Որոնք են օնիխոմիկոզի՝ եղունգների սնկային ախտահարման պատճառներն ու հիմնական ախտանշանները

22:41 • 09.05.18

Օնիխոմիկոզը եղունգների սնկային ախտահարում է, որը հանդիպում է մոլորակի բնակչության 5-10 %-ի մոտ:

Հիվանդության առաջացման պատճառները

Վարակումը սովորաբար տեղի է ունենում հասարակական շոգեբաղնիքներում, լողավազաններում և նմանատիպ այլ վայրերում, իսկ հարուցիչը պաթոգեն սնկերն են, որոնք մաշկի մահացած բջիջների և թեփուկների հետ մեկտեղ հայտնվում են հատակին, գորգերին և այլ մակարևույթներին: Խոնավ միջավայրում այդ սնկերը ոչ միայն չեն ոչնչանում, այլև սկսում են ակտիվորեն բազմանալ՝ վարակելով նաև առողջներին:

Բացի այդ, սնկերը կարող են փոխանցվել նաև ուրիշի կոշիկները, սրբիչը կամ հիգիենայի այլ պարագաներն օգտագործելու, ինչպես նաև չախտահանված լոգարանից օգտվելու դեպքում:

Հիվանդության զարգացմանը նպաստում են եղունգների վնասվածքները, վերջույթների արյան շրջանառության խանգարումները, ինչպես նաև այնպիսի ծանր ուղեկցող հիվանդությունները, ինչպիսին են շաքարային դիաբետը, արյան հիվանդությունները և այլն: Բացի այդ, օնիխոմիկոզը հաճախ է ի հյատ գալիս այն մարդկանց մոտ, որոնք երկար ժամանակ հակաբակտերիալ, կորտիկոստերոիդային և իմունասուպրեսիվային թերապիաներ են ստացել:

Օնիխոմիկոզի ախտանշանները

Օնիխոմիկոզի ախտանշանների շարքին են դասվում եղունգի գույնի փոփոխությունը, բծերի կամ գծերի ի հայտ գալը, փայլի կորուստը, եղունգների հաստացումը կամ բարակումը: Այս հիվանդության ժամանակ հաճախ նկատվում են եղունգի դեֆորմացիա և ցավոտ զգացողություններ:

Բացի այդ, օնիխոմիկոզը կարող է դրսևորվել նաև եղունգի փխրունությամբ և անգամ քայքայումով, իսկ չբուժելու դեպքում՝ տարածվել և ախտահարել նաև առողջ եղունգները, ուստի այն ոչ մի դեպքում չի կարելի անտեսել կամ զբաղվել ինքնաբուժությամբ:

Նյութի աղբյուրը՝ healthinfo.ua