Հավկիթի ամենաօգտակար հատկությունները, որոնց մասին քչերը գիտեն

Հավկիթը շատ համեղ ու տարածված մթերք է, սակայն ոչ բոլորը գիտեն, թե որքան օգտակար է այն օրգանիզմի համար: Ձեր ուշադրությանն ենք ներկայացնում հավկիթի ամենաօգտակար հատկությունները, որոնց մասին քչերը գիտեն:

1.      Խոլինի շնորհիվ հավկիթը պաշտպանում է գլխուղեղը

Հավկիթները պարունակում են մեծ քանակությամբ խոլին, իսկ գլխուղեղի բջիջների համար շատ կարևոր ֆոսֆոլիպիդները բաղկացած են հենց խոլինից: Ուսումնասիրությունները ցույց են տվել, որ խոլինը գլխուղեղի համար ամենակարևոր տարրերից մեկն է, որի պակասը հանգեցնում է հիշողության վատացման: Ընդ որում՝ բավարար քանակությամբ խոլին ստանալու համար հարկավոր է ընդամենը օրական 2 հատ հավկիթ ուտել:

2.      Լյուտեինի շնորհիվ հավկիթն օգնում է պահպանել տեսողությունը

Հավկիթը պարունակում է մեծ քանակությամբ լյուտեին, իսկ այս նյութը պատասխանատու է տեսողության պահպանման համար: Լյուտեինի դեֆիցիտի դեպքում աչքի հյուսվածքներում տեղի են ունենում վտանգավոր փոփոխություններ, որոնք հանգեցնում են տեսողության անդառնալի վատացման:

3.      Հավկիթում պարունակվող վիտամին D-ն օգնում է ավելի լավ յուրացնել կալցիումը

Մեկ հատ խաշած հավկիթը պարունակում նույնքան վիտամին D, որքան պարունակվում է մեկ գդալ ձկան յուղում, իսկ այս վիտամինը ոչ միայն ամրապնդում է մարդու ոսկորներն ու ատամները, այլև նպաստում է կալցիումի յուրացմանը:

4.      Հավկիթում պարունակվող B խմբի վիտամինները պաշտպանում են մաշկը, մազերն ու լյարդը

Բիոտինը, վիտամին B-12-ը, ինչպես նաև հեշտ յուրացվող սննդարար սպիտակուցները նպաստում են մազերի ու մաշկի ամրապնդմանը: Բացի այդ, հավկիթը պարունակում է նաև ֆոսֆոլիպիդներ, որոնք օգնում են մաքրել լյարդը տոքսիններից:

5.      Հավկիթը նվազեցնում է սրտանոթային հիվանդությունների առաջացման հավանականությունը

Ուսումնասիրությունները ցույց են տվել, որ հավկիթում պարունակվող խոլեստերինը հավասարակշռության է բերվում ֆոսֆատիդների միջոցով, ուստի այն վնասակար չէ մարդու համար: Բացի այդ, հավկիթը պարունակում է օմեգա-3 ճարպաթթուներ, որոնք նվազեցնում են տրիգլիցերիդների մակարդակը, ինչն էլ, իր հերթին, նվազեցնում է սրտանոթային հիվանդությունների առաջացման հավանականությունը:

6.      Հավկիթն օգնում է ազատվել ավելորդ քաշից

Ամերիկացի գիտնականները եկել են այն եզրահանգման, որ ցածր կալորիականությամբ սննդակարգին հետևելու և պարբերաբար նախաճաշին հավկիթ ուտելու դեպքում կարելի է երկու անգամ արագացնել նիհարելու գործընթացը: Նման նախաճաշը բավական երկար ժամանակով ազատում է քաղցի զգացումից, ինչի շնորհիվ մարդն օրվա ընթացքում շատ ավելի քիչ է ուտում:

7.      Հավկիթը նվազեցնում է օնկոլոգիական հիվանդությունների առաջացման հավանականությունը

Հավկիթում պարունակվող խոլինը նաև նվազեցնում է օնկոլոգիական հիվանդությունների առաջացման հավանականությունը: Ուսումնասիրությունները ցույց են տվել, որ դեռահասության շրջանում ամեն օր հավկիթ օգտագործած կանանց մոտ կրծքագեղձի քաղցկեղի առաջացման հավանականությունը նվազում է 18%-ով:

8.      Այն նաև շատ օգտակար է հղիության պլանավորման ընթացքում

B խմբի վիտամինները մասնակցում են նաև սեռական հորմոնների ձևավորման գործընթացին: Վիտամին B9-ը, որն անվանվում է նաև ֆոլաթթու, շատ կարևոր է պտղի զարգացման ու առողջության համար, ուստի այն նաև շատ կարևոր է կանանց համար հղիության պլանավորման ընթացքում: Սա է պատճառը, որ կանայք պետք է անպայման հարստացնեն իրենց սննդակարգը հավկիթով, քանի որ մեկ հավկիթը պարունակում է 7 մկգ ֆոլաթթու:

9.      Հավկիթը դանդաղեցնում է ծերացման գործընթացը

Նիդեռլանդցի գիտնականների անցկացրած ուսումնասիրությունները ցույց են տվել, որ հավկիթը նաև դանդաղեցնում է ծերացման գործընթացը: Այս մթերքի շնորհիվ հետազոտությանը մասնակցած 35-40 տարեկան կանանց 87%-ի մոտ անհետացել են պիգմենտային հետքերն ու ձգվել է մաշկը, մինչդեռ տղամարդկանց մոտ զգալիորեն հարթվել են աչքերի շուրջն առաջացած մանր կնճիռները:

Նյութի աղբյուրը՝ med2.ru