Որ ախտանշաններն են վկայում օրգանիզմի ջրազրկման մասին

12:48 • 05.04.18

Օրգանիզմի հիդրատացիան անչափ կարևոր է, քանի որ ջրի մակարդակից է կախված նաև մարդու կենսական էներգիայի մակարդակը: Ձեր ուշադրությանն ենք ներկայացնում մի պարզ մեթոդ, որը կօգնի պարզել, թե ունի արդյոք օրգանիզմը ջրի կարիք:

Հարկավոր է մատով սեղմել ափի մեջտեղի հատվածը, պահել մոտ 10 վայրկյան, այնուհետև թողնել և հետևել մաշկին: Եթե այն անմիջապես ուղղվում է, ապա օրգանիզմը բավարար քանակությամբ ջուր է ստանում, սակայն եթե այն ուղղվում է 1-2 վայրկյան անց, ապա հարկավոր է ուշադրություն դարձնել հիդրատացիային:

Հարկ է հիշել, որ ջրի պակասի դեպքում օրգանիզմը միշտ նախազգուշացնում է ախտանշանների տեսքով, իսկ այդ ախտանշաններն իմանալը կօգնի ժամանակին հայտնաբերել խնդիրն ու միջոցներ ձեռնարկել:

Ջրի պակասի մասին վկայող ախտանշաններն են.

1. Առավոտյան հոգնածության զգացումը (անգամ լիարժեք քնից հետո),

2. Անհանգիստ քունը և գիշերվա ընթացքում հաճախ արթնանալը,

3. Մշտական գերհոգնածությունը,

4. Ֆիզիկական թուլությունը,

5. Դյուրագրգիռությունն ու տրամադրության հաճախակի փոփոխությունները,

6. Հաճախակի մրսածությունները,

7. Ալերգիաները,

8. Գերլարվածությունը,

9. Փորկապությունը,

10. Մեջքի կամ ուսերի ցավը,

11. Քաշի հետ կապված խնդիրները:

Այս ախտանշաններից անգամ ընդամենը չորսի առկայության դեպքում հարկավոր է անմիջապես մի բաժակ ջուր խմել և հետևել, որ օրգանիզմը միշտ հիդրատացված լինի: Նման խնդիրները վկայում են օրգանիզմի ջրազրկման մասին, ինչը կարող է խիստ վնասակար լինել:

Բացի այդ, հարկ է հիշել, որ քաղցրավենիքի, գազավորված ու ալկոհոլային ըմպելիքների գործածությունը նույնպես հանգեցնում է օրգանիզմի ջրազրկման, ուստի նման նախասիրություններ ունենալու դեպքում հարկավոր է հրաժարվել դրանցից կամ պարբերաբար խոնավեցնել օրգանիզմը մաքուր ջրով:

Նյութի աղբյուրը՝ healthinfo.ua