Որոնք են վահանագեղձի աշխատանքի խանգարման ախտանշանները և որ մթերքն է նպաստում նման խնդիրների առաջացմանը

Վահանաձև գեղձի հետ կապված խնդիրները շատ տարածված են՝ հատկապես 40-ն անց կանանց շրջանում: Այս գեղձի աշխատանքի խանգարման ախտանշանները մարդիկ հաճախ շփոթում են դաշտանադադարի ախտանշանների հետ: Բանն այն է, որ դրանք շատ նման են, ուստի հաճախ անգամ բժիշկները չեն կարողանում հստակ ախտորոշել խնդիրը: Սակայն վահանագեղձի հետ կապված խնդիրները ոչ մի դեպքում չի կարելի անտեսել, քանի որ դրանք կարող են խիստ վտանգավոր լինել առողջության համար:

Առաջին հերթին հարկավոր է հիշել, որ վահանաձև գեղձը շատ կարևոր օրգան է, որը կարգավորում է նյութափոխանակությունն ու արտադրում է կենսագործունեության համար անհրաժեշտ հորմոններ: Սա է պատճառը, որ գեղձի աշխատանքի խանգարման դեպքում կարճ ժամանակ անց ի հայտ կգան զգալի ֆիզիկական փոփոխություններ:

Վահանաձև գեղձի աշխատանքի խանգարման ախտանշանները հարկավոր է հնարավորինս շուտ հայտնաբերել և միջոցներ ձեռնարկել դրանցից ազատվելու համար, ուստի անհրաժեշտ է շատ ուշադիր լինել օրգանիզմի տված ազդանշանների հանդեպ: Ձեր ուշադրությանն ենք ներկայացնում վահանաձև գեղձի աշխատանքի խանգարումների մասին վկայող ամենատարածված ախտանշաններն ու այն սննդամթերքը, որը նպաստում է այդ խանգարումների առաջացմանը:

1.      Հոգնածություն

Երբ վահանաձև գեղձը չի արտադրում բավարար քանակությամբ հորմոններ մարդիկ հաճախ տառապում են մշտական գերհոգնածությունից՝ անգամ երկարատև հանգստից հետո:

2.      Քաշի փոփոխություն

Վահանագեղձի հետ կապված հիվանդությունների (հիպերթիրեոզ կամ հիպոթիրեոզ) դեպքում մարդու քաշը կարող է ավելանալ կամ պակասել, սակայն խնդիրն այն է, որ նման փոփոխությունն ազդում է ոչ միայն արտաքինի վրա: Նման խնդիրները կարող են նպաստել արյան մեջ շաքարի, խոլեստերինի և տրիգլիցերիդների մակարդակի բարձրացմանը կամ նվազմանը՝ դրանով իսկ դառնալով շաքարային դիաբետի, սրտի նոպայի և սրտի հետ կապված մի շարք այլ խնդիրների առաջացման պատճառ:

3.      Տրամադրության կտրուկ փոփոխություններ

Այս օրգանի հետ կապված խնդիրների դեպքում հաճախ առաջանում է հորմոնալ դիսբալանս, ինչի հետևանքով նկատվում են տրամադրության հաճախակի ու կտրուկ փոփոխություններ:

4.      Անբացատրելի ցավեր

Բացի այդ, նման խնդիրների դեպքում հաճախ նկատվում են տհաճ զգացողություններ ու ցավեր մարմնի տարբեր հատվածներում: Միևնույն ժամանակ մարդը դառնում է գերզայուն ցավի նոպաների նկատմամբ՝ հատկապես հոդացավերի և մկանային ցավերի դեպքում:

Նման խնդիրներից խուսափելու համար հարկ է հիշել, որ կա 2 մթերք, որոնք էլ ավելի են վատացնում հիվանդի վիճակը, ուստի հարկավոր է հնարավորինս խուսափել դրանցից:

·         Սնձան (գլյուտեն)

Գլյուտեն պարունակող սննդամթերքը խիստ վնասակար է օրգանիզմի համար, քանի որ ազդում է վահանաձև գեղձի աշխատանքի վրա և նպաստում հորմոնալ դիսբալանսի առաջացմանը: Ցավոք՝ այս նյութը պարունակվում սննդամթերքի բազմաթիվ տեսակների մեջ, ուստի դրանից խուսափելը գրեթե անհնար է, սակայն մասնագետներն, այնուամենայնիվ, խորհուրդ են տալիս հնարավորինս սահմանափակել գլյուտեն պարունակող մթերքի գործածությունը:

·         Սոյա և սոյայից պատրաստված սննդամթերք

Նման մթերքը ոչ միայն ազդում է մարդու հորմոնալ ֆոնի վրա, այլև նպաստում է վահանագեղձի աշխատանքի խանգարմանն ու իմունային համակարգի թուլացմանը, ուստի զարմանալի չէ, որ բժիշկները հորդորում են խուսափել դրանց գործածությունից:

Նյութի աղբյուրը՝ budetezdorovy.ru