11 սննդամթերք, որոնք կօգնեն պահպանել սրտանոթային համակարգի առողջությունը

Սրտանոթային համակարգը կենսական նշանակություն ունեցող համակարգ է, ուստի զարմանալի չէ, որ մասնագետները հորդորում են ավելի ուշադիր լինել և հոգ տանել սրտամկանի և անոթների մասին: Գոյություն ունեն դեղամիջոցներ, որոնք օգնում են պահպանել սրտանոթային համակարգի առողջությունը, սակայն քչերը գիտեն, որ նույն արդյունքին կարելի է հասնել նաև սննդակարգում որոշակի սննդամթերք ներառելով:

Ձեր ուշադրությանն ենք ներկայացնում սրտի համար ամենաօգտակար 11 սննդամթերքը.

1.      Կարմիր պղպեղ

Այս օգտակար համեմունքը պարունակում է մեծ քանակությամբ հակաօքսիդանտներ և մի շարք այլ նյութեր, որոնք պաշտպանում են սրտամկանն ու անոթները հնարավոր վնասվածքներից:

2.      Սպանախ

Սպանախը հարուստ է կալիումով, ֆոլաթթվով, կալցիումով ու լյուտեինով: Բացի այդ, սպանախը կոֆերմենտ Q10-ի գոյություն ունեցող երկու աղբյուրներից մեկն է, իսկ այդ տարրը շատ կարևոր է սրտի և մկանների համար:

3.      Հապալաս մրտենական

Սա ամենաօգտակար հատապտուղներից մեկն է, որի մուգ գույնը վկայում է մեծ քանակությամբ հակաօքսիդանտների առկայության մասին:

4.      Սաղմոն

Այս ձուկն օմեգա-3 ճարպաթթուների և սպիտակուցի հարուստ աղբյուր է, ուստի շատ օգտակար է սրտանոթային համակարգի համար: Բացի սաղմոններից, այս նյութերը կարելի է ստանալ նաև այլ յուղոտ ծովային ձկնատեսակներից:

5.      Լոբազգիներ

Լոբազգիները պարունակում են մեծ քանակությամբ սպիտակուցներ, մանրաթելեր, կալցիում, կալիում և երկաթ: Բացի այդ, դրանք գրեթե չեն պարունակում ճարպեր, ինչը նույնպես շատ կարևոր է: Հատկապես օգտակար է առանց կոնսերվանտների թարմ լոբին:

6.      Ընկուզեղեն

Ընկույզներն առողջարար սպիտակուցների, վիտամինների, հանքանյութերի և մոնոչհագեցած ճարպերի հիանալի աղբյուր են: Այս ճարպերը բարձրացնում են օրգանիզմում «լավ» խոլեստերինի մակարդակը և հասցնում են խոլեստերինը լյարդին, որտեղ այն զտվում է և դուրս է բերվում օրգանիզմից:

7.      Վարսակի շիլա

Վարսակը պարունակում է առողջարար մանրաթելեր, վիտամիններ և հանքանյութեր, որոնք շատ օգտակար են սրտանոթային համակարգի համար:

8.      Բրոկոլի

Բրոկոլին հարուստ է C և E վիտամիններով, կալցիումով, ֆոլաթթվով, մանրաթելերով ու բետա-կարոտինով: Բացի այդ, այն, ինչպես և սպանախը, կոֆերմենտ Q10-ի աղբյուր է: Ընդ որում՝ մասնագետները խորհուրդ են տալիս ուտել բրոկոլին հում վիճակում:

9.      Ծնեբեկ

Այս բույսը պարունակում է վիտամին C, կալիում, բետա-կարոտին և ֆոլաթթու, իսկ այդ նյութերը շատ օգտակար են սրտանոթային համակրագի համար:

10.  Քաղցր կարտոֆիլ

Քաղցր կարտոֆիլը ոչ միայն շատ համեղ մթերք է, այլև անչափ օգտակար: Այն հարուստ է A, C և E վիտամիններով, ինչպես նաև բետա-կարոտինով ու մանրաթելերով:

11.  Սխտոր

Սխտորն օգնում է կարգավորել զարկերակային ճնշումն ու խոլեստերինի մակարդակը, ինչպես նաև կանխարգելում է աթերոսկլերոզը: Այն հատկապես օգտակար է հում վիճակում և յուղի հետ օգտագործելու դեպքում:

Նյութի աղբյուրը՝ med2.ru