9 փորձված միջոց ավելորդ հեղուկն օրգանիզմից դուրս բերելու համար

14:48 • 20.02.18

Մարդկային օրգանիզմը 70%-ով բաղկացած է ջրից, ուստի ջուրը հարկավոր է առողջության պահպանման համար և դրանից ոչ մի դեպքում չի կարելի հրաժարվել: Սակայն օրգանիզմում մեծ քանակությամբ հեղուկի կուտակումը հանգեցնում է ոչ միայն քաշի ավելացման, այլև այտուցների առաջացման:

Առավել հաճախ հեղուկը կուտակվում է նախադաշտանային համախտանիշի և հղիության ժամանակ: Բացի այդ, հեղուկի կուտակման պատճառ կարող է դառնալ նստակյաց կենսակերպը, աղի և քաղցր սննդամթերքի չարաշահումը, որոշ դեղամիջոցների ընդունումը, ալկոհոլի չարաշահումը և այլն:

Սակայն գիտնականները ներկայացրել են պարզ ու փորձված միջոցներ, որոնք կօգնեն արդյունավետ կերպով դուրս բերել ավելորդ հեղուկն օրգանիզմից:

1. Սահմանափակել աղի գործածությունը

Աղից ու աղի մթերքից հրաժարվելու անհրաժեշտություն չկա, սակայն դրանց սահմանափակումը կարող է շատ օգտակար լինել առողջության համար: Բացի այդ, այս հնարքը կօգնի նաև դուրս բերել ավելորդ հեղուկն օրգանիզմից:

2. Օրական մեկ հատ բանան ուտել

Այս համեղ ու քաղցր միրգը հարուստ է կալիումով, որը կանխում է օրգանիզմում ավելորդ հեղուկի կուտակումը: Բացի այդ, այն նաև կօգնի դուրս բերել արդեն իսկ կուտակված հեղուկը:

3. Օրական առնվազն երկու լիտր ջուր խմել

Օրվա ընթացքում երկու լիտր ջուր խմելը կօգնի վերականգնել օրգանզիմում հեղուկի բալանսը: Որքան շատ ջուր է խմում մարդը, այնքան շատ է միզում, ինչը նշանակում է, որ օրգանիզմից դուրս է գալիս նաև ավելորդ հեղուկը:

4. Օգտագործել միզամուղ ազդեցությամբ օժտված մթերք

Միզամուղ ազդեցությամբ են օժտված նեխուրը, մասուրը, մաղադանոսը, խնձորի քացախը, ձմերուկը, լոլիկը, կոճապղպեղը, վարսակը, կիտրոնը, վարունգը, կաղամբը, ծնեբեկը, գազարը և այլն:

5. Շատ շարժվել

Ակտիվ ֆիզիկական վարժությունները նպաստում են օրգանիզմում հեղուկի շրջանառության արագացմանը և դրա դուրսբերմանը:

6. Օգտագործել երկաթով ու B խմբի վիտամիններով հարուստ մթերք

Նման սննդամթերքը նույնպես շատ արդյունավետ է, քանի որ օգնում է ազատվել ավելորդ հեղուկից:

7. Ոտքերը բարձր տեղ դնել

Օրական մի քանի անգամ ոտքերը բարձր դիրքով պահելը կօգնի խթանել ավելորդ հեղուկի դուրսբերման գործընթացն ու ազատվել այտուցներից:

8. Օգտագործել կալցիումով ու մագնեզիումով հարուստ մթերք

Այս օգտակար տարրերը կօգնեն կանխել ավելորդ հեղուկի կուտակումը:

9. Օրական մի բաժակ յոգուրտ ուտել

Առանց հավելումների բնական յոգուրտը կօգնի բարելավել աղիների միկրոֆլորան ու ազատվել օրգանիզմում կուտակված ավելորդ հեղուկից:

Նյութի աղբյուրը՝ med2.ru