Լեղաքարային հիվանդության հիմնական ախտանշաններն ու բարդությունները

Լեղաքարային հիվանդությամբ տառապողներից շատերի մոտ լինում են այդ հիվանդության ախտանշանները, սակայն պատահում է նաև, որ մարդը երկար տարիներ ապրում է այս հիվանդությամբ և չի նկատում որևէ ախտանշան: Փորձը ցույց է տալիս, որ լեղապարկում քարերի առկայության ախտանշանները մարդիկ հաճախ շփոթում են մարսողական խնդիրների հետ և հենց սա է հիվանդության նենգությունը:

Լեղապարկում քարերի առաջացման հիմնական պատճառներն արյան մեջ խոլեստերինի և բիլիռուբինի՝ լեղու ֆերմենտներից մեկի բարձր մակարդակ է:

Լեղաքարային հիվանդության ախտանշաններն են.

·  ուժգին ցավը կրծքավանդակի աջ կողմում, որը կարող տարածվել մեջքի և աջ ուսի հատվածում,

·  որովայնի (լեղապարկի) ուժգին ցավերը

·  առատ ու հաճախակի փսխումը,

·  չափազանց շատ գազերը,

·  այրոցն ու գխտոցը,

·  ցավը շնչելիս,

·  բարձր ջերմությունն ու քրտնարտադրությունը:

Այնուամենայնիվ՝ հիվանդների 80%-ը նույնիսկ չի էլ կասկածում, որ լեղապարկում քարեր ունի, քանի որ հիվանդությունը ոչ մի կերպ չի արտահայտվում: Ցավոք հիվանդության նման ընթացքը բավական հաճախ է հանդիպում:

Վերոնշալ ախտանշաններից որևէ մեկի կամ մի քանիսի հայտաբերման դեպքում հարկավոր է բուժզննում անցնել, քանի որ դա կարող է պայմանավորված լինել լեղապարկի քարերով:

Հարկ է հիշել, որ ավելի լավ է կանխարգելել հիվանդությունը, քան բուժել այն: Լեղաքարային հիվանդության դեպքում նույնպես հարկավոր է ուշադրություն դարձնել այս կանոնին, քանի որ քարերը կարող են մեծանալ ու հասնել հսկայական չափերի և հրահրել այնպիսի ուժգին ցավեր, որ հիվանդին անհրաժեշտ կլինի անմիջապես վիրահատել:

Բացի այդ, լեղապարկը կարող է այնքան լայնանալ, որ դրա գործունեությունը լրջորեն կխանգարվի և կլինի պատռվելու վտանգ: Հիվանդությունը սովորաբար նման ընթացք է ստանում, եթե երկար ժամանակ մատնված է եղել անուշադրության: Հենց այս պատճառով էլ լեղաքարային հիվանդությունը համարվում է շատ վտանգավոր խնդիր, որի դեմ ժամանակին միջոցներ չձեռնարկելու դեպքում հիվանդի կյանքը կարող է վտանգված լինեն:

Եթե հիվանդությունն արդեն ախտորոշված է, ապա բարդություններից խուսափելու համար հարկավոր է խստորեն հետևել բժշկի խորհուրդներին ու նշանակված դիետային: Որոշ ժամանակ անց հիվանդին անհրաժեշտ է վիրահատել, ինչը հնարավորություն կտա ազատվել քարերից և վերադառնալ բնականոն կյանքին: Վիրահատությունից հետո հիվանդը ոչ մի անհարմարության զգացում չի ունենա, սակայն նման արդյունքի հասնելու համար հարկավոր է հետևել բժշկի բոլոր ցուցումներին:

Նյութի աղբյուրը՝ budetezdorovy.ru