Ինչ է այրոցը (изжога), որոնք են դրա առաջացման պատճառներն ու բուժման եղանակները

Ստամոքսի այրոցը շատ տհաճ խնդիր է, որին բախվում է մարդկանց մեծամասնությունը: Առաջին հայացքից կարող է տվալ, թե սա ուշադրության արժանի լուրջ խնդիր չէ, սակայն իրականում այն կարող է լինել այնպիսի լուրջ հիվանդությունների ատանշան, ինչպիսին են գաստրիտը, խոցային հիվանդությունը և այլն: Եթե այս ախտանշանն ի հայտ է գալիս հաճախ և ազդում է անգամ կյանքի որակի վրա, ապա հարկավոր է դիմել բժշկին և չզբաղվել ինքնաբուժությամբ, քանի որ հիվանդությունը վաղ փուլերում բուժելն ավելի հեշտ է, քան հետագայում դրա հետևանքներից ազատվելը:

Այրոցը հաճախ առաջանում է նաև առողջ մարդկանց մոտ, սակայն այս դեպքում այն լինում է կարճատև և հիմնականում պայմանավորված է լինում ընդունած սննդի մեծ քանակությամբ:

Ինչ է այրոցը

Այս խնդիրը դրսևորվում է կերակրափողում, իսկ երբեմն էլ նաև կոկորդում արյոցի զգացողությամբ: Այրոցի ժամանակ ստամոքսում եղած սնունդը ստամոքսահյութի մի մասի հետ մեկտեղ հայտնվում է կերակրափողում, ինչն էլ դառնում է տհաճ զգացողությունների առաջացման պատճառ:

Բացի այդ, այրոցի պատճառ կարող են դառնալ տարբեր դեղամիջոցները: Առհասարակ սա շատ հաճախ հանդիպող կողմնակի բարդություն է: Օրինակ՝ նման ախտանշան կարող է առաջանալ ոչ ստերոիդային հակաբորբոքային դեղամիջոցների, սրտանոթային հիվանդությունների բուժման համար նախատեսված դեղորայքի, հորմոնալ ու հանգստացնող դեղամիջոցների, ինչպես նաև հակադեպրեսանտների ընդունմանն դեպքում: Սովորաբար նման խնդիրներից խուսափելու համար խորհուրդ է տրվում խորհրդակցել բժշկի հետ և անհրաժեշտության դեպքում փոխել դեղամիջոցը:

Այրոցի բուժումը

Առավել հաճախ տհաճ ախտանշաններից ազատվելու համար հարկավոր է լինում կարգավորել կենսակերպը: Օրինակ՝ խորհուրդ է տրվում նվազեցնել տապակած, կծու և թթու սննդամթերքի գործածությունը, սնվել փոքր չափաբաժիններով և չուտել քնելուց կամ ֆիզիկական ծանրաբեռնվածությունից առաջ: Հնարավորության դեպքում հարկավոր է հրաժարվել նաև ծխախոտից ու ալկոհոլից:

Այրոցից կարելի է ազատվել դեղամիջոցների օգնությամբ, սակայն շատ արդյունավետ են նաև բույսերի եփուկները (օրինակ՝ երիցուկ, կտավատի սերմեր, սամիթ, անիսոն և այլն):

Կա տարածված կարծիք, որ այրոցի դեմ կարելի է պայքարել սոդայի ու կաթի լուծույթով, սակայն իրականում սա միայն միֆ է: Սոդայի օգտագործումից հետո արդյունք իսկապես կլինի, քանի որ այն չեզոքացնում է աղաթթուն, սակայն որոշ ժամանակ անց օրգանիզմը կսկսի շատ ավելի ինտենսիվորեն աղաթթու արտադրել: Միևնույն ժամանակ՝ կաթը պարունակում է մեծ քանակությամբ սպիտակուցներ ու կալցիում, որոնք խթանում են աղաթթվի արտադրությունը՝ նպաստելով այրոցի առաջացմանը:

Այնուամենայնիվ՝ այս խնդրից ազատվելու միջոցները բազմաթիվ են: Ընդ որում՝ կան ինչպես դեղամիջոցներ, այնպես էլ բնական միջոցներ: Սակայն, ամեն դեպքում, հարկ է հիշել, որ անհրաժեշտ է հետևել այրոցի ախտանշաններին և ժամանակին դիմել բժշկին՝ հետագայում ավելի լուրջ խնդիրներից խուսափելու համար:

Նյութի աղբյուրը՝ aif.ru