10 ախտանշան, որոնք վկայում են օրգանզիմում երկաթի դեֆիցիտի մասին

ԱՄՆ հիվանդությունների վերահսկման ու կանխարգելման կենտրոնի տվյալներով՝ կանանց շուրջ 9%-ը տառապում է երկաթի դեֆիցիտից, իսկ ֆիզիկապես ակտիվ կանանց շրջանում այդ թիվն ավելի մեծ է:

Այնուամենայնիվ՝ երկաթի դեֆիցիտն այն խնդիրն է, որը կարելի է կանխարգելել ճիշտ ախտանշաններն իմանալու դեպքում: Ձեր ուշադրությանն ենք ներկայացնում 10 ախտանշան, որոնք հուշում են, որ օրգանիզմն ունի երկաթի կարիք:

1.      Հոգնածություն

Օրգանիզմը հեմոգլոբին արտադրելու համար երկաթ է օգտագործում , ինչը նշանակում է, որ էրիթրոցիտներն անհրաժեշտ քանակության թթվածնով չեն հագեցնում օրգանիզմը: Մարդկանց մոտ սովորաբար հոգնածության զգացում է առաջանում, երբ օրգանիզմն ունենում արյան առողջ գնդիկների պակաս:

2.      Անուշադրություն

Երկաթի դեֆիցիտից տառապող մարդկանց օրգանիզմում կարող է խանգարվել նեյրոտրանսմիտերների սինթեզը, ինչի հետևանքով նվազում է աշխատունակությունը և մարդը դառնում է անուշադիր ու ցրված:

3.      Անտարբերություն

Օրգանիզմում երկաթի դեֆիցիտի կողմնակի բարդույթուններից մեկն անտարբերությունն է: Ընդ որում՝ մարդն անտարբեր է դառնում ամեն ինչի հանդեպ՝ ընտանիքի, ընկերների, աշխատանքի, ուսման և այլն:

4.      Հևոց

Երբ արյան մեջ նվազում է երկաթի մակարդակը, օրգանիզմում թթվածնային քաղց է սկսվում, ինչի հետևանքով նույնիսկ ամենապարզ գործողությունները կարող են դառնալ հևոցի պատճառ:

5.      Գունատություն

Արյան հոսքի դանդաղումն ու կարմիր գնդիկների պակասը կարող են հանգեցնել գունատության, իսկ սա անմիջականորեն կապված է օրգանիզմում երկաթի մակարդակի հետ: Սա է պատճառը, որ մաշկի գունատության դեպքում հարկավոր է սնուցել օրգանիզմը երկաթով:

6.      Խնդիրներ՝ կապված մարզումների հետ

Ուսումնասիրությունները ցույց են տվել, որ երկաթի պակասն ազդում է նաև մարդու դիմացկունության վրա: Եթե ամենօրյա վարժությունները կատարելը սովորականից ավելի դժվար է լինում, մինչդեռ սովորաբար դրանք հեշտ էին տրվում, ապա հարկավոր է սննդակարգում երկաթով հարուստ սնունդ ներառել:

7.      Մկանային ցավեր

Երկաթի պակասի հետևանքով մկանները սովորականից վատ են վերականգնվում, ինչի հետևանքով ֆիզիկական ակտիվությունից հետո նկատվում են մկանային ցավեր:

8.      Փխրուն եղունգներ

Բարակ ու փխրուն եղունգներին չի օգնի նույնիսկ ամենալավ մատնահարդարումը: Բացի այդ, երկաթի պակասի մասին վկայող ախտանշան կարող է լինել  նաև եղունգների ձևախախտումը: Այս դեպքում եղունգը կորանում է, կամ նմանվում է գդալի:

9.      Շնչառական հիվանդություններ

Գրիպը և առհասարակ շնչառական հիվանդությունները նույնպես կարող են պայմանավորված լինել երկաթի պակասով:

10.  Մեզի վարդագույն ու կարմիր գույն

Մեզը նման երանգ է ստանում ճակնդեղի օգտագործումից հետո: Ընդ որում՝ եթե այս երևույթը նկատվում է առողջ մարդկանց 10-14%-ի մոտ, ապա երկաթի պակասով տառապողների շրջանում այս խնդիրն ավելի տարածված է: Սա պայմանավորված է նրանով, որ աղիները սկսում են ակտիվորեն ներծծել որոշ գունանյութեր:

Նյութի աղբյուրը՝ whrussia.ru