Որ հորմոններն են նպաստում դաշտանադադարից հետո կնոջ քաշի ավելացմանը

Դաշտանադադարից հետո կանանց քաշը հաճախ ավելանում է, ինչն անհանգստացնում է շատերին: Դաշտանադադարը բնական գործընթաց է, որն անխուսափելի է յուրաքանչյուր կնոջ կյանքու, սակայն այն, այնուամենայնիվ, քաշի ավելացմանը նպաստող միակ գործոնը չէ:

Դեռահասության շրջանում կանանց օրգանիզմում սկսում է ավելի շատ էստրոգեն արտադրվել, ինչը հանգեցնում է ձվարանների ակտիվացման: Սակայն գալիս է մի պահ, երբ օրգանիզմը բավարար քանակությամբ էստրոգեն չի արտադրում և օրգանիզմը սկսում է կուտակել ճարպերը գոտկատեղի հատվածում:

Այնուամենայնիվ՝ էստրոգենը միակ հորմոնը չէ, որն ազդում է ճարպերի կուտակման գործընթացի վրա, քանի որ ինսուլինը, կորտիզոլը, վահանաձև գեղձի հորմոններն ու լեպտինը նույնպես ազդում են կազմվածքի վրա:

1.      Ինսուլին

Ինսուլինը պատասխանատու է շրջանառվող արյան մակարդակի նվազման համար, իսկ այս հորմոնի մակարդակի պահպանման համար հարկավոր է օգտագործել ցածր գլիկեմիկ ինդեքս ունեցող մթերք: Ինսուլինի մակարդակի նվազումը կարող է հանգեցնել քաշի ավելացման, քանի որ այդ դեպքում կուտակված շաքարը կվերածվի ճարպաշերտերի:

2.      Կորտիզոլ

Կորտիզոլը մարդու օրգանիզմում սթրեսի հիմնական հորմոնն է, որն արտադրում են մակերիկամները: Այս հորմոնը նպաստում է արյան մեջ շաքարի մակարդակի բարձրացմանը, ինչը էներգիայի հիանալի աղբյուր է: Սակայն շաքարի չափազանց մեծ քանակության դեպքում հավելյալ շաքարը կսկսի կուտակվել ավելորդ կիլոգրամների տեսքով:

3.      Վահանաձև գեղձի հորմոններ

Երբ վահանագեղձի հորմոնների մակարդակը բարձրանում է, բջիջներն ավելի շատ ճարպեր ու ածխաջրեր են այրում, սակայն այդ հորմոնների պակասի դեպքում օրգանիզմը բավարար քանակությամբ ճարպեր ու ածխաջրեր չի այրում, ինչը հանգեցնում է դրանց կուտակման:

4.      Լեպտին

Լեպտինն արտադրվում է ճարպային բջիջների կողմից և նախատեսված է գլխուղեղին հագեցվածության մասին ազդանշաններ ուղարկելու համար: Այս հորմոնի մակարդակը բարձրանում է արյան մեջ շաքարի մակարդակի բարձրացման հետ մեկտեղ, ուստի ժամանակի ընթացքում մարդը ձեռք է բերում կայունություն ինսուլինի հանդեպ, ինչը ստիպում է օրգանիզմին անընդհատ քաղցի զգացում ունենալ: Արդյունքում մարդը սկսում է չափից շատ ուտել և նրա քաշն աստիճանաբար ավելանում է:  

Ինչպես պահել հորմոնները վերահսկողության տակ և պահպանել առողջությունը

1.      Լինել ավելի ակտիվ

Ֆիզիկապես ակտիվ լինելու համար պետք չէ անդադար մարզվել: Պարզապես կարելի է օրական 20 րոպե զբոսնել կամ կատարել մի քանի պարզ վարժություն:

2.      Օգտագործել առողջարար սնունդ

Առողջության պահպանման հարցում շատ մեծ նշանակություն է ունենում սննդակարգն ու մարսողությունը: Մասնագետները նշում են, որ առողջության համար լավագույն մթերքն այս դեպքում կանաչ բանջարեղենն է, անյուղ թարմ միսն ու օրգանական սննդամթերքը, ուստի խորհուրդ է տրվում հարստացնել սննդակարգը նշվաշ մթերքով:

3.      Պարբերաբար ստուգել հորմոնների մակարդակը

Հատուկ անալիզներն ու թեստերը թույլ կտան ստուգել օրգանիզմում հորմոնների մակարդակն ու բջիջների վիճակը և անհրաժեշտության դեպքում ժամանակին միջոցներ ձեռնարկել, ուստի հարկավոր է պարբերաբար բուժզննում անցնել և հետևել օրգանիզմի վիճակին:

Նյութի աղբյուրը՝ besthealthyguide.com