ պայքարելը:

Նյութի աղբյուրը՝ healthinfo.ua