10 մթերք սրտամկանի առողջության պահպանման համար

13:14 • 25.01.18

Սրտամկանի և սրտանոթային համակարգի առողջությունը պահպանելն անչափ կարևոր է, ուստի հարկավոր է շատ ուշադիր լինել: Սակայն սրտանոթային համակարգի առողջության բարելավմանը կարելի է նպաստել նաև ճիշտ ընտրված սննդամթերքի միջոցով: Ձեր ուշադրությանն ենք ներկայացնում սննդամթերքի այն տեսակները, որոնք սննդակարգում ներառելը կօգնի պահպանել սրտամկանի առողջությունը:

1. Խնձոր

Խնձորն ամենաօգտակար և հասանելի մրգերից է, որը նաև շատ օգտակար է սրտամկանի համար: Այն օգնում է բարձրացնել օրգանիզմում հեմոգլոբինի մակարդակն ու կարգավորում է արյան շրջանառությունը:

2. Կարմիր գինի

Փոքր չափաբաժիններով կարմիր գինի օգտագործելը կօգնի մաքրել անոթները, կարգավորել զարկերակային ճնշումն ու դուրս բերել վնասակար նյութերն օրգանիզմից:

3. Դարչին

Այս համեղ ու օգտակար համեմունքը հիանալի միջոց է աթերոսկլերոզի և սրտի հիվանդությունների դեմ պայքարելու համար:

4. Սխտոր

Սխտորը շատ օգտակար է սրտամկանի համար: Այն արդյունավետ միջոց է զարկերակային ճնշման կարգավորման ու անոթների լայնացման համար:

5. Բրոկոլի

Բրոկոլին պարունակում է մեծ քանակությամբ հակաօքսիդանտներ, մանրաթելեր, վիտամիններ ու հանքանյութեր, որոնք բարելավում են սրտամկանի աշխատանքը և մաքրում են օրգանիզմը տոքսիններից ու շլակներից:

6. Հունական ընկույզ

Հունական ընկույզը հարուստ է սպիտակուցային մանրաթելերով ու վիտամին E-ով, իսկ այդ նյութերն անհրաժեշտ են սրտամկանի ճիշտ աշխատանքի համար:

7. Ձիթապտղի յուղ

Օրական ընդամենը երկու ճաշի գդալ ձիթապտղի յուղ օգտագործելը բավական կլինի օրգանիզմում խոլեստերինի մակարդակը նվազեցնելու և շաքարի մակարդակը կարգավորելու համար:

8. Յուղոտ ձուկ

Յուղոտ ձկնատեսակները նվազեցնում են առիթմիայի և աթերոսկլերոզի առաջացման հավանականությունը, ինչպես նաև պաշտպանում ու ամրապնդում են անոթների պատերը:

9. Սև շոկոլադ

Սև շոկոլադը կարգավորում է զարկերակային ճնշումն ու պայքարում է օրգանիզմում ընթացող բորբոքային գործընթացների դեմ: Բացի այդ, պարբերաբար օգտագործելու դեպքում այս մթերքը կանխում է նաև թրոմբների առաջացումը:

10. Վարսակ

Վարսակը պարունակում է մեծ քանակությամբ մանրաթելեր, որոնք ոչ միայն օգնում են նվազեցնել օրգանիզմում «վատ» խոլեստերինի մակարդակը, այլև մաքրում են ամբողջ օրգանիզմը:

Նյութի աղբյուրը՝ healthystyle.info