9 տարածված սովորություն, որոնք կարող են վնասակար լինել առողջության համար

Կան սովորություններ, որոնք շատ տարածված են և համարվում են առողջարար, սակայն քչերը գիտեն, որ դրանք կարող են խիստ վնասակար լինել օրգանիզմի համար՝ դառնալով տարբեր խնդիրների առաջացման պատճառ: Ձեր ուշադրությանն ենք ներկայացնում 9 «առողջարար» սովորություն, որոնցից հարկավոր է հնարավորինս շուտ ազատվել:

1.      Չափազանց շատ արևապաշտպան քսուք օգտագործել

Արևապաշտպան քսուքը շատ կարևոր է, քանի որ այն օգնում է կանխարգելել մաշկի վաղաժամ ծերացումը և մաշկի քաղցկեղի առաջացումը, սակայն հարկ է հիշել, որ այս միջոցը ոչ մի դեպքում չի կարելի չարաշահել, քանի որ արևի լույսի պակասը կարող է դառնալ վիտամին D-ի դեֆիցիտի պատճառ, ինչը խիստ վտանգավոր է:

Բացի այդ, ուսումնասիրությունները ցույց են տվել, որ վիտամին D-ի դեֆիցիտն ու արևց մշտապես պաշտպանվելու սովորությունը բարձրացնում են ցրված սկլերոզի առաջացման հավանականությունը, ուստի հարկավոր է ավելի ուշադիր լինել և չզրկել օրգանիզմն արևի ճառագայթներից:

2.      Հրաժարվել ճարպերից

Մեծ քանակությամբ ճարպերով հարուստ սննդակարգը կարող է հանգեցնել քաշի ավելացման ու սրտանոթային հիվանդությունների առաջացման, սակայն մասնագետները նշում են, որ օգտակար ճարպերից ոչ մի դեպքում չի կարելի հրաժարվել, քանի որ դրանք օգնում են օրգանիզմին ավելի հեշտ յուրացնել սննդից ստացված վիտամինները: Հարկ է հիշել, որ առողջությունը պահպանելու համար անհրաժեշտ է օրական 44-78 գրամ առողջարար ճարպեր օգտագործել:

3.      Չափազանց շատ բանջարեղեն ուտել

Բանջարեղենն առողջ սննդակարգի անբաժանելի մասն է կազմում, սակայն օրական 7 բաժնից ավել բանջարեղեն ու 4 բաժնից ավել միրգ օգտագործելը կարող է վնասակար լինել: Հարկ է հիշել, որ հնարավորինս շատ օգուտ ստանալու համար անհրաժեշտ է ուտել սեզոնային բանջարեղեն (ցանկալի է հում վիճակում), սակայն միաժամանակ սահմանափակել դրա քանակությունը (օրական առավելագույնը 4-5 բաժին):

4.      Կեղևազրկել խնձորները

Մրգերի ու բանջարեղենի մեջ պարունակվող օգտակար նյութերը ոչ միշտ են լինում միայն պտղամսի մեջ: Օրինակ՝ խնձորը պարունակում է սրտամկանի առողջության համար շատ կարևոր մի հակաօքսիդանտ՝ կվերցետին, որը գրեթե ամբողջությամբ գտնվում է կեղևի մեջ, ուստի սրտանոթային հիվանդությունների կանխարգելման համար խնձորը հարկավոր է ուտել առանց կեղևազրկելու:

5.      Օգտագործել չափազանց բարձր ձայնով զարթուցիչ

Ուժեղ աղմուկը բարձրացնում է զարկերակային ճնշում, ինչի հետևանքով բարձրանում է նաև սրտամկանի կծկումների հաճախականությունը: Ընդ որում՝ մարդու օրգանիզմը հատկապես խոցելի է լինում վաղ ժամերին, երբ մարմինը դեռ հանգիստ վիճակում է: Բացի այդ, զարթուցիչի բարձր ձայնը կարող է դառնալ սթրեսի պատճառ՝ բարձրացնելով օրգանիզմում կորտիզոլի մակարդակը: Ընդ որում՝ եթե նման վիճակը պահպանվի երկար ժամանակ, ապա սթրեսը կարող է ձեռք բերել քրոնիկական բնույնթ:

6. Հաճախ ստուգել էլեկտրոնային փոստը

Էլեկտրոնային փոստը շփման շատ կարևոր գործիք է, սակայն այն կարող է նաև դառնալ սթրեսի և հիասթափության պատճառ: Սա է պատճառը, որ հարկավոր է հնարավորինս հազվադեպ ստուգել էլեկտրոնային փոստը, չստուգել այն վաղ առավոտյան ու ուշ երեկոյան, աշխատել հնարավորինս հեռու մնալ դրանից աշխատանքի ընթացում և անջատել ծանուցումները ստացված նամակների մասին:

7. Անուշաբույր խունկ վառել

Անուշաբույր խունկը դրական ազդեցություն է ունենում կենտրոնական նյարդային համակարգի վրա, օգնում է հանգստանալ ու ազատվել սթրեսից, սակայն ուսումնասիրությունները նաև ցույց են տվել, որ օրական մի քանի ժամ անուշաբույր խունկ վառելը կարող է դառնալ թոքերի քաղցկեղի, լեյկոզի և գլխուղեղի ուռուցքի առաջացման պատճառ:

Հարկ է հիշել, որ խունկի ծուխը կարող է դառնալ գենետիկական մուտացիայի պատճառ, ուստի այն վառելիս խորհուրդ է տրվում օգտագործել շատ քիչ քանակությամբ խունկ և անպայման օդափոխել սենյակը:

8. Չարաշահել էներգետիկ ըմպելիքները

Էներգետիկ ըմպելիքներն օգնում են առույգանալ և բարձրացնում են աշխատունակությունը, սակայն դրանց չարաշահումը կարող է վտանգավոր լինել: Ուսումնասիրությունը ցույց է տվել, որ որոշ էներգետիկ ըմպելիքներ չարաշահելու դեպքում բարձրացնում են զարկերակային ճնշումն ու սրտի զարկերի հաճախականությունը, ինչը կարող է շատ վտանգավոր լինել:

9. Ցավազրկող դեղահաբեր ընդունել

Ցավազրկող դեղամիջոցներն օգնում են արդյունավետ կերպով ազատվել ուժգին ցավից, սակայն ուսումնասիրությունները ցույց են տվել, որ դրանք նաև բթացնում են դրական հույզերը: Այլ կերպ ասած՝ դրանք կարող են աղավաղել իրականության հուզական ընկալումը:

Նյութի աղբյուրը՝ adme.ru