Սննդաբանները ներկայացրել են աշխարհում ամենաօգտակար սննդամթերքի տասնյակը

Սննդաբանների և գաստրոէնտերոլոգների եվրոպական ընկերակցության փորձագետները նշել են, թե որն է աշխարհում ամենաօգտակար սննդամթերքի տասնյակը: Ընդ որում՝ մասնագետները հաշվի են առել ոչ միայն դրանցում պարունակվող առողջարար միկրոտարրերի քանակը, այլև այն, թե ինչպես են դրանք յուրացվում:

Ձեր ուշադրությանն ենք ներկայացնում ամենաօգտակար սննդամթերքի տասնյակը, որը հարկավոր է անպայման ներառել սննդակարգում:

1.      Լոլիկ

Ամենից օգտակար մթերքը համարվում է լոլիկը, որը հարուստ է մանրաթելերով, կալիումով, ինչպես նաև մի ակտիվ հակաօքսիդանտով՝ լիկոպինով, որն օժտված է հզոր հակաքաղցկեղային հատկություններով: Պարբերաբար լոլիկ օգտագործելը շատ օգտակար է սրտամկանի համար:

2.      Վարսակ

Շատ օգտակար է նաև վարսակը, որը պարունակում է մեծ քանակությամբ բուսական սպիտակուցներ ու մանրաթելեր: Վարսակով ուտեստները նպաստում են զարկերակային ճնշման կարգավորմանը, ինչպես նաև բարելավում են մարսողական տրակտի աշխատանքը: Սակայն սննդաբանները նշում են, որ վարսակ կարելի թ ուտել շաբաթական առավելագույն 2-3 անգամ:

3.      Կիվի

Այս միրգը հարուստ է A, C և E վիտամիններով, իսկ դրա սերմերում պարունակվում են օմեգա-3 ճարպաթթուներ, որոնք անչափ օգտակար են օրգանիզմի համար: Բացի այդ, կիվին շատ օգտակար է զարկերակային գերճնշման ու հոդացավերի դեպքում:

4.      Խաղող

Խաղողը կանխում է թրոմբների առաջացումը: Բացի այդ, այն պարունակում է հզոր հակաօքսիդանտներ, որոնք պաշտպանում են օրգանիզմը ուռուցքների առաջացումից:

5.      Ձուկ ու ծովամթերք

Առողջական վիճակը բարելավելու համար բավական է շաբաթական 1-2 անգամ ձուկ ու ծովամթերք ուտել: Այս սննդամթերքը պարունակում է մեծ քանակությամբ օմեգա-3 ճարպաթթուներ, որոնք շատ օգտակար են անոթների ու սրտամկանի համար:

6.      Բրոկոլի

Կաղամբի այս տեսակը պարունակում է սուլֆորաֆան, որը պաշտպանում է օնկոլոգիական հիվանդություններից ու ոչնչացնում է ստամոքսի խոցեր առաջացնող բակտերիաները:

7.      Ավոկադո

Ավոկադոյի մեջ պարունակվող ճարպաթթուներն ամրապնդում են սրտանոթային համակարգը, իսկ ֆիտոնուտրիենտները թույլ չեն տալիս ազատ ռադիկալներին ներթափանցել բջիջների մեջ ու բարձրացնել ուռուցքների առաջացման հավանականությունը:

8.      Տերևավոր բանջարեղեն

Տերևավոր բանջարեղենը մեծ քանակությամբ վիտամինների ու հանքանյութերի հարուստ աղբյուր է, ինչը շատ օգտակար է ամբողջ օրգանիզմի համար:

9.      Սխտոր

Անչափ առողջարար է նաև սխտորը, որը խոչընդոտում է բակտերիաների բազմացմանը և պաշտպանում է քաղցկեղից:

10.  Կտավատի յուղ

Այս յուղն օգնում է մաքրել լյարդը վնասակար նյութերից, ինչը շատ կարևոր է: Ընդ որում՝ այն պարունակում է ավելի շատ օմեգա-3 չհագեցած ճարպաթթուներ, քան ձկները, ուստի շատ օգտակար է սրտանոթային համակարգի համար:

Նյութի աղբյուրը՝ healthinfo.ua