Ակտիվացրած ածուխը կարելի է օգտագործել նաև ամենատարածված հիվանդությունից՝ հելմինտոզից ազատվելու համար

Հելմինտոզն ամենատարածված հիվանդությունն է, որը հանդիպում է աշխարհի բոլոր երկրներում: Առաջին իսկ ախտանշանների դեպքում հարկավոր է անմիջապես սկսել բուժումը:

Դեղատներում վաճառվում են մեծ քանակությամբ դեղամիջոցներ, որոնք կօգնեն ազատվել հելմինտներից, սակայն հարկ է հիշել, որ անհրաժեշտ է ոչ միայն մտածել մակաբույծներից ազատվելու մասին, այլև մաքրել օրգանիզմը դրանց կենսագործուննեության հետքերից: Այս խնդիրը կարելի է լուծել հասարակ ակտիվացրած ածուխի օգնությամբ, որը կօգնի կարճ ժամանակահատվածում մաքրել օրգանիզմը տոքսիներից և ճիճուների կենսագործունեության հետքերից:

Սակայն ակտիվացրած ածուխը ճիճուների դեմ ցանկալի է չօգտագործել, եթե.

·         կան աղիքային կամ ստամոքսի արյունահոսության կասկածներ,

·         օրգանիզմը չի ընդունում ատիվացրած ածուխ,

·         ախտորոշվել է աղեստամոքսային տրակտի խոցային հիվանդություն,

·         օգտագործվել են հակատոքսինային նյութեր:

Ածուխն օգտագործելիս՝ հարկավոր է ուշադրություն դարձնել չափաբաժնին:

·         Մինչև մեկ տարեկան երեխաներին օրվա ընթացքում թույլատրվում է առավելագույնը 2 հաբ, որոնք հարկավոր է մանրացնել և ավելացնել ջրին:

·         1-3 տարեկան երեխաները մեկ օրվա ընթացքու կարող են օգտագործել 4 հաբ:

·         3-4 տարեկան երեխաները կարող են օգտագործել 6 հաբ:

·         6 տարեկանից բարձր երեխաներին թույլ է տրվում օգտագործել մինչև 12 դեղահաբ՝ կախված երեխայի քաշից և նրա մոտ հայտնաբերված հելմինտոզի տեսակից:

Օրգանիզմն ամբողջությամբ մաքրելու համար հասուն մարդը պետք է օգտագործի մեկ հաբ՝ մարմնի քաշի 10 կգ-ի դիմաց: Սակայն ոչ մի դեպքում չի կարելի չարաշահել ածուխը, քանի որ այն կարող է դուրս բերել օրգանիզմից նաև օգտակար նյութերը: Դեղահաբերը հարկավոր է ընդունել սննդի ընդունումից 2-3 ժամ անց:

Կողմնակի բարդություններ.

Ակտվացրած ածուխի չարաշահումը կարող է առաջացնել աղիների աշխատանքի խանգարումներ, սրտխառնոց ու փսխում:

Բացի այդ, այն նաև կարող է հանգեցնել հիպովիտամինոզի, որի դեպքում օրգանիզմից դուրս են գալիս բոլոր օգտակար նյութերը, այդ թվում նաև վիտամինները:

Հարկ է նաև հիշել, որ մինչ ածուխի օգտագործումն անհրաժեշտ է նաև ուսումնասիրել հակահելմինտային միջոցի ցուցումներ: Հիմնականում ոչ մի հակացուցում չի լինում, սակայն կարող են լինել և բացառություններ:

Այս դեղամիջոցը կարելի է օգտագործել առավելագույնը 72 ժամ: Հելմինտների դեպքում այս միջոցն օգտագործելիս՝ հարկավոր է նախ խորհրդակցել բժշկի հետ (հատկապես երիտասարդների և երեխաների դեպքում), քանի որ միայն նա կարող է նշանակել ճիշտ բուժումը:

Նյութի աղբյուրը՝ zhkt.guru