7 «առողջարար» մթերք, որոնք կարող են վնասակար լինել

Գոյություն ունեն սննդամթերքի տեսակներ, որոնք համարվում են շատ առողջարար, մինչդեռ իրականում այդքան էլ օգտակար չեն: Սա է պատճառը, որ մթերքը գնելիս հարկավոր է շատ ուշադիր ուսումնասիրել դրա բաղադրությունը, քանի որ հաճախ արտադրողները հիմնական բաղադրիչներին ավելացնում են նաև որոշ հավելումներ, որոնք կարող են վտանգավոր լինել: Ձեր ուշադրությանն ենք ներկայացնում 7 «առողջարար» մթերք, որոնք կարող են վնասակար լինել ու դառնալ առողջական խնդիրների առաջացման պատճառ:

1.      Յոգուրտներ

Բնական յոգուրտը, որը չի պարունակում որևէ հավելում, շատ օգտակար է օրգանիզմի համար, սակայն ներկայում յոգուրտները ոչ միայն ունենում են բարձր կալորիականություն, այլև պարունակում են մեծ քանակությամբ շաքար և շատ քիչ սպիտակուց:

2.      Վարսակ (արագ պատրաստվող)

Արագ պատրաստվող շիլաներն ունենում են շատ բարձր գլիկեմիկ ինդեքս: Դրանք շատ արագ են յուրացվում, ինչի հետևանքով օրգանիզմն ավելորդ կալորիաներ է ստանում: Բացի այդ, նման շիլաները հաճախ պարունակում են տարատեսակ հավելումներ ու շաքար, որոնք նույնպես վնասակար են օրգանիզմի համար:

3.      Խրթխրթան հացիկներ

Այս հայտնի ու տարածված դիետիկ մթերքը կարող է շատ վնասակար լինել, քանի որ հիմնական բաղադրիչներին հաճախ ավելացվում են տարատեսակ ճարպեր ու այլ հավելումներ, որոնք կարող են բացասաբար ազդել առողջական վիճակի վրա:

4.      Բանանի չիպսեր

Բանանի չիպսերն իսկապես շատ օգտակար են, սակայն միայն ինքնուրույն պատրաստելու դեպքում: Բանն այն է, որ արտադրողները հաճախ դրանց ավելացնում են տարատեսակ հավելումներ ու բուրավետիչներ կամ տապակում են բանանները մեծ քանակությամբ յուղի մեջ:

5.      Չրեր

Մրգերի գեղեցիկ տեսքը պահպանելու և վնասատուներից պաշտպանելու համար դրանք հաճախ պատվում են մեծ քանակությամբ շաքարով ու մշակվում վտանգավոր քիմիական նյութերով:

6.      Պահածոյացված մրգեր ու բանջարեղեն

Պահածոյացված մրգերն ու բանջարեղենը կարող են պարունակել մեծ քանակությամբ քացախ, շաքար և տարատեսակ կոնսերվանտներ, որոնք խիստ վնասակար են առողջության համար:

7.      Հալած պանիր

Այժմ բնական հալած պանիր գրեթե հնարավոր չէ գտնել: Մեծ մասամբ դրանք պարունակում են կաթ, կաթնաշոռային զանգված և մի շարք վնասակար քիմիական հավելումներ, որոնք կարող են դառնալ առողջական լուրջ խնդիրների պատճառ:

Նյութի աղբյուրը՝ med2.ru