7 ախտանշան, որոնք վկայում են մակերիկամների հոգնածության համախտանիշի առկայության մասին

19:00 • 21.01.18

Մակերիկամների հոգնածության համախտանիշը մի տերմին է, որն օգտագործվում է մակերիկամների վիճակը նկարագրելու համար, երբ դրանք փորձում են հաղթահարել սթրեսն ու լարվածությունը:

Շատերի մոտ սթրեսի ժամանակ մակերիկամներն աշխատում են լարված գրաֆիկով և երբ սթրեսն անցնում է, օրգանիզմում բարձր է լինում կորտիզոլի մակարդակը և օրգանիզմի մյուս համակարգերը թուլանում են:

Մակերիկամների հոգնածության 7 ախտանշան

1. Հիվանդն իրեն խիստ հոգնած է զգում:

2. Խանգարվում է մարդու քունը: Մարդը պետք է ամեն գիշեր անդադար քնի 8-10 ժամ, որպեսզի մարմինը հասցնի հանգստանալ ու վերականգնվել:

3. Մարզումներից հետո մարդն իրեն ուժասպառ է զգում: Վարժությունները պետք է էներգիա հաղորդեն, ուստի դրանցից հետո մարդը չպետք է հոգնածություն զգա:

4. Նկատվում է անհանգստության զգացում ու դեպրեսիա:

5. Մարդը սկսում է ավելի շատ աղ օգտագործել: Մակերիկամների հոգնածությունն ազդում է հորմոնային համակարգի վրա և առաջանում է աղի սննդամթերք օգտագործելու ցանկություն, քանի որ օրգանիզմը փորձում է նատրիում և այլ հանքանյութեր ստանալ:

6. Մարդը սկսում է ավելի շատ կոֆեին օգտագործել: Սակայն կոֆեինն օգտակար է ոչ բոլորի համար: Առաջին հերթին հարկավոր է հիշել, որ կոֆեինը էներգիա չի տալիս:

7. Խանգարվում է մարսողական համակարգի աշխատանքը: Մարմինը սկսում է արձագանքել սթրեսին և այնպիսի գործառույթները, ինչպիսին են մարսողությունն ու նյութափոխանակությունը, խանգարվում են:

Ամեն դեպքում հարկավոր է ժամանակ առ ժամանակ հանգստանալ ու չծանրաբեռնել մակերիկամները: Անհրաժեշտ է հաշվի առնել, որ վերոնշյալ ախտանշաններից 3 և ավելիի դեպքում հարկավոր է վերանայել օրվա ռեժիմը:

Սակայն հարկ է հիշել, որ առողջական լուրջ խնդիրների և ուժեղ ցավերի դեպքում հարկավոր է դիմել մասնագետի օգնությանը, քանի որ ինքնաբուժությունը կարող է խիստ վտանգավոր լինել առողջության համար:

Նյութի աղբյուրը՝ myhealthybook.com