5 մթերք, որոնք կօգնեն մաքրել անոթները խոլեստերինից

13:39 • 25.04.18

Անոթների պատերին կուտակվող խոլեստերինը տարիքի ընթացքում դառնում է առողջական տարբեր խնդիրների առաջացման պատճառ: Մասնավորապես՝ առաջանում են խոլեստերինային վահանիկներ, ինչի հետևանքով էլ զարգանում է աթերոսկլերոզ, որը համարվում է գլխուղեղի կաթվածի ու սրտի նոպաների առաջացմանը նպաստող հիմնական գործոններից մեկը:

Սակայն սննդաբանները նշում են, որ գոյություն ունեն սննդամթերքի տարբեր տեսակներ, որոնք օգնում են արդյունավետ կերպով մաքրել անոթները, ուստի մասնագետները խորհուրդ են տալիս ներառել դրանք սննդակարգում: Ձեր ուշադրությանն ենք ներկայացնում դրանցից լավագույնները:

· Սխտոր

Կալիֆորնիայի համալսարանի գիտնականների ուսումնասիրությունները ցույց են տվել, որ սխտորի գործածությունը կանխում է կալցիումի վտանգավոր կուտակումն ու կորոնար (պսակաձև) զարկերակների կարծրացումը:

· Խաղող

Խաղողը հարուստ է հակաօքսիդանտներով, որոնք պաշտպանում են անոթների հյուսվածքները թթվայնացումից, ինչն էլ արգելակում է զարկերակների պատերին ճարպային վահանիկների կուտակման գործընթացը:

· Լոռամիրգ

Այս հատապտուղները պարունակում են մի նյութ, որն ակտիվացնում է ճարպերի փոխանակության գործընթացը և թույլ չի տալիս, որ ճարպային բաղադրիչները կուտակվեն անոթներում:

· Լոլիկ

Այս բանջարեղենը պարունակում է մեծ քանակությամբ լիկոպին, որը կանխարգելում է անոթային հյուսվածքների առաձգականության կորուստը: Բացի այդ, լիկոպինը հզոր հակաօքսիդանտ է, որն օգնում է կանխել սրտանոթային բազմաթիվ հիվանդությունների պատճառ հանդիսացող բորբոքումը:

· Նռան հյութ

Ամեն օր մի բաժակ թարմ քամած նռան հյութ խմելու դեպքում օրգանիզմը կստանա մեծ քանակությամբ հակաօքսիդանտներ, ինչի շնորհիվ կկարգավորվեն անոթների և դրանց հյուսվածքների առողջացմանը նպաստող ֆիզիոլոգիական գործընթացները

Նյութի աղբյուրը՝ healthinfo.ua