6 ախտանշան, որոնք վկայում են լյարդի աշխատանքի խանգարման մասին

Լյարդն ամենակարևոր օրգաններից մեկն է, որը մաքրում է արյունը և դուրս է բերում տոքսիններն ու վնասակար նյութերն օրգանիզմից: Տարիների ընթացքում լյարդի աշխատանքը վատանում է և այն սկսում է ավելի դանդաղ գործել: Այս ամենի հետևանքով օրգանիզմն ավելի դանդաղ է մաքրվում, իսկ որովայնի հատվածում սկսում են ճարպեր կուտակվել: Սա է պատճառը, որ լյարդի աշխատանքի հետ կապված խնդիրների մասին վկայող առաջին ախտանշանը սովորաբար լինում է քաշի անկառավարելի ավելացումը:

Գոյություն ունի լյարդի ճարպային հիվանդություն, որն առաջանում է լյարդում կուտակված մեծ քանակությամբ ճարպերի հետևանքով (ավելի քան 10%): Մասնագետները տարբերում են լյարդի ճարպային հիվանդության երկու տեսակ.

·        պայմանավորված խոլեստերինի բարձր մակարդակով կամ ժառանգական նախատրամադրվածությամբ,

·        պայմանավորված ալկոհոլային ըմպելիքների չարաշահմամբ:

Այս հիվանդության դեպքում օրգանիզմը հաճախ ազդանշաններ է ուղարկում՝ հուշելով առողջական խնդիրների մասին: Լյարդի ճարպային հիվանդության մասին վկայող ամենատարածված ախտանշաններն են.

1.      Քաշի անբացատրելի ավելացումը

Քաշի ավելացումը համարվում է լյարդի ճարպային հիվանդության մասին վկայող ամենաակնհայտ ախտանշանը, ուստի այն ոչ մի դեպքում չի կարելի անուշադրության մատնել: Քաշի ավելացումը պայմանավորված է լինում նրանով, որ օրգանիզմը չի կարողանում ազատվել տոքսիններից և դրանք կուտակվում են ճարպերի տեսքով: Ընդ որում՝ նման խնդիր կարող է ի հայտ գալ անգամ ճիշտ սննդակարգի և մարզումների դեպքում:

2.      Ալերգիաներ

Օրգանիզմը տոքսիններից մաքրելուց բացի լյարդը նաև ստեղծում է հակամարմիններ, որոնք պայքարում են ալերգենների դեմ: Եթե օրգանի աշխատանքը խանգարվում է և այն չի արտադրում բավարար քանակությամբ հակամարմիններ, ապա ալերգիայի նոպաներն ավելի հաճախ են ի հայտ գալիս:

3.      Քրոնիկական հոգնածություն

Լյարդի հետ կապված խնդիրները բացասաբար են ազդում նաև տրամադրության ու էներգիայի մակարդակի վրա:

4.      Առատ քրտնարտադրություն

Երբ լյարդը գերծանրաբեռնված է լինում, օրգանիզմն արձագանքում է առատ քրտնարտադրությամբ: Սա պայմանավորված է լինում նրանով, որ ծանրաբեռնվածության դեպքում գերտաքացած օրգանիզմը  փորձում է հովանալ քրտնարտադրության միջոցով:

5.      Մաշկային խնդիրներ ու ակնե

Լյարդի հետ կապված խնդիրների դեպքում հաճախ ի հայտ են գալիս նաև մաշկային խնդիրներ, որոնցից չի հաջողվում ազատվել անգամ բուժման դեպքում: Բանն այն է, որ այս դեպքում խնդիրը պայմանավորված է լինում ներքին օրգանների խնդիրներով:

6.      Բերանի խոռոչի տհաճ հոտ

Եթե բերանի խոռոչի տհաճ հոտից չի հաջողվում ազատվել անգամ ճիշտ հիգիենայի ու խնամքի դեպքում, ապա ամենայն հավանականությամբ խնդիրը պայմանավորված է լյարդի հետ կապված խնդիրներով:

Հարկ է հիշել, որ նշված ախտանշանների առկայության դեպքում անհրաժեշտ է անպայման խորհրդացել բժշկի հետ և բուժզննում անցնել: Սա կօգնի ժամանակին հայտնավբերել խնդիրն ու միջոցներ ձեռնարկել դրանից ազատվելու համար:

Բացի այդ, պետք չէ մոռանալ նաև ճիշտ սննդակարգի ու առողջ կենսակերպի մասին, քանի որ այդ դեպքում հնարավոր կլինի խուսափել բազմաթիվ լուրջ խնդիրներից:

Նյութի աղբյուրը՝ budetezdorovy.ru