Արյան մասին 6 կարևոր փաստ, որ անհրաժեշտ է իմանալ

Մարդու արյունը կարող է շատ կարևոր մանրամասներ ասել վերջինիս առողջական վիճակի մասին: Իհարկե դա անելու համար անհրաժեշտ է իմանալ, թե ինչ եք փնտրում ու գրագետ կերպով վերլուծեք երևույթը:

Հերթական բուժզննման ժամանակ կարող եք խնդրել ձեր բուժող բժշկին նշանակել ձեզ ներքոթվարկյալ 6 անալիզները ու դուք ավելի հստակ պատկերացում կկազմեք ձեր առողջական վիճակի մասին:

1. Արյան ընդհանուր անալիզ

Արյան ընդհանուր անալիզը հնարավորություն է տալիս ձեզ պատկերացում կազմել ձեր արյան վերաբերյալ: Եթե առողջ կենսակերպ վարելու պայմաններում դուք հոգնածություն եք զգում ու ֆիզիկական աշխատանք  դժվարությամբ եք կատարում, դա կարող է խոսել արյան մեջ հեմատոկրիտի ու հեմոգլոբին ցածր մակարդակի մասին: Վերջինիս պատճառը կարող է լինել անեմիան, որը կարող է հանգեցնել սրտային առիթմիայի, եթե ժամանակին այն չբուժվի:

2. Հետևեք ճարպի մակարդակին

Ընդհանուր առմամբ «լավ» խոլեստերինի նորմալ մակարդակը տատանվում է 45-ից 50  մմոլ/լ, իսկ «վատ» խոլեստերինի մակարդակը 130 մմոլ/լ-ից ցածր: Տրիգլեցերիդների մակարդակը պետք է 150-ից ցած լինի: «Լավ» խոլեստերինի ցածր մակարդակի դեպքում արդյունավետ օգտակար կարող է լինել հունական ընկույզը, որը կարող եք պարզապես ավելացնել առավոտյան շիլայի կամ յոգուրտի մեջ: Իսկ տրիգլեցերիդների բարձր մակարդակի դեպքում անհրաժեշտ է հրաժարվել խմորային ու օսլա պարունակող մթերքներից:

3.Տեղեկացեք շաքարի մակարդակի մասին

Այս անալիզը շատ կարևոր է, քանի որ այն հանդիսանում է շատ հիվանդություններին հետևելու հիմնական միջոց: Նրա կլասիկ նախանշաները` մշտական ծարավի զգացումը, բերանում չորությունը, մաշկի ու լորձաթաղանթների վրա առաջացող քորը, մաշկային գրգռվածությունը ու բարձր հոգնածության մակարդակը կարող շատ հաճախ բացակայել: Այդ պատճառով միայն շաքարի համար նախատեսված թեստերի օգտագործումը թույլ կտա բացահայտել հիվանդության առկայությունը: Այս ախտանշանների առկայության դեպքում լավ կլինի վերանայեք ձեր սննդակարգն ու բարձրացնեք ֆիզիկական ծանրաբեռնվածության մակարդակը, որոնք կնպաստեն շաքարի մակարդակի նվազեցմանը:

4.Մի մոռացեք վահանգեղձի մասին

Վահանգեղձի հետ կապված խնդիրները կարող են առաջանալ և կանանց և տղամարդկանց մոտ, որի հիմնական պատճառները հաճախակի կարող են դառնալ սթրեսներն ու քնի պակասը: Այն կարող է արտահայտվել այսպես կոչված զոբի (խպիպ) տեսքով: Այս հիվանդության նախանշաններին է դասվում նաև տրամադրության անկումը, քաշի ավելացումը, մազաթափությունն ու հիշողության մթագնումը: Աննկատ թողելու դեպքում, այս հիվանդությունը կարող է ծանր հետևանքներ առաջացնել: Թիրեոտրոպին հորմոնի անալիզ հանձնելու դեպքում, ակնհայտ կլին, թե արդյոք այդ հատվածում խնդիրներ կան:

5.Փնտրեք բորբոքման հետքեր

Բորբոքումների առկայության դեպքում արյան մեջ բարձրանում է C-ռեակտիվ սպիտակուցի մակարդակը: Դա շատ զգայուն սպիտակուց է, որն անգամ արձագանքում է թղթից ձեռք բերած  մաշկի վնասվածքներին: Այդ պատճառով այդ անալիզի հանձնման դեպքում անհրաժեշտ է որպեսզի ձեր  ինքնազգացողությունը լավ լինի ու մաշկի վրա վնասված հետքեր չլինեն: Իսկ ծխողները պետք է իմանան, որ իրենց վատ սովորությունից ազատվելուց հետո C-ռեակտիվ սպիտակուցի մակարդակը զգալիորեն կնվազի:

6. Ասպիրինն ու արյունը

Ասպիրինը հանդիսանում է արյան մակարդելիությունը իջեցնող արդյունավետ միջոց: Սակայն այն ոչ բոլոր դեպքերում է գործում: Եթե այնուամենայնիվ ասպիրինը ձեզ չի օգնում, ապա կարող եք փորձել իսպանացի հետազոտողների կողմից բացահայտված միջոցը, համաձայն որի 3 ճաշի գդալ ձիթապտղի յուղը բարելավում է զարկերակային արնամատակարարումը:

Աղբյուրը՝ gogetnews.info