9 խորհուրդ, որոնք կօգնեն կանխարգելել քաղցկեղը

18:03 • 24.04.18

Քաղցկեղը շատ վտանգավոր ու տարածված հիվանդություն է, որը տարեկան հազարավոր մարդկանց կյանք է խլում, սակայն մասնագետները նշում են, որ այս այն հաճախ հնարավոր է լինում կանխարգելել:

AdMe.ru-ն ներկայացրել է մի քանի խորհուրդ, որոնք կօգնեն խուսափել քաղցկեղից:

1. Միշտ արևապաշտպան քսուք օգտագործել

Մաշկը շատ զգայուն է, ուստի արևի ճառագայթների վնասակար ազդեցությունից պաշտպանվելու և մաշկի քաղցկեղից խուսափելու համար հարկավոր է անպայման SPF-ի բարձր պարունակությամբ արևապաշտպան քսուք օգտագործել:

2. Ուտել մուգ կանաչ բանջարեղեն

Ուսումանսիրությունները ցույց են տվել, որ մուգ կանաչ բանջարեղենը պարունակում է մեծ քանակությամբ քլորոֆիլ, ինչով էլ պայմանավորված է նման վառ գույնը: Բացի այդ, այս նյութը շատ արդյունավետ է մագնեզիումի հետ համադրելու դեպքում և օգնում է կանանց կանխարգելել հաստ աղիքի քաղցկեղի զարգացումը:

3. Ամեն օր ասպիրին օգտագործել (եթե հակացուցված չէ)

Հաստ աղիքի կանխարգելման համար խորհուրդ է տրվում օրական 81 մգ ասպիրին օգտագործել: Ուսումնասիրությունը ցույց է տվել, որ 1 տարի շարունակ ամեն օր ասպիրին ընդունելն օգնում է զգալիորեն նվազեցնել հաստ աղիքի քաղցկեղի առաջացման հավանականությունը: Սակայն այս դեղամիջոցն ընդունելիս հարկավոր է շատ ուշադիր լինել ու նախապես խորհրդակցել բժշկի հետ, քանի որ այն կարող է բավական լուրջ բարդություններ առաջացնել: Հարկ է հիշել, որ այն հակացուցված է զարկերակային գերճնշման, ինչպես նաև լյարդի ու երիկամների հիվանդությունների դեպքում:

4. Օգտագործել հնարավորինս քիչ պլաստիկ

Մասնագետները խորհուրդ են տալիս հնարավորինս քիչ պլաստիկ փաթեթներ օգտագործել, քանի որ դրանք կարող են քաղցկեղածին քիմիական նյութեր պարունակել: Փոխարենը խորհուրդ է տրվում նախապատվությունը տալ թղթյա փաթեթներին: Նաև խորհուրդ է տրվում ծորակի վրա հատուկ զտիչ դնել և խուսափել շշալցված ջրից:

5. Ամեն օր ընկույզ ուտել

Այս սովորությունը հատկապես օգտակար կլինի ծխող մարդկանց համար, քանի որ այս դեպքում նվազում է թոքերի քաղցկեղի առաջացման հավանականությունը: Սա պայմանավորված է նրանով, որ ընկույզները դանդաղեցնում են օրգանիզմում ընթացող թթվայնացնող սթրեսը, որը կապված է լինում ծխելու սովորության հետ: Ընկույզները հարուստ են տարբեր օգտակար նյութերով, ուստի խորհուրդ է տրվում օրական 20 հատ որևէ ընկույզ ուտել: Հատկապես օգտակար են նուշը, պիստակն ու բրազիլական ընկույզը:

6. Ուտել ավելի շատ ձուկ, այլ ոչ թե միս

Մասնագետները խորհուրդ են տալիս սահմանափակել մսի գործածությունն ու նախապատվությունը տալ ծավամթերքին: Նշվում է, որ մեծ քանակությամբ մսի գործածությունը հանգեցնում է հաստ աղիքի քաղցկեղի առաջացման: Բացի այդ, հարկ է հիշել, որ սրտամկանի համար օգտակար մթերքը նաև լավագույն միջոցն է քաղցկեղից պաշտպանվելու համար:

7. Պարբերաբար սպորտով զբաղվել

Ամեն օր մարզվելու անհրաժեշտություն չկա, սակայն շաբաթական 2.5 ժամ մարզասրահում անցկացնելը կարող է շատ օգտակար լինել: Ուսումնասիրությունները ցույց են տվել, որ մշտական ակտիվությունն օգնում է նվազեցնել քաղցկեղի առաջացման հավանականությունը մոտ 30%-ով: Բացի այդ, ակտիվ կենսակերպն օգնում է խուսափել ճարպակալումից, որը համարվում է քաղցկեղի տարբեր տեսակների առաջացման հավանականությունը բարձրացնող հիմնական գործոններից մեկը:

8. Նախապատվությունը տալ մրգերին ու բանջարեղենին

Մրգերն ու բանջարեղենը պարունակում են շատ օգտակար մանրաթելեր: Ուսումնասիրությունները ցույց են տվել, որ այդ մանրաթելերը կարող են պահպանել այն բակտերիաները, որոնք անհրաժեշտության դեպքում օգնում են աղիներին պայքարել քաղցկեղի դեմ: Բացի այդ, այդ բակտերիաները մեղմում են բորբոքումներն ու անգամ պաշտպանում են ԴՆԹ-ի մոլեկուլները:

9. Չօգտվել քիմմաքրման ծառայություններից

Քիմմարքրման ընթացքում օգտագործվում է մի նյութ՝ պերքլորէթիլեն, որը կարող է դառնալ լյարդի ու երիկամների քաղցկեղի առաջացման պատճառ: Նման խնդիրներից խուսափելու համար հարկավոր է ընտրել այնպիսի հագուստ, որը կարելի պարզապես լվանալ և չի լինի քիմմաքրման անհրաժեշտություն: