5 ախտանշան, որոնք վկայում են օրգանիզմի ջրազրկման մասին

Ջուրն անչափ կարևոր է մարդու օրգանիզմի համար: Ուսումնասիրությունները ցույց են տվել, որ ջրի անգամ չնչին դեֆիցիտը կարող է դառնալ օրգանիզմում լուրջ խանգարումների առաջացման պատճառ: Նման դեպքերում օրգանիզմը միշտ հուշում է խնդրի մասին տարբեր ախտանշանների միջոցով, ուստի հարկավոր է պարզապես ավելի ուշադիր լինել:

Շատերը կարծում են, որ օրգանիզմի ջրազրկման միակ ախտանշանը ծարավի զգացումն ու հոգնածությունն են, սակայն իրականում կան նաև մի շարք արտասովոր ախտանշաններ, որոնք նույնպես կարող են պայմանավորված լինել հեղուկի պակասով:

Ձեր ուշադրությանն ենք ներկայացնում օրգանիզմի ջրազրկման մասին հուշող 5 արտասովոր ախտանշան, որոնք շատերն անուշադրության են մատնում:

·        Բերանի խոռոչի տհաճ հոտ

Մարդու թուքն օժտված է հակաբակտերիալ հատկություններով, սակայն օրգանիզմի ջրազրկման դեպքում նվազում է նաև թքի քանակությունը, ինչի արդյունքում թուլանում է բերանի խոռոչի պաշտպանությունը: Այս ամենի հետևանքով նկատվում է բերանի խոռոչի տհաճ հոտ և բարձրանում է դիսբակտերիոզի և այլ վարակների զարգացման հավանականությունը:

·        Մաշկի չորություն

Շատերը կարծում են, որ օրգանիզմի ջրազրկման մասին վկայում է առատ քրտնարտադրությունը, սակայն իրականում ջրազրկման լուրջ դեպքերում օրգանիզմը դադարում է քրտինք արտազատել և հիվանդի մոտ նկատվում է գլխապտույտ: Բացի այդ, ջրազրկման դեպքում արյունը թանձրանում է և մաշկը չի ստանում անհրաժեշտ խոնավությունը, ինչի հետևանքով նկատվում է մաշկի չորություն ու գերտաքացում:

·        Մկանային ջղաձգումներ

Որքան արագ է հեղուկն օրգանիզմից գոլորշիանում, այնքան արագ է տաքանում դեռ մնացած հեղուկը և այնքան դժվարությամբ են աշխատում մկանները: Արդյունքում՝ գալիս է մի պահ, երբ մկանների աշխատանքը խանգարվում է և ի հայտ են գալիս են ջղաձգումներ: Սակայն հարկ է հիշել, որ ջղաձգումների առաջացման պատճառ կարող է դառնալ նաև էլեկտրոլիտների բաղադրության փոփոխությունը և կալիումի ու նատրիումի մակարդակների նվազումը:

·        Դող ու տենդ

Քչերը գիտեն, որ ջրազրկումը հաճախ դրսևորվում է նաև դողով ու տենդով: Ընդ որում՝ եթե այս ախտանշաններն ուղեկցվում են նաև մարմնի ջերմաստիճանի բարձրացմամբ (38°С-ից բարձր), ապա հարկավոր է անպայման դիմել բժշկին՝ լուրջ հետևանքներից խուսափելու համար:

·        Ուտելու անհագ ցանկություն (հատկապես քաղցր մթերք ուտելու ցանկություն)

Ջրազրկման դեպքում օրգանիզմը դժվարանում է արտադրել էներգետիկ նյութեր՝ հատկապես գլիկոգեն, ինչի արդյունքում հիվանդի մոտ նկատվում է անընդհատ ուտելու անհագ ցանկություն: Նման դեպքերում հատկապես մեծ է լինում որևէ քաղցր բան ուտելու ցանկությունը, սակայն մասնագետները խորհուրդ են տալիս ուտել ոչ թե կոնֆետներ, այլ մեծ քանակությամբ ջուր պարունակող մրգեր ու բանջարեղեն, ինչը կօգնի և՛ խոնավեցնել օրգանիզմը, և՛ հագեցնել անհրաժեշտ նյութերով:

Նյութի աղբյուրը՝ ninetrends.ru