7 ախտանշան, որոնք վկայում են կանանց մոտ թոքերի քաղցկեղի զարգացման մասին

14:17 • 17.04.18

Քաղցկեղի ամենավտանգավոր տեսակներից մեկը համարվում է թոքերի քաղցկեղը, որը տարեկան հազարավոր մարդկանց կյանք է խլում: Բանն այն է, որ թոքերում չկան նյարդային վերջավորություններ, ուստի հիվանդության ախտանշանները ժամանակին նկատելը բավական դժվար է:

Շատերը կարծում են, որ թոքերի քաղցկեղն առաջանում է միայն ծխող մարդկանց մոտ, սակայն իրականում այն կարող է ի հայտ գալ յուրաքանչյուրի մոտ, ուստի հարկավոր է շատ ուշադիր լինել:

Մասնագետները նշում են, որ հիվանդությունը բուժելու լավագույն միջոցն այն ժամանակին ախտորոշելն է, ուստի հարկավոր է իմանալ դրա ախտանշանները: Ձեր ուշադրությանն ենք ներկայացնում 7 ախտանշան, որոնք վկայում են կանանց մոտ թոքերի քաղցկեղի զարգացման մասին:

1. Թուլացած իմունային համակարգ

Երբ թոքերում կամ բրոնխներում սկսում է զարգանալ չարորակ ուռուցք, դրանք ավելի զգայուն են դառնում, ուստի մարդը կարող է հաճախ բախվել գրիպի կամ մրսածության խնդրին:

2. Քաշի կորուստ (առանց որևէ պատճառի)

Ախորժակի կորստի, քաշի անկանոն նվազման ու մշտական վատ ինքնազգացողության դեպքում հարկավոր է անհապաղ խորհրդակցել բժշկի հետ, քանի որ խնդիրը կարող է պայմանավորված լինել թոքերի քաղցկեղով:

3. Մատների ցավ

Մատների ցավը թոքերի քաղցկեղի մասին վկայող ամենատարածված ախտանշաններից է: Սա պայմանավորված է նրանով ուռուցքն արտադրում է քիմիական նյութեր, որոնք հայտնվում են արյան մեջ և նպաստում են մատների ծայրերում ու եղունգների տակ հյուսվածքների և ոսկորների աճին:

4. Իրանի ցավ

Թոքերի քաղցկեղի զարգացման դեպքում ուռուցքը մեծանում է և սկսում է ճնշում գործադրել կրծքավանդակի, մեջքի, որովայնի կամ ուսերի վրա: Այս ամենի հետևանքով հիվանդի մոտ կարող են տվյալ հատվածներում ի հայտ գալ նախ տհաճ զգացողություններ, իսկ այնուհետև նաև ցավ:

5. Անձայնություն (աֆոնիա)

Քաղցկեղի մասին վկայող ևս մի ախտանշան է աֆոնիան՝ ձայնի հնչեղության կորուստը: Բացի այդ, կարող են նկատվել նաև ցավոտ զգացողություններ խոսելիս կամ որևէ բան կուլ տալու ժամանակ: Ընդ որում՝ այս ախտանշանները կարող են ուղեկցվել նաև արյունոտ հազով:

6. Հևոց

Հևոցը, օդի պակասն ու հոգնածության զգացումը նույնպես լուրջ ախտանշաններ են, որոնց դեպքում հարկավոր է անպայման խորհրդակցել բժշկի հետ և բուժզննում անցնել:

7. Ձեռքերի թուլություն

Քաղցկեղով պայմանավորված ակնհայտ ախտանշան են նաև ձեռքերի թուլությունը, մկանային սպազմները և ձեռքերի կոորդինացիայի խանգարումը, ուտսի նման խնդիրների դեպքում հարկավոր է անհապաղ բուժզննում անցնել:

Հարկ է հիշել, որ նշված ախտանշանները կարող են ի հայտ գալ նաև տղամարդկանց մոտ, ուստի տղամարդիկ նույնպես պետք է շատ ուշադիր լինեն: Ընդ որում՝ տղամարդկանց մոտ կարող է նկատվել նաև կրծքավանդակի լայնացում, ուստի այս ախտանշանը նույնպես չի կարելի անտեսել:

Նյութի աղբյուրը՝ budetezdorovy.ru