Դիաբետի մասին 7 «առասպել», որոնց չի կարելի հավատալ

Եթե դուք անգամ ծանոթ չեք դիաբետի հետ, հավանաբար պատկերացնում եք, թե որքան դժվար է ապրել մի հիվանդությամբ, որը պահանջում է անդադար ուշադրություն: Չհաշված նաև հոգեբանական խնդիրենը, որոնք առաջանում են դիաբետի հետևանքով: Մայամիի  բժշկական կենտրոնի մասնագետները նշում են, որ դիաբետը հոգեբանական տեսանկյունից համարվում է ամենածանր քրոնիկ հիվանդությունը:

Այդ պատճառով, ինչպես գրում է zdorovie.com-ը, անկախ նրանից տառապում եք դուք դիաբետով թե ոչ, կարևոր է իմանալ,  որ կան այդ հիվանդության մասին առասպելներ, որոնք անհիմն են:

Առասպել 1. 1-ին և 2-րդ տիպի դիաբետը նույնն են
Իրականում այդպես չէ, նրանց միջև առկա է հսկայական  ֆիզիոլոգիական «անդունդ»: 1-ին տիպի  դիաբետը նշանակում է, որ օրգանիզմը չի արտազատում բավարար քանակությամբ ինսուլին: Ինսուլին  անհրաժեշտ է բոլորին, այդ հորմոնն  արտազատվում է ենթաստանոքսային գեղձի կողմից ու օգնում է էներգիան գլյուկոզայի  տեսքով հասցնել բջիջներին: 1-ին տիպի դիաբետը աուտոիմունային հիվանդություն է, որը  ստիպում է օրգանիզմին սխալմաբ հարձակվել ինքն իրեն, նշված դեպքում` քայքայելով ինսուլին արտազատող բջիջները:

2-րդ տիպի դիաբետը` ընդհակառակը, առաջանում է այն դեպքում, երբ օրգանիզմն արդյունավետ չի օգտագործում իր կողմից արտազատված ինսուլինը: Այդ պատճառով, 2-րդ տիպի դիաբետով հիվանդներին հաճախակի անհրաժեշտ է  լինում ինսուլին, որը նրանք ստանում են ներարկման տեսքով: Վիճակագրության համաձայն, նրանց թիվը կազմում է 2-րդ տիպի դիաբետով հիվնդների 30%-ը:

Առասպել 2.Դիաբետով հիվանդները պետք է ինսուլին ընդունեն
Իրականում  վերոնշված 30%-ը վրիպակ չէ: 1-ին տիպի դիաբետի դեպքում ինսուլինը անհրաժեշտ է, իսկ ահա 2-րդ տիպի դեպքում նման ներարկումների կարիք  հազվադեպ է լինում: Ներարկման փոխարեն, նման հիվանդներն օգտագործում են դեղահաբեր, ինչպես օրինակ  մետֆորմինը, որը նվազեցնում է արյան մեջ շաքարի մակարդակն ու բարձրացնում է ինսուլինի նկատմաբ օրգանիզմի ռեակցիան: Երբեմն սակայն  հնարավոր է, որ հիվանդության վերահսկումը ընթանա առանց դեղամիջոցների, օրինակ, եթե կանոնավոր կերպով զբաղվել սպորտով և  հետևել արյան մեջ շաքարի մակարդակի կտրուկ տատանումներից խուսափելու համար անհրաժեշտ ճիշտ դիետայի:

Առասպել 3.դիաբետի դեպքում չի կարելի ուտել ածխաջրեր
Խոսելով ճիշտ դիետայի մասին, հարկավոր է պարզաբանել, որ դիաբետի դեպքում կարող եք ածխաջրեր օգտագործել, սակայն կարևորը դրանք ճիշտ հաշվելն է: Շատերը կարծում են, որ նման դեպքում չեն կարող ուտել այն, ինչ ուտում են ընտանիքի մնացած անդամները, սակայն դա այդպես չէ: Կարելի է, սակայն հարկավոր է  սահմանափակել չափաքանակը: Հարկավոր է  շատ ուշադիր լինել բոլոր այն մթերքների նկատմամբ, որոնք պարունակում են ածխաջրեր, այդ թվում կաթի, յոգուրտի ու մրգերի:

Մասնագետները խորհուրդ են տալիս նաև դիմել դիետոլոգների օգնությանը, որպեսզի հնարավոր լինի հստակ իմանալ անհրաժեշտ չափաքանակները: Հիվանդության դեպքում չի  արգելվում նաև քաղցրավենիքի օգտագործումը, եթե դա իհարկե չի դառնում սովորություն:
Մասնագետները նշում են, որ հարկավոր է  ընտրել ածխաջրեր, որոնք հարուստ են բջջանյութով, օրինակ՝ ոսպ, լոբի, դդմիկ ու կարտոֆիլ, քանի որ նրանք յուրացվում են դանդաղ ու կտրուկ չեն բարձրացնում արյան մեջ շաքարի մակարդակը: Սակայն մասնագետները խորհուրդ չեն տալիս հետևել այն թյուր կարծիքին, որ եթե ընդունում եք ինսուլին, ապա կարող եք ամեն ինչ ուտել, քանի որ այդ ամենի հետևանքով կարող է  առաջանալ արյան մեջ շաքարի մակարդակի կտրուկ տատանումներ, որոնք կարող են  ուղեկցվել բավականին տհաճ ախտանշաններով ու ներքին օրգանների համար սթրեսի բարձր մակարդակով:

Առասպել 4.Քաղցրի ավելցուկը հանգեցնում է դիաբետի
Դա իրականում հոգեբանական ճնշում է, երբ մարդուն վախեցնում են, թե քաղցրավենիքի նկատմաբ հակվածությունը կարող  է դառնալ դիաբետի առաջացման պատճառ: Շաքարը չի առաջացնում դիաբետ: Ինչպես նշում են գիտնականները, դիաբետը դա շաքարի ու ածխաջրերի միջև բարդ հարաբերակցություն հետևանք է և անգամ փոխանցվում է սերնդե սերունդ:

Առասպել 5.  Ճարպակալումը հանգեցնում է դիաբետի
Իրականում այդպես չէ, շաքարային դիաբետը, ինչպես արդեն նշեցինք, հանդիսանում է գենետիկ ու ֆիզոլոգիական գործոնների ու կենսակերպի հարաբերակցության հետևանք: Ներկա դրությամբ գիտանկանները դեռևս չեն կարողացել հայտնաբերել որևէ հստակ պատճառ, որը կարող է  հանգեցնել դիաբետի: Այնպես որ, հստակ ասել, թե ավելորդ կիլոգրամները կարող են դառնալ դիաբետի պատճառ` սխալ կլինի, չնայած որ այն հանդիսանում է ռիսկի գործոն(դիաբետով տառապում են անգամ շատ նիհար մարդիկ): Ինչպես հայտնում են Հարվարդի բժշկական դպրոցի մասնագետները,  դիեբետիկների 15%-ը նորմալ քաշով մարդիկ են:

Առասպել 6.  Դիաբետի առկայությունը հնարավոր է  զգալ
Մասնագետները նշում են, որ շատ մարդիկ տարիներ շարունակ ապրում են այդ հիվանդությամբ` առանց կասկածելու անգամ իրենց մոտ վերջինիս առկայության մասին: Համաձայն դիաբետիկների ամերիկյան ասոցիացիայի տեղեկությունների, գրեթե յուրաքանչյուր 3-րդ ամերիկացին տառապում է դիաբետով և չի էլ կասկածում այդ մասին: Հիմնականում դրա պատճառը կայանում է  նրանում, որ ախտանշանները  ընկալվում ու բացատրվում են որպես ավելի քիչ վտանգավոր հիվանդությունների ախտանշաններ: Օրինակ միզարձակման բարձր հաճախականությունը կարող է վերագրվել միզուղիների ինֆեկցիային, իսկ հոգնածության ոչ բնական զգացողությունը` ընդամենը երկարաձգվող մրսածության ախտանշան:

Առասպել 7. Դիաբետը վտանգավոր հիվանդություն չէ
Փաստերը ապացուցում են, որ այն շատ վտանգավոր հիվանդություն է: Մասնագետները նշում են, որ ինքնին դիաբետը  մարդուն չի «սպանում»(եթե վերահսկել այն), բայց ահա բարդացումների դեպքում, այն կարող է  շատ վտանգավոր լինել: Դիաբետը չբուժելու դեպքում, այն կարող է հանգեցնել սրտի աշխատանքի խանգարման, կաթվածի(ինսուլտ), անդամահատման, կուրության ու երիկամային անբավարարության: