6 բան, որ չի կարելի անել դատարկ ստամոքսին

16:45 • 23.03.18

Որոշ սովորություններ մարդու մոտ ինքնաբերաբար են ձևավորվում, և մարդիկ ոչ միշտ են գիտակցում, որ դրանք կարող են շատ վտանգավոր լինել առողջության համար:

Ձեր ուշադրությանն ենք ներկայացնում 6 բան, որ ոչ մի դեպքում չի կարելի անել դատարկ ստամոքսին:

1. Ընդունել հակաբորբոքային դեղամիջոցներ

Կան դեղամիջոցներ, որոնք ոչ մի դեպքում չի կարելի ընդունել դատարկ ստամոքսին: Նման դեղորայքի շարքին են դասվում հակաբորբոքային դեղամիջոցները (օրինակ՝ ասպիրին, պարացետամոլ և այլն):

Բանն այն է, որ դատարկ ստամոքսին օգտագործելու դեպքում նվազում է դրանց արդյունավետությունը: Բացի այդ, այս դեղամիջոցները կարող են խիստ վնասակար լինել առողջության համար՝ առաջացնելով ստամոքսի արյունահոսություն:

Ի դեպ՝ այս դեղամիջոցների առաջացրած բացասական ազդեցությունը նվազեցնելու համար խորհուրդ է տրվում կաթ խմել:

2. Սուրճ խմել

Օրը մի բաժակ սուրճով սկսելու սովորությունը նույնպես կարող է խիստ վտանգավոր լինել՝ անգամ, եթե սուրճն առանց կոֆեինի է: Բանն այն է, որ սուրճը խթանում է թթուների արտադրությունը, ինչը կարող է դառնալ ստամոքսի այրոցի և մարսողական համակարգի աշխատանքի այլ խանգարումների առաջացման պատճառ:

3. Ալկոհոլ օգտագործել

Ալկոհոլային ըմպելիքները ոչ մի դեպքում չի կարելի խմել դատարկ ստամոքսին, քանի որ այդ ժամանակ ալկոհոլը երկու անգամ ավելի արագ է ներծծվում հյուսվածքների մեջ:

Բացի այդ, դատարկ ստամոքսին ընդունած ալկոհոլն ավելի դանդաղ է դուրս գալիս օրգանիզմից, խումարի ավելի տհաճ ախտանշաններ է առաջացնում և խիստ բացասաբար է ազդում լյարդի, սրտամկանի և երիկամների վրա:

Մասնագետները նշում են, որ եթե ինչ-ինչ պատճառներով չի հնարավոր չէ խուսափել առավոտյան ալկոհոլի ընդունումից, ապա հարկավոր է նախապատվությունը տալ չգազավորված ըմպելիքներին, որոնք մատուցվում են սառեցված և ավելի դանդաղ են ներծծվում արյան մեջ:

4. Մաստակ ծամել

Ծամելու ընթացքում արտադրվում է աղաթթու, որը բացասաբար է ազդում լորձաթաղանթի վրա և կարող է հանգեցնել գաստրիտի: Սա է պատճառը, որ հարկավոր է հրաժարվել դատարկ ստամոքսին մաստակ ծամելու սովորությունից: Խիստ ցանկության դեպքում մասնագետները խորհուրդ են տալիս ընտրել այնպիսի մաստակ, որը պարունակում է բնական քաղցրացուցիչներ, այլ ոչ թե շաքար, ցիկլամատ կամ ասպարտամ: Բացի այդ, հարկ է հիշել, որ մաստակը չի կարելի ծամել 10 րոպեից ավել, քանի որ դա կարող է վնասակար լինել անգամ ուտելուց հետո ծամելու դեպքում:

5. Մարզվել

Առանց նախաճաշելու մարզվելու դեպքում մարդը կարող է միայն մկանային ցանգված կորցնել: Բացի այդ, բավարար քանակությամբ էներգիա չստանալու դեպքում շատ դժվար կլինի ինտենսիվ մարզումներ անցկացնել: Հարկ է հիշել, որ դատարկ ստամոքսին կարելի է միայն աէրոբային վարժություններ կատարել:

Բացի այդ, հարկավոր է շատ ուշադիր լինել մարսողական համակարգի հիվանդությունների դեպքում, քանի որ ցանկացած ֆիզիկական ակտիվություն խթանում է ստամոքսահյութի արտադրությունը, ինչը կարող է խիստ վնասակար լինել դատարկ ստամոքսի դեպքում:

6. Այցելել մթերային խանութ

Քաղցած ժամանակ մարդիկ սովորաբար ավելի շատ են գնում, քան իրականում անհրաժեշտ է, ուստի դատարկ ստամոքսին ոչ մի դեպքում չի կարելի այցելել մթերային խանութ:

Սա է պատճառը, որ մասնագետները խորհուրդ են տալիս խանութ գնալ միայն սնվելուց հետո և անպայման նախապես կազմել անհրաժեշտ մթերքի ցուցակը: Այս հնարքը կօգնի ոչ միայն խնայել գումարը, այլև խուսափել առողջական բազմաթիվ խնդիրներից:

Նյութի աղբյուրը՝ econet