Հորմոնալ խանգարումների առաջացման պատճառները, տեսակները, ախտանշաններն ու կանխարգելման միջոցները

Ներկայում կանանց մոտ առաջացող առողջական խնդիրների հիմնական պատճառներից մեկը հորմոնալ դիսբալանսն է, սակայն այս խանգարումն ունի ախտանշաններ, որոնք կօգնեն ժամանակին հայտնաբերել այն ու միջոցներ ձեռնարկել:

Հորմոնալ խանգարումների տեսակները

Վահանաձև գեղձի մեծացում. սա մետաբոլիկ հիվանդություն, որի դեպքում վահանաձև գեղձը չափազանց շատ հորմոն է արտադրում, ինչը կարող է լուրջ խնդիրներ առաջացնել: Որպես կանոն՝ այս դեպքում հիվանդի քաշը նվազում է:

Հիպոթիրեոզ. հիպոթիրեոզի դեպքում վահանաձև գեղձը բավարար քանակությամբ հորմոն չի արտադրում, ինչը հանգեցնում է քաշի ավելացման, իսկ երբեմն էլ՝ խպիպի (зоб) առաջացման:

Էստրոգենի դիսբալանս. երբեմն կանայք տառապում են էստրոգենի մակարդակի բարձրացումից կամ դիսբալանսից, ինչը կարող է դառնալ արգանդի մկանուռուցքի (միոմա) և կրծքի կիստաների առաջացման պատճառ:

Կորտիզոլի՝ սթրեսի հորմոնի մակարդակի բարձրացում. առօրյա հոգսերը, անհանգստությունն ու նյարդայինությունը հանգեցնում են օրգանիզմում կորտիզոլի մակարդակի բարձրացման, ինչը կարող է հորմոնալ լուրջ հիվանդություններ առաջացնել:

Հորմոնալ խանգարումների առաջացման պատճառները

Ուսումնասիրությունները ցույց են տվել, որ առավել հաճախ հորմոնալ խանգարումները պայմանավորված են լինում սթրեսով: Նման դիսբալանսի առաջացման հիմնական գործոններն են լարված կենսակերպը, անառողջ սննդակարգն ու քնի պակասը:

Կանանց մոտ էստրոգենի ու պրոգեստերոնի դիսբալանսի հիմնական պատճառներից մեկն անկանոն ձվազատումն է:

Բացի այդ, հորմոնալ խանգարումը կարող է պայմանավորված լինել նաև դեղորայքի ընդունումով: Հատկապես շատ է ի հայտ գալիս նման խանգարում դաշտանային ցիկլի կարգավորման կամ անպտղության բուժման համար նախատեսված դեղորայք ընդունելու դեպքում: Շատերի մոտ հորմոնալ խանգարումներ են առաջանում նաև հակաբեղմնավորիչ դեղամիջոցների ընդունման ժամանակ:

Հարկ է նաև նշել, որ հորմոնալ խանգարումները շատ հաճախ պայմանավորված են լինում դիետաներով ու ֆիզիկական գերծանրաբեռնվածությամբ:

Հորմոնալ խանագրումների անխտանշանները

Հորմոնալ խանգարման առաջին ախտանշաններից մեկն է քաշի կտրուկ ու անկանոն ավելացումը: Բացի այդ, նման խանգարումները կարող են ուղեկցվել դաշտանային ցիկլի խանգարումներով, ֆիբրոզ-կիստոզ մաստոպաթիայով, ֆիբրոմայով, էնդոմետրիոզով, լիբիդոյի նվազմամբ, միզուղիների վարակներով ու կտրուկ մազաթափությամբ: Որոշ դեպքերում կարող են առաջանալ գոտկատեղի ցավեր, բորբոքումներ որովայնային խոռոչում, ցավոտ զգացողություններ ու արյան թանձր մակարդուկներ դաշտանի ժամանակ, ինչպես նաև որովայնի ստորին հատվածի կամ ձվարանների ցավեր:

Հորմոնալ խանգարման ամենատարածված ու վտանգավոր ախտանշաններից մեկն անպտղությունն է: Բացի այդ, նման դիսբալանսը կարող է դրսևորվել նաև դեմքի մազակալմամբ, անհանգստությամբ, դեպրեսիաներով, գլխացավերով ու անհանգստությամբ: Չնայած, որ այս ախտանշանները շատ տարածված են, շատերը դրանք չեն վերագրում հորմոնալ խանգարումներին: Հորմոնալ դիսբալանսը կարող է պայամնաավորված լինել ձվարանների պոլիկիստոզային համախտանիշով կամ անգամ տրամադրության կտրուկ փոփոխությամբ:

Ինչպես խուսափել հորմոնալ խանգարումներից

Հորմոնալ դիսբալանսը կարող է բազմաթիվ լուրջ խանգարումների պատճառ դառնալ, ուստի հարկավոր է անել ամեն բան՝ նման խնդիրներից խուսափելու համար.

·        Հարկավոր է օգտագործել հակաօքսիդանտներով հարուստ մթերք (նարնջի հյութ, կիտրոնի հյութ և այլն),

·        Հարկավոր է օգտագործել A, B (մասնավորապես՝ ֆոլաթթու) և D վիտամիններով հարուստ մթերք,

·        Հարկավոր է հարստացնել սննդակարգը կալցիում, մագնեզիում, քրոմ, սելեն, ցինկ, յոդ ու օմեգա-3 ճարպաթթուներ պարունակող սննդամթեքով:

·        Շատ օգտակար է նաև կտավատի յուղը,

·        Բացի այդ, նման խնդիրներից խուսափելու համար հարկավոր է վարել առողջ կենսակերպ, մարզվել, խուսափել սթրեսից, հնարավորինս քիչ ժամանակ անցկացնել հեռուստացույցի ու համակարգչի առջև և հաճախ զբոսնել մաքուր օդին:

Նյութի աղբյուրը՝ med2.ru