Փորափքանքի առաջացման հիմնական պատճառներն ու լավագույն միջոցները խնդրից ազատվելու համար

Փորափքանքը բավական տարածված խնդիր է, որին կյանքում գոնե մեկ անգամ բախվել է յուրաքանչյուրը: Փորափքանքի ախտանշաններն են աղիների հատվածի ցավը, տհաճ զգացողությունները, փքվածության զգացումն ու գազերը: Սա շատ տհաճ խնդիր է, որը սովորաբար կարճատև է լինում, սակայն որոշ դեպքերում մարդիկ կարող են տառապել փորափխանքից բավական երկար ժամանակ:

Իրականում այս խնդրը կարող է պայմանավորված լինել ինչպես սխալ սննդակարգով, այնպես էլ տարբեր հիվանդություններով: Ձեր ուշադրությանն ենք ներկայացնում փորափքանքի առաջացման ամենատարածված պատճառները:

Քրոնիկական պանկրեատիտ

Այս դեպքում օրգանիզմն ունի որոշ ֆերմենտների կարիք, որոնք կօգնեն յուրացնել սնունդը: Այդ ֆերմենտների դեֆիցիտի հետևանքով սնունդի ընդունումից հետո առաջանում է փորափքանք:

Գրգռված աղու համախտանիշ

Փորափքանքը պայմանավորված է լինում աղիների շարժողական ֆունկցիայի խանգարումով: Այս դեպքում սովորաբար տհաճ զգացողություններն ուղեկցվում են ուժեղ ցավով:

Դիսբակտերիոզ

Փորափքանքը կարող է առաջանալ նաև աղիների միկրոֆլորայի բալանսի խանգարման հետևանքով, քանի որ վնասակար միկրոօրգանիզմները սկսում են գազեր արտադրել:

Լակտոզայի (կաթնաշաքար) հանդեպ անհանդուրժողականություն

Հաճախ հասուն մարդկանց օրգանիումում բացակայում են այն ֆերմենտները, որոնք օգնում են օրգանիզմին յուրացնել լակտոզան: Սա է պատճառը, որ լակտոզայի հանդեպ անհանդուրժողականության դեպքում առաջանում է նաև փորափքանք:

Աղիների անանցանելիություն

Նման ախտաբանություն է նկատվում աղիների հատվածում նորագոյացություններ ու պապիլոմաներ ունեցող մարդկանց մոտ, որոնք էլ խանգարում են աղիների անցանելիությունը:

Սխալ սննդակարգ

Փորափքանքի առաջացման ամենատարածված պատճառներից մեկը կարող է լինել սխալ սննդակարգը: Մեծ քանակությամբ գազավորված ըմպելիքների, քաղցրավենիքի, հացաբուլկեղենի, կարտոֆիլի և լոբազգիների գործածությունը կարող է հանգեցնել աղիներում գազերի կուտակման:

Ինչպես ազատվել փորքփքանքից

Այս խնդրից ազատվելու համար սննդաբանները խորհուրդ են տալիս վերանայել սննդակարգը, քանի որ կան սննդամերքի որոշ տեսակներ, որոնք չի կարելի հաջորդաբար ուտել: Օրիանակ՝ մրգերը հարկավոր է ուտել կա՛մ սննդի ընդունումից մեկ ժամ առաջ, կա՛մ սննդի ընդունումից երկու ժամ հետո:

Եթե փորափքանքը պայմանավորված չէ որևէ հիվանդությամբ, ապա տհաճ ախտանշաններից կարելի է ազատվել ակտիվացրած ածխի մի քանի հաբի օգնությամբ: Բացի այդ, հարկավոր է բացառել սննդամթերքի այն տեսակները, որոնք կարող են օրգանիզմում խմորման գործընթացների առաջացման պատճառ դառնալ: Ինքնազգացողությունը բարելավելու համար կարելի է մի քանի ոչ շատ բարդ ֆիզիկական վարժություն կատարել:

Փորափքանքի հաջորդ օրը հարկավոր է թույլ տալ, որ աղիները մի փոքր «հանգստանան»: Ամբողջ օրվա ընթացքում հարկավոր է ուտել միայն խաշած բրինձ և խմել խոտաբույսերով թեյեր:

Առհասարակ նման խնդիրների առկայության դեպքում հարկավոր է վերանայել սննդակարգը: Մսամթերքից ցանկալի է նախապատվությունը տալ հավի, հնդկահավի կամ հորթի մսին:

Խավարտի համար հիանալի տարբերակ է բրինձը: Կաթը հարկավոր է փոխարինել կաթնաշոռով, յոգուրտով կամ կեֆիրով: Բացի այդ, անհրաժեշտ է ամեն օր բուսական թուրմեր ու թեյեր խմել: Հիանալի տարբերակ կլինեն սրոհունդով, անանուխով ու երիցուկով թեյերը:

Սակայն հարկ է հիշել, որ եթե փորափքանքը պայմանավորված է որևէ հիվանդությամբ, ապա հարկավոր է անհապաղ դիմել բժշկին և անցնել անհրաժեշը բուժզննումը, հակառակ դեպքում հետևանքները կարող են շատ լուրջ լինել:

Նյութի աղբյուրը՝ takprosto.cc