5 մթերք, որոնք կօգնեն մեղմել արթրիտի հետևանքով առաջացած ցավը

Գոյություն ունեն արթրիտի տարբեր տեսակներ, որոնցից ամենատարածվածներն են հոդատապը, ֆիբրոմիալգիան, օստեոարթրիտը, ռևմատոիդ արթրիտը և պսորիատիկ արթրիտը: Այս հիվանդությունների ընդհանուր ախտանշանը բորբոքման հետևանքով առաջացող սաստիկ հոդացավն է, որը զգալիորեն վատացնում է հիվանդի կյանքի որակը:

Այս հիվանդության դեմ կան բազմաթիվ դեղամիջոցներ, սակայն երեքից մեկի դեպքում դրանք անարդյունավետ են լինում և մարդիկ սպիտված են լինում փնտրել ցավը մեղմելու և հոդերը բուժելու այլընտրանքային եղանակներ: Այս դեպքում ամենաանվնաս ու հասանելի միջոցը ճիշտ սննդակարգն է:

Ցավի ուժգնացումից ու հիվանդության սրացումից խուսափելու համար մասնագետները խորհուրդ են տալիս առաջին հերթին հեռու մնալ այնպիսի մթերքից, որը կարող է դառնալ բորբոքումների առաջացման պատճառ: Նման մթերքի շարքին են դասվում կաթնամթերքը, տավարի միսը, եգիպտացորենը, ցորենը և այլն:

Սակայն կան նաև սննդամթերքի տեսակներ, որոնք օգնում են մեղմել ցավն արթրիտի ժամանակ: Ձեր ուշադրությանն ենք ներկայացնում դրանցից լավագույնները:

1.      Խնձոր

Խնձորը հարուստ է ռուտինով ու կվերցիտինով՝ բիոֆլավոնոիդներով, որոնք արգելակում են հիստամինի արտազատումը, բարելավում են արյան շրջանառությունը, նպաստում են առողջության ամրապնդմանն ու պաշտպանում են օրգանիզմը բորբոքումներից: Խնձորից բացի այս օգտակար տարրերի հարուստ աղբյուր են նաև նեխուրը, սոխը, կանաչ պղպեղը, լոռամիրգն ու ցիտրուսային մրգերը:

2.      Նուշ

Նուշը պարունակում է մեծ քանակությամբ վիտամին E: Փաստացի նշի ընդամենը 100 գրամն օրգանիզմին 7.3 մգ վիտամին E է տալիս, իսկ այս տարրը շատ օգտակար է բջիջների մեմբրանների համար: Բացի այդ, այն ցինկի հետ մեկտեղ նպաստում է աճառային հյուսվածքների աճին:

3.      Գառան միս

Գառան միսը ցինկի հիանալի աղբյուր է, իսկ այս տարրը շատ կարևոր է օրգանիզմի համար: Ցինկով հարուստ են նաև թռչնամիսը, ծովամթերքը, կարմիր միսը, ամբողջական հացահատիկը, ընկուզեղենը, լոբազգիները, հացահատիկներն ու դդմի սերմերը:

4.      Հավկիթ

Հավկիթի մեջ պարունակվող սպիտակուցները բարձրացնում են արյան մեջ տրիպտոֆանի մակարդակը, իսկ այս միացությունը «շինանյութ» է հանդիսանում սերոտոնինի՝ «լավ տրամադրության ու երջանկության հորմոնի» համար: Տրիպտոֆանով հարուստ են նաև հնդկահավի միսը, սաղմոնը, պանիրը, ընկուզեղենը, սերմերը, տոֆուն ու արքայախնձորը:

5.      Սառը ջրերում բնակվող ձկնատեսակներ

Սառը ջրերում բնակվող ձկները պարունակում են ավելի շատ օմեգա-3 ճարպաթթուներ, քան մյուս ձկնատեսակները, իսկ այս ճարպաթթուները հայտնի են իրենց հզոր հակաբորբոքային հատկություններով:

Այս ճարպաթթուներով հարուստ են սարդինները, թունան, սաղմոնն ու սկումբրիան: Սակայն օմեգա-3 ճարպաթթուները կարելի է ստանալ նաև սոյայից, կաղամբից, կտավատի սերմերից ու չիայի սերմերից:

Նյութի աղբյուրը՝ globalremedyhouse.com