Օրգանիզմում տոքսինների կուտակման մասին վկայող 10 ախտանշան և 3 պարզ միջոց այս խնդրից ազատվելու համար

Մարդիկ օգտագործում են բազմաթիվ վնասակար նյութերով հարուստ սնունդ ու ըմպելիքներ, շնչում են աղտոտված օդ և ընդունում են վնասակար քիմիական տարրեր պարունակող դեղորայք, ուստի զարմանալի չէ, որ ժամանակ առ ժամանակ կուտակված տոքսինների հետևանքով վատանում է ինքնազգացողությունն ու ի հայտ են գալիս տարբեր հիվանդություններ:

Օրգանների ու համակարգերի աշխատանքը կարգավորելու համար հարկավոր է ժամանակ առ ժամանակ մաքրել օրգանիզմը կուտակված տոքսիններից, սակայն մինչ այդ անհրաժեշտ է պարզել, թե ինչ ախտանշաններ են ի հայտ գալիս նման դեպքերում:

Ձեր ուշադրությանն ենք ներկայացնում 10 ախտանշան, որոնք վկայում են օրգանիզմում մեծ քանակությամբ տոքսինների առկայության մասին:

1.      Որովայնի հատվածում ճարպաշերտերի առաջացում

Սա տոքսինների կուտակման մասին վկայող ամենատարածված ախտանշաններից է: Այս դեպքում տոքսինները թույլ չեն տալիս օրգանիզմին վերահսկել գլյուկոզայի մակարդակն ու յուրացնել ճարպերը:

2.      Մաշկային խնդիրներ

Տոքսինների առկայության դեպքում կարող են ի հայտ գալ նաև մաշկային այնպիսի խնդիրներ, ինչպիսին են մաշկի չորությունը, քորը, հետքերը, կոշտությունը և այլն:

3.      Գլխացավեր

Կուտակված վնասակար նյութերի պատճառով գլխուղեղը չի ստանում բավարար քանակությամբ սննդարար նյութեր ու թթվածին, ինչն էլ նպաստում է քրոնիկական գլխացավերի առաջացմանը:

4.      Մարմնի գերտաքացում

Տոքսինների հետևանքով լյարդը գերծանրաբեռնված է լինում, ինչի պատճառով հավելյալ ջերմություն է արտադրում:

5.      Էներգիայի մակարդակի նվազում

Նման խնդրի դեպքում հաճախ նկատվում է հյուծվածության ու հոգնածության զգացում, ինչպես նաև ուժերի անկում:

6.      Հաճախակի հարբուխ

Հաճախակի հարբուխը նույնպես վկայում է տոքսինների կուտակման մասին: Սա պայմանավորված է նրանով, որ օրգանիզմը չի կարողանում ազատվել օդի հետ օրգանիզմ ներթափանցած վիրուսներից ու մանրէներից:

7.      Անքնություն

Հյուսվածքներում կուտակված տոքսինները թույլ չեն տալիս, որ օրգանիզմը հանգստանա, ինչն էլ կարող է հանգեցնել քնի խանգարումների:

8.      Լեղապարկի հետ կապված խնդիրներ

Լյարդում կուտակված տոքսինները կարող են նպաստել լեղու թանձրացմանը, ինչը հանգեցնում է լեղապարկի խցանման:

9.      Լեզվի մակերևույթի դեղնավուն կամ սպիտակավուն երանգ

Լեզվի գույնի նման խոփոխությունը խոսում է արյան մեջ մեծ քանակությամբ տոքսինների կուտակման մասին:

10.  Հոդացավեր

Հոդացավերը նույնպես կարող են պայմանավորված լինել օրգանիզմում տոքսինների և միզաթթվի կուտակմամբ:

Սակայն գոյություն ունեն պարզ ու արդյունավետ միջոցներ, որոնք կօգնեն մաքրել օրգանիզմը վնասակար նյութերից և զգալիորեն բարելավել ինքնազգացողությունն ու առողջական վիճակը:

Աղերով լոգանք

Օրգանիզմի դետոքսիկացիայի հիանալի միջոց է աղերով լոգանքը: Այս պրոցեդուրան բարձրացնում է օրգանիզմում մագնեզիումի մակարդակը, իսկ այս տարրը շատ կարևոր է բջիջների դետոքսիկացիայի համար: Բացի այդ, նման լոգանքն օգնում է մեղմել հոդացավերն ու դուրս բերել ավելորդ հեղուկն օրգանիզմից:

Լոգանքի համար հարկավոր է պարզապես տաք ջրին 3-4 տուփ (յուրաքանչյուրը 25 գրամ) մագնեզիումի սուլֆատ կամ ½ բաժակ ծովի աղ ավելացնել: Պրոցեդուրան, որը տևում է մոտ 15 րոպե, խորհուրդ է տրվում անցկացնել շաբաթական երեք անգամ:

Հարկ է հիշել, որ բուժման այս մեթոդը հակացուցված է սրտի հիվանդություններից կամ զարկերակային գերճնշումից տառապողներին:

Կանաչ թեյ

Կանաչ թեյը պարունակում է մի նյութ(EGCG), որը կանխում է լյարդի վնասումը, ուստի ինքնազգացողությունը բարելավելու համար խորհուրդ է տրվում օրական 2-3 բաժակ կանաչ թեյ խմել:

Կիտրոն

Կիտրոնի հյութը համարվում է օրգանիզմի դետոքսիկացիայի համար կիրառվող լավագույն միջոցներից մեկը: Այն ոչ միայն ազատում է լեղու լճացումից, այլև ակտիվացնում է հանքանյութերի յուրացման գործընթացն ու բարելավում է մարսողությունը: Բացի այդ, կիտրոնները պայքարում են լյարդում կուտակված վնասակար քիմիական նյութերի դեմ և օգնում են ոչնչացնել տոքսինները:

Օրգանիզմը մաքրելու համար խորհուրդ է տրվում ամեն առավոտ դատարկ ստամոքսին կիտրոնի հյութով գոլ ջուր խմել: Ցանկության դեպքում կարելի է ըմպելիքին մի փոքր մեղր և մի պտղունց կայենյան պղպեղ ավելացնել: Բուժման կուրսը տևում է 2 շաբաթ:

Նյութի աղբյուրը՝ budetezdorovy.ru