Որոնք են ձեռքերի թմրածության 7 հիմնական պատճառները

Մարդիկ հաճախ են բախվում ձեռքերի կամ ոտքերի զգայունության կորստի խնդրին: Սովորաբար դա տեղի է ունենում վերջույթներում անոթների կամ նյարդային վերջավորությունների սեղմվելու հետևանքով արյան շրջանառության ժամանակավոր խանգարման հետևանքով և դիրքը փոխելու կամ շարժվելու դեպքում զգայունությունը սկսում է վերականգնվել:

 Սակայն սա ձեռքերի թմրածության միակ պատճառը չէ: Եթե թմրածությունն ավելի ու ավելի հաճախ է նկատվում և ավելի տևական է դառնում, ապա հարկավոր է բուժզննում անցնել, քանի որ դա կարող է լինել առողջական լուրջ խնդրի հետևանք:

Ձեռքերի թմրածության պատճառները

1.      Պարանոցային օստեոխոնդրոզ. Ողնաշարի պարանոցային հատվածի ցանկացած խանգարում, որի հետևանքով սեղմվում է նյարդը, կարող է դառնալ ձեռքերի թմրածության, գլխացավերի և կոորդինացիայի խնդիրների պատճառ: Հարկավոր է հետևել կեցվածքին,կատարել հատուկ վարժություներ և իհարկե բուժզննում անցնել:

2.      Ցրված սկլերոզ. Սկլերոզը միայն մոռացկոտությունը չէ: Սա լուրջ նյարդաբանական հիվանդություն է: Գլխուղեղի և ողնուղեղի նյարդային թաղանթների ախտահարման հետևանքով վատանում է նյարդային ազդակների փոխանցելիությունը, ինչի հետևանքով ձեռքերի զգայունությունը թուլանում է և դրանք սկսում են թմրել:

3.      Դաստակային թունելի համախտանիշ. այս խնդիրը սովորաբար ի հայտ է գալիս ակյն մարդկանց մոտ, որոնց աշխատանքը կապված է ձեռքերի միապաղաղ աշխատանքի հետ (ծրագրավորողներ, երաժիշտներ, դերձակներ): Մատների կրկնվող շարժումների հետևանքով նեղ թունելով անցնող ջղերն այտուցվում են: Թունելում գտնվող նյարդը սեղմվում է և նկատվում է թմրածություն ու ծակծկոց: Այս հիվանդությունը հարկավոր է հնարավորինս շուտ բուժել, քանի որ այն կարող է առաջացնել բազմաթիվ բարդություններ:

4.      Վերջույթների երակների թրոմբոզը նույնպես կարող է հանգեցնել թմրածության, քանի որ թրոմբը դանդաղեցնում է արյան հոսքը, ուստի՝ խանգարվում է վերջույթի գործունեության համար անհրաժեշը կարևոր նյութերի մատակարարումը: Թրոմբոզը կարող է առաջացնել այտույցներ ու մի շարք այլ բարդություններ, ուստի հիվանդությունը հարկավոր է հնարավորինս շուտ ախտորոշել ու բուժել:

5.      Անեմիան և շաքարային դիաբետը նույնպես ուղեկցվում են արյան շրջանառության խանգարումներով ու թմրածությամբ:

6.      Բազկահյուսակի նյարդացավը, ինչպես նաև հարակից հյուսվածքների երկարատև բորբոքումը նույնպես կարող են առաջացնել ցավոտ զգացողություններ ու թմրածություն:

7.      Գլխուղեղի արյան շրջանառության խանգարումը (կաթված) ձեռքերի թմրածության ամենավտանգավոր պատճառն է: Եթե ձեռքերի թմրածությունն ուղեկցվում է ստորին վերջույթների աշխատանքի խանգարմամբ, մտքերի խառնվածությամբ, գլխացավերով, խոսքի ու տեսողության խանգարմամբ, ապա հարկավոր է ամնիջապես շտապ բուժօգնություն ցուցաբերել:

Նյութի աղբյուրը՝ takprosto.cc