10 ախտանշան, որոնք վկայում են ձվարանների քաղցկեղի մասին

Ձվարանների քաղցկեղը կանանց շրջանում քաղցկեղի ամենատարածված, սակայն «ամենալռակյաց» տեսակներից է, որը մեծ մասամբ հայտնաբերվում է չափազանց ուշ: Սա է պատճառը, որ հարկավոր է պարբերաբար բուժզննում անցնել՝ հետագա խնդիրներից խուսափելու համար:

Ամբողջ աշխարհում ամեն տարի քաղցկեղի այս տեսակի հետևանքով մահանում են միլիոնավոր կանայք: Բժիշկների խոսքով՝ այս հիվանդության առաջացման վտանգի տակ են գտնվում հիմնականում 55 տարեկանից բարձր կանայք, սակայն այն կարող է առաջանալ նաև երիտասարդ կանանց և նույնիսկ երեխաների մոտ:

Ձեր ուշադրությանն ենք ներկայացնում ձվարանների քաղցկեղի հիմնական ախտանշանները, որոնք կօգնեն ժամանակին հայտնաբերել հիվանդությունը և համապատասխան միջոցներ ձեռնարկել:

Մեջքի ցավեր

Եթե մեջքի ցավերը պայմանավորված չեն ֆիզիկական ծանրաբեռնվածությամբ, կամ ողնաշարի հետ կապված որևէ հիվանդությամբ, ապա հարկավոր է անմիջապես խորհրդակցել բժշկի հետ:

Որովայնի և կոնքի հատվածի ցավ

Այս հատվածի ցավը նույնպես կարող է լինել ձվարանների քաղցկեղի ախտանշան:

Դաշտանային ցիկլի խանգարումներ

Դաշտանային ցիկլի խանգարումները միշտ էլ վկայում են առողջական խնդիրների մասին, սակայն նման խանգարումների պատճառ կարող է լինել նաև ձվարանների քաղցկեղը:

Քրոնիկ հոգնածություն

Սովորաբար օնկոլոգիական խնդիրների մշտական ուղեկիցն են լինում երկարատև սրտխառնոցը, գլխապտույտները, ախորժակի կորուստը և վատ ինքնազգացողությունը:

Քրոնիկ փորափքանք

Շատերը կարծում են, թե սա մարսողական համակարգի աշխատանքի հետ կապված խնդիր է, սակայն փորափքանքը կարող է լինել նաև ձվարանների քաղցկեղի ախտանշան:

Սեռական ակտի ժամանակ նկատվող ցավ

Սեռական ակտի ժամանակ նկատվող ցավը այս հիվանդության առաջին ախտանշաններից է: Բացի այդ, բուժզննման առիթ են նաև հաճախամիզությունը և կոնքի հատվածում ճնշման զգացողությունը:

Փսխում

Ձվարանների քաղցկեղի հետևանքով կարող է առաջանալ սրտխառնոց, փսխում և որպես հետևանք նաև քաշի կորուստ:

Որովայնի չափերի մեծացում

Եթե կնոջ որովայնը մեծանում է, ինչպես կմեծանար հղիության դեպքում, ապա հարկավոր է անմիջապես բուժզննում անցնել:

Մազերի առատ աճ կամ մազաթափություն

Սա քաղցկեղի այս տեսակին խիստ բնորոշ ախտանշաններից չէ, սակայն ամեն դեպքում չպետք է անտեսվի:

Փորկապություն

Ձվարանների քաղցկեղը շատ մեծ ազդեցություն է ունենում մարսողական համակարգի վրա՝ հատկապես զարգացման սկզբնական փուլերում: Սովորաբար փորկապությունն ուղեկցվում է ստամոքսի ցավով, ախորժակի կորստով և աղիների փքվածությամբ:

Հարկ է հիշել, որ այս ախտանշաններից շատերը կարող են կապված լինել նաև այլ հիվանդությունների հետ, սակայն ամեն դեպքում բուժզննումն ու հստակ ախտորոշումը պարտադիր են:

Նյութի աղբյուրը՝ natureba.net