5 բույր, որոնք կօգնեն ազատվել առողջական տարբեր խնդիրներից

Բուրավետ յուղերը վաղուց հայտնի են իրենց բուժիչ հատկություններով, ուստի մարդիկ դրանք օգտագործել են տարբեր հիվանդություններից ազատվելու համար: Ձեր ուշադրությանն ենք ներկայացնում լավագույն բույրերը, որոնք կօգնեն ազատվել առողջական բազմաթիվ խնդիրներից:

1.      Եղեսպակ (шалфей)

Անտիկ ժամանակաշրջանում համարվում էր, որ եղեսպակն օժտված է հակասեպտիկ հատկություններով, իսկ 2013 թվականի ուսումնասիրությունները միայն հաստատել են այս ենթադրությունը:

Եղեսպակով ըմպելիքն ու դրա բույրն օգնում են կանանց մեղմել որովայնի ցավերը, ազատում են սթրեսից և բարելավում են հիշողությունը: Այս բույսը հզոր հակաօքսիդանտ է, որն օգնում է մաքրել օրգանիզմը և արգելակում է ազատ ռադիկալների զարգացումը, ինչն օգնում է պահպանել երիտասարդությունն ու կանխարգելել քաղցկեղը:

Սակայն հարկ է հիշել, որ չարաշահումը նույնպես կարող է վնասակար լինել: Եղեսպակով արոմաթերապիաները չպետք է երկարատև լինեն (15-60 րոպե), այլապես կարող են էլ ավելի մեծ վնաս հասցնել:

Բացի այդ, այս բույսի բույրը կարող է վտանգավոր լինել հղի կանանց օրգանիզմի համար և զրկել նրանց մայրական կաթից:

2.      Անանուխ

Բազմաթիվ ուսումնասիրությունները ցույց են տվել, որ անանուխի յուղն օգնում է.

·        մեղմել ցավը գրգռված աղու համախտանիշի ժամանակ,

·        ազատվել աղեստամոքսային համակարգի աշխատանքի խանգարումներից,

·        նվազեցնել բորբոքումների մակարդակը տուբերկուլյոզի ժամանակ:

Բացի այդ, անանուխն օգնում է ազատվել սթրեսից և բարելավում է հիշողությունը:

3.      Նարինջ

Նարնջի բույրն ու յուղը դարձնում են մարդուն շատ ավելի սթրեսակայուն և հենց սա է պատճառը, որ նարնջի յուղն օգտագործվում է մերսման ժամանակ:

Այս յուղը պարունակում է հատուկ բաղադրիչ՝ լինալոոլ, որն ազատում է լարվածությունից, հանգստացնում է նյարդային ու սրտանոթային համակարգերը: Այս բաղադրիչի շնորհիվ ցիտրուսային մրգերի բույրն օգտագործվում է գլխացավերից ազատվելու համար:

Բացի այդ, ուսումնասիրությունները ցույց են տվել, որ նարնջի յուղն արգելակում է սալմոնելլա բակտերիաների բազմացումն ու ունենում է հակասեպտիկ ազդեցություն:

Սակայն հարկ է հիշել, որ այս յուղը հզոր ալերգեն է, ուստի մասնագետները խորհուրդ են տալիս օգտագործելուց առաջ խառնել այն որևէ այլ յուղին:

4.      Դարչին

Դարչինը հիանալի միջոց է ուշադրությունը կենտրոնացնելու համար: Այն հատկապես օգտակար է վարորդներին, քանի որ դրա բույրն օգնում է հանգստանալ ու կենտրոնանալ: Բացի այդ, այս բույրն արագացնում է մարդու արձագանքելու ունակությունն ու շարժումները և կարող է կանխարգելել Ալցհեյմերի հիվանդությունը:

Միևնույն ժամանակ դարչինն օժտված է հզոր հակաբակտերիալ ու հակաբորբոքային հատկություններով, ուստի դրա բույրը մեղմում է մրսածության առաջին ախտանշաններն ու գլխացավը:

5.      Նարդոս

Շատերը գիտեն, որ նարդոսն օգնում է պայքարել անհանգստության, անքնության ու դեպրեսիայի դեմ, սակայն քչերին է հայտնի, որ այս բույսի յուղը նպաստում է նաև մազերի աճին: Ուսումնասիրությունները ցույց են տվել, որ նարդոսն անչափ արդյունավետ է օջախային ալոպեցիայի ժամանակ, որի դեպքում մարդը կորցնում է մարմնի որևե մի հատվածի մազերը:

Նարդոսը նաև հիանալի ցավազրկող միջոց է, ուստի այն կարելի է օգտագործել ցավը մեղմելու համար: Բացի այդ, այս բույսի յուղը նպաստում է վերքերի արագ ապաքինմանը, ուստի մասնագետները խորհուրդ են տալիս յոդին մի փոքր նարդոսի յուղ խառնել և օգտագործել ստացված խառնուրդը վերքերն ավելի արագ բուժելու համար:

Նյութի աղբյուրը՝ shkarec.ru