Բնական միջոցներ, որոնք կօգնեն ազատվել ձվարանների կիստաներից ու արգանդի միոմայից

17:33 • 04.03.18

Ձվարանների կիստաներն ու արգանդի միոման կարող են շատ վտանգավոր լինել: Նման գոյացությունների հետևանքով կարող է առաջանալ հորմոնալ դիսբալանս, ինչը կհանգեցնի քաշի ավելացման և անգամ անպտղության: Դրանց առաջացմանը նպաստող գործոնները կարող են տարբեր լինել, սակայն ցանկացած դեպքում այս գոյացությունների զարգացումը հաճախ աննկատ է լինում այնքան ժամանակ, մինչև դրանք սկսում են տհաճ զգացողություններ և անգամ ցավ պատճառել:

Սովորաբար միոմաների, ֆիբրոմաների և կիստաների դեպքում նշանակվում է դեղորայքային բուժում կամ վիրահատություն, սակայն կան նաև շատ արդյունավետ բնական միջոցներ, որոնք կօգնեն ազատվել այդ նորագոյացություններից: Ձեր ուշադրությանն ենք ներկայացնում դրանցից երկուսը:

1-ին բաղադրատոմսը.

Բաղադրությունը.

· 1 բաժակ ջուր,

· 1 ճաշի գդալ մեղր,

· 1 ճաշի գդալ կիտրոնի հյութ,

· 1 ճաշի գդալ կոճապղպեղի հյութ,

· 1 ճաշի գդալ ծաղկափոշի,

· 1 բաժակ հալվե վերայի գել:

Պատրաստման եղանակը.

Բոլոր բաղադրիչները լցնել կոտորակիչի մեջ և լավ խառնել մինչև ստացվի համասեռ զանգված: Ստացված դեղամիջոցը հարկավոր է բաժանել երկու մասի, այնուհետև մի մասը խմել առավոտյան դատարկ ստամոքսին, իսկ մյուս մասը՝ երեկոյան քնելուց առաջ:

Այս մեթոդով բուժման կուրսը տևում է մեկ ամիս: Հարկ է հիշել, որ դեղամիջոցը անհրաժեշտ է պատրաստել ամեն օր, քանի որ այն չի կարելի պահել երկար ժամանակ:

2-րդ բաղադրատոմսը.

Բաղադրությունը.

· ½ բաժակ գազարի հյութ,

· ½ բաժակ ճակնդեղի հյութ,

· 1 պճեղ սխտորից քամված հյութ,

· 1 ճաշի գդալ մեղր:

Պատրաստման եղանակը.

Հարկավոր է բոլոր բաղադրիչները խառնել և ընդունել ստացված դեղամիջոցն առավոտյան դատարկ ստամոքսին: Բուժման կուրսը տևում է մեկ ամիս:

Բացի այդ, հարկ է հիշել, որ այս նորագոյացությունների դեմ պայքարելու համար հարկավոր է օգտագործել B և E վիտամիններով հարուստ սնդնամթերք (օրինակ՝ ճակնդեղ, գազար, լոբազգիներ):

Նյութի աղբյուրը՝ budetezdorovy.ru