Ախտանշաններ, որոնք վկայում են երիկամային անբավարարության մասին

Ցանկացած հիվանդություն զարգացման վաղ փուլերում հայտնաբերելու դեպքում շատ ավելի հեշտ է բուժվում և հենց սա է պատճառը, որ մասնագետները պարբերաբար ընդգծում են հիվանդությունների ախտանշաններն իմանալու կարևորությունը: Կան որոշակի ազդանշաններ, որոնց միջոցով օրգանիզմը նախազգուշացնում է այս կամ այն հիվանդության զարգացման մասին, և դրանք իմանալը կօգնի ժամանակին ախտորոշել խնդիրն ու միջոցներ ձեռնարկել:

Օրգանիզմը նախազգուշացնում է նաև երիկամների հետ կապված խնդիրների առկայության մասին, սակայն այս դեպքում խնդիրն այն է, որ նման հիվանդությունները կարող են զարգանալ առանց ախտանշանների կամ դրսևորվել այնպիսի ախտանշաններով, որոնք մարդիկ հաճախ անուշադրության են մատնում: Սա է պատճառը, որ լուրջ խնդիրներից խուսափելու համար հարկավոր է շատ ուշադիր լինել օրգանիզմի հանդեպ:

Մասնագետները ներկայացրել են այն ախտանշանները, որոնք վկայում են երիկամային անբավարարության զարգացման մասին և որոնք կօգնեն հեշտությամբ հայտնաբերել հիվանդությունն ու ժամանակին բուժել այն՝ խուսափելով հետագա բարդացումներից:

1.      Հաճախամիզություն ու մեզի գույնի փոփոխություն

Այս ախտանշանները երիկամների աշխատանքի խանգարման մասին վկայող առաջին ու ամենատարածված ախտանշաններից են, սակայն մարդիկ հաճախ անտեսում են դրանք: Հաճախ կանայք վերագրում են այս ախտանշանները հղիությանը, քանի որ հղիանալուց մի քանի շաբաթ անց նկատվում են նաև նման փոփոխություններ, սակայն, ամեն դեպքում, մասնագետները խուրհուրդ են տալիս չանտեսել այն և խորհրդակցել բժշկի հետ:

2.      Այտուցվածություն

Սա շատ տարածված ախտանշան է, որը վկայում է օրգանիզմում հեղուկի կուտակման մասին և պայմանավորված է լինում երիկամների աշխատանքի խանգարմամբ: Եթե նախօրեին մարդը չի կերել չափազանց աղի սնունդ, չի չարաշահել ալկոհոլն ու երեկոյան մեծ քանակությամբ հեղուկ չի օգտագործել, ապա այտուցների առկայության դեպքում նա պետք է անպայման բուժզննում անցնի:

3.      Ուժերի պակաս ու քրոնիկական հոգնածություն

Երիկամները մաքրում են օրգանիզմը տոքսիններից ու դուրս են բերում դրանք միզասեռական օրգանների միջոցով, սակայն երիկամների աշխատանքի խանգարման դեպքում այդ վնասակար տոքսինները սկսում են կուտակվել օրգանիզմում, ինչի հետևանքով ի հայտ են գալիս այնպիսի ախտանշաններ, ինչպիսին են հոգնածությունն ու էներգիայի պակասը: Նման խնդիրներն, իհարկե, ոչ միշտ ոն վկայում երիկամային անվտանգության մասին և կարող են պայմանավորված լինել նաև հեմոգլոբինի մակարդակի նվազմամբ, սակայն, այնուամենայնիվ, դրանք վկայում են որևէ խանգարման մասին, ուստի հարկավոր է շատ ուշադիր լինել և անպայման բուժզննում անցնել:

4.      Մաշկային քոր

Ինչպես արդեն նշվել է՝ երիկամների ֆունկցիայի խանգարման դեպքում վնասակար ու թունավոր տոքսինները սկսում են կուտակվել օրգանիզմում և կարող են ժամանակի ընթացքում դառնալ այնպիսի ախտանշանների առաջացման պատճառ, ինչպիսին է մաշկային քորը: Սա է պատճառը, որ նման խնդրի դեպքում հարկավոր է անպայման խորհրդակցել բժշկի հետ:

Բացի այդ, հարկ է հիշել, որ ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել և էլ ավելի վատացնել վիճակը: Միայն փորձառու մասնագետը կարող է ճիշտ ախտորոշել հիվանդությունն ու նշանակել համապատասխան բուժումը, որը կլինի ոչ միայն արդյունավետ, այլև անվնաս:

Նյութի աղբյուրը՝ med2.ru