Մթերքներ, որոնցից պետք է խուսափեն սրտանոթային հիվանդություններ ունեցողները

Անառողջ սնունդը սրտի իշեմիկ հիվանդության զարգացման հիմնական պատճառներից մեկն է: Նման սնունդը նպաստում է արյան ճնշման բարձրացմանն ու արյունատար անոթների և սրտի վնասմանը:

Արյան բարձր ճնշման հիմնական պատճառներից մեկը նատրումով հարուստ սննդամթերքն է: Այս խնդիրը հատկապես սուր է զգացվում տարեց մարդկանց մոտ, ուստի հարկավոր է հետևել սննդակարգին և հնարավորինս բացառել վնասակար սննդամթերքը:

Ձեր ուշադրությանն ենք ներկայացնում 15 մթերք, որոնք կարծանարար ազդեցություն են ունենում արյան ճնշման ու սրտի առողջության վրա.

1.      Կերակրի աղ. աղի չարաշահումը կարող է առաջացնել խնդիրներ՝ կապված արյան շրջանառության հետ: Աղը պահում է ջուրն օրգանիզմում՝ դժվարացնելով արյան շրջանառությունը, ինչը, ի վերջո, վնասակար է զարկերակների ու սիրտի համար:

2.      Արագ սնունդ և կարտոֆիլ ֆրի. հարկ է հիշել, որ կարտոֆիլ ֆրիի միջին բաժինը պարունակում է 19 գրամ ճարպ և 270 մգ նատրիում, ինչը խիստ վնասակար է օրգանիզմի համար:

3.      Ուսումնասիրությունները ցույց են տվել, որ ոչ ալկոհոլային ըմպելիքներում պարունակվող մեծ քանակությամբ շաքարը նույնպես նպաստում է արյան ճնշման բարձրացմանը:

4.      Լիկյոր. ալկոհոլը վնասակար է առողջության համար: Այն նպաստում է արյան ճնշման բարձրացմանը և համարվում է մահացության հիմնական պատճառը:

5.      Կարմիր միս. ճարպոտ կարմիր միսը վնասակար է արյունատար անոթների համար:

6.      Վերամշակված միս (բեկոն, նրբերշիկ, խոզապուխտ և այլն). սրտի առողջությունը պահպանելու համար հարկավոր է խուսափել վերամշակված մսամթերքից և օգտագործել հավի և հնդկահավի միս:

7.      Թթու դրած բանջարեղեն. վարունգներն ունեն ցածր կալորիականություն, սակայն պարունակում են մեծ քանակությամբ նատրիում (օրական չափաբաժնի մոտ 1/3-ը), ինչը շատ վտանգավոր է սրտի համար:

8.      Շաքարավազ. վերամշակված ու արհեստական շաքարը նպաստում է արյան ճնշման բարձրացմանը և կարող են առաջացնել լուրջ խնդիրներ՝ կապված սրտի հետ:

9.      Փքաբլիթ. փքաբլիթները շատ համեղ են, սակայն ունեն բարձր կալորիականություն: Մեկ փքաբլիթը պարունակում է մոտ 200 կալորիա և 12 գրամ ճարպ:

10.  Մարգարին. յուղի այս արհեստական փոխարինիչը շատ վնասակար է առողջության համար: Մարգարինի բաղադրության մեջ կա մեծ քանակությամբ նիկել, պլատին և ալյումինիում, որոնք խիստ վնասակար են:

11.  Հավի պահածոյացված ապուր լապշայով. hավով պահածոները շատ համեղ են, սակայն պարունակում են մեծ քանակությամբ նատրիում:

12.  Բիթներ. այս քաղցրավենիքը գնելիս հարկավոր է համոզվել, որ այն չի պարունակում հիդրոգենացված յուղ: Անհրաժեշտ է նաև ստուգել նատրիումի քանակությունը՝ հաշվի առնելով, որ այդ տարրի օրական չափաբաժինը 2300 մգ-ն է:

13.  Սառեցված կարկանդակ. մեկ քաղցր կարկանդակը պարունակում է մոտ 1200-1400 մգ նատրիում և 35 գրամ ճարպ, ինչը գերազանցում է օրական սահմանված չափաբաժինը:

14.  Պիցցա. այս համեղ ուտեստը նույնպես պարունակում է մեծ քանակությամբ նատրիում:

15.  Էսպրեսո. ուսումնասիրությունները ցույց են տվել, որ գոյություն ունի ուղիղ կապ սուրճի և արյան բարձր ճնշման միջև, ուստի ցանկալի է դրա փոխարեն մի բաժակ կանաչ թեյ խմել:

Նյութեր, որոնք կօգնեն իջեցնել արյան ճնշումը.

Մանրաթելերով հարուստ սնունդը կկարգավորի արյան ճնշումը: Հարկավոր է ուտել ավելի շատ լոբի, ոլոռ, բանջարեղեն, վարսակ, բրինձ, մակարոն ու հաց:

Կալիումով հարուստ բանջարեղենը կանխում է սրտանոթային հիվանդությունների առաջացումը: Նման սննդամթերք է համարվում քաղցր կարտոֆիլը, սպանախը, լոբազգիները, բանանը, նարինջն ու լոլիկը:

Բացի այդ, կարելի է աղի փոխարեն օգտագործել խոտաբույսեր ու համեմունքներ՝ սնունդն օգտակար միկրոտարրերով հարստացնելու համար:

Սակայն հարկ է հիշել, ուժեղ ցավերի ու առողջական լուրջ խնդիրների դեպքում խորհուրդ է տրվում դիմել բժշկի օգնությանը, քանի որ ինքնաբուժությունը կարող է խիստ վնասակար լինել առողջության համար:

Նյութի աղբյուրը՝ weeklyhealthylife.com