Առողջական խնդիրներ, որոնք առաջանում են B խմբի վիտամինների դեֆիցիտի պատճառով

20:00 • 01.05.18

B խմբի վիտամիններն անչափ կարևոր են, սակայն հաճախ մարդիկ անտեսում են դրանք: B12 վիտամինն անհրաժեշտ է մակերիկամների գործառույթի ապահովման,նյարդային համակարգի առողջության և մարսողական գործընթացների ապահովման համար:

Շատ կարևոր է, որպեսզի մարդը մշտապես ստանա անհարժեշտ քանակությամբ B խմբի վիտամիններ, քանի որ դրանք լուծվում են ջրում և ավելցուկը սովորաբար «լվացվում» է օրգանիզմից:

B12 վիտամինն անհրաժեշը է էրիթրոցիտների և նյարդային բջիջների պահպանման և զարգացման համար: Այն նաև օգնում է արտադրել ՌՆԹ, ԴՆԹ և նեյրոտրանսմիտերներ: B խմբի մյուս վիտամինները շատ կարևոր են B12 վիտամինն ավելի լավ կլանելու համար: Դրանք նաև օգնում են մեղմել սթրեսը և նախադաշտանային համախտանիշի ու դաշտանադադարի ախտանշանները:

B12 վիտամինի դեֆիցիտի ախտանշանները

Այս վիտամինի պակասի դեպքում ի հայտ են գալիս որոշ ախտանշաններ: Դրանցից են.

· սակավարյունությունը (անեմիա)

· մկանային թուլությունը,

· հոգնածությունը,

· գլխապտույտը,

· սրտի զարկերի արագացումը,

· անկանոն շնչառությունը,

· բերանի խոռուչում առաջացած խոցերը,

· լնդերի արյունահոսությունը,

· փորլուծությունը,

· ախորժակի վատացումը:

Այս օգտակար վիտամինը հիմնականում պարունակվում է մսի մեջ, ուստի բուսակերների մոտ կարող է առաջանալ վիտամին B12-ի դեֆիցիտ: Այս դեպքում հիանալի տարբերակ կլինի սպիրուլինայի և քլորելայի փոշու կիրառությունը հավելումների տեսքով:

B խմբի վիտամինների դեֆիցիտի առաջացման վտանգի տակ են գտնվում նաև տարեցները, հղիները և նրանք, ովքեր տառապում են աղիների խանգարումներով կամ արյան զեղումներով:

Առողջապահության ազգային ինստիտուտների խորհրդով՝ 14 տարեկանից բարձր բոլոր մարդիկ պետք է օրական 2,4 մկգ վիտամին B12 ստանան: Հղիներին անհրաժեշտ է 2,6 մկգ, իսկ կրծքով կերակրող կանանց՝ 2,8:

50 տարեկանից բարձր մարդիկ պետք է սննդակարգում անընդհատ կիրառեն վիտամին B12-ով հարուստ մթերք կամ ընդունեն հավելումներ: Սովորաբար հավելումները պետք է լինեն 25-100 մկգ, որպեսզի հնարավոր լինի ապահովել B վիտամինի անհրաժեշտ քանակությունը:

Նյութի աղբյուրը՝ pinoyhealthguide.com