9 մթերք, որոնցից հարկավոր է խուսափել հոդացավերի դեպքում

Հոդացավերը կարող են զգալորեն ազդել մարդու կյանքի որակի վրա, ուստի զարմանալի չէ, որ մարդիկ փորձում են ամեն կերպ ազատվել դրանցից:

Հոդացավերի առաջացման հիմնական պատճառներն են հոդատապն ու արթրիտը, ինչպես նաև վնասվածքները, լեյկեմիան, կոտրվածքները, հոդախախտումները, ֆիբրոմիալգիաները, մկանների լարվածությունը և անգամ բարձիկաբորբը (бурсит):

Կան սննդամթերքի տեսակներ, որոնք նպաստում են հոդացավերի մեղվելուն, սակայն կան նաև այնպիսինները, որոնցից հարկավոր է խուսափել, քանի որ դրանք էլ ավելի են վատացնում հիվանդի վիճակը:

Ձեր ուշադրությանն ենք ներկայացնում 9 մթերք, որոնցից հարկավոր է հրաժարվել հոդացավերի դեպքում:

1.      Շաքար և արհեստական քաղցրացուցիչներ

Շաքարի չարաշահումը նպաստում է բորբոքումների առաջացմանը: Բացի այդ, շաքարը հանգեցնում է քաշի ավելացման և մեծացնում է հոդերի վրա գործադրվող ծանրաբեռնվածությունը: Սա է պատճառը, որ մասնագետները խորհուրդ են տալիս նախապատվությունը տալ մեղրին ու մեղրախոտին և խուսափել կոնֆետներից, քաղցր գազավորված ըմպելիքներից, քաղցրավենիքից ու շաքարից:

2.      Կարմիր միս և վերամշակված մսամթերք

Կարմիր միսն ու վերամշակված մսամթերքը պարունակում են քիմիական պուրին, նիտրիտ և տոքսիններ, որոնք էլ ավելի են ուժգնացնում ցավն ու նպաստում են բորբոքումների առաջացմանը:

3.      Հավկիթ

Պարբերաբար հավկիթ օգտագործելը հանգեցնում է բորբոքումների և այտուցների առաջացմանը: Բացի այդ, հավկիթները պարունակում են հագեցած ճարպեր, որոնք նույնպես կարող են խիստ վնասակար լինել հոդերի համար:

4.      Գարեջուր

Ալկոհոլի չարաշահումն առհասարակ բացասաբար է ազդում հոդերի վրա: Գարեջուրը պարունակում է պուրիններ, որոնք վերածվում են միզաթթվի, ինչմ էլ նպաստում է ցավի ուժգնացմանը: Բացի այդ, այս ըմպելիքը պարունակում է գլյուտեն, որը շատ վնասակար է փխրուն հոդերի համար:

5.      Կաթնամթերք

Հոդերի համար վնասակար կարող է լինել նաև կաթնամթերքը, քանի որ դրանում պարունակվող սպիտակուցները գրգռում են հոդի շուրջը գտնվող հյուսվածքները: Բացի այդ, կաթնամթերքում պարունակվող հագեցած ճարպերը նպաստում են ցավի ուժգնացմանը:

6.      Հացահատիկ և ռաֆինացված ալյուր

Նման մթերքը նպաստում է բորբոքումների առաջացմանը: Բացի այդ, ուսումնասիրությունները ցույց են տվել, որ ամեն օր հացահատիկ օգտագործելը նպաստում է նաև քրոնիկական աուտոիմունային հիվանդությունների առաջացմանն ու բարձրացնում է սրտի հիվանդությունների, շաքարային դիաբետի և անգամ քաղցկեղի առաջացման հավանականությունը:

7.      Նատրիումի գլուտամատ

Այս հավելումն օգտագործվում է սննդի համը բարելավելու համար, սակայն խիստ վտանգավոր է ռևմատոիդ արթրիտից տառապողների համար:

8.      Շճային պրոտեին

Բորբոքումների առաջացման կարող են նպաստել նաև կազեինն ու գլյուտեինը: Կազեինը նպաստում է միզաթթվի առաջացմանը, որի բարձր մակարդակը հանգեցնում է հոդերի բորբոքման: Բացի այդ, հոդատապի առաջացման պատճառ կարող է դառնալ նաև գլյուտենով հարուստ մթերքը:

9.      Եգիպտացորենի յուղ

Եգիպտացորենի յուղը պարունակում է մեծ քանակությամբ օմեգա-6 ճարպաթթուներ, որոնք վնասակար են առողջության համար և կարող են հանգեցնել բորբոքման:

Նյութի աղբյուրը՝ sundaystoryes.com