Ինչպես առանց դեղամիջոցների ազատվել արյան գերճնշումից. արդյունավետ խորհուրդներ

Արյան գերճնշումը շատ տարածված խնդիր է, որը շատերն են անուշադրության մատնում, սակայն այն նաև շատ վտանգավոր է, քանի որ սովորաբար զարգանում է առանց որևէ ախտանշանի՝ հետագայում դառնալով այնպիսի լուրջ առողջական խնդիրների պատճառ, ինչպիսին են սրտի հիվանդությունները, սրտամկանի ինֆարկտն ու գլխուղեղի կաթվածը:

Արյան գերճնշման հիմնական պատճառներից մեկը սթրեսն է, որը սխալ կենսակերպի ու վատ սննդակարգի հետ համատեղելու դեպքում առաջանում են լուրջ խնդիրներ: Նման խնդիրներից խուսափելու համար խորհուրդ է տրվում ազատվել սթրեսից և կարգավորել սննդակարգը:

Սթրեսից ազատվելու համար կարելի է կատարել շատ պարզ շնչառական վարժություններ, իսկ սննդակարգը կարգավորելու համար` առաջին հերթին բացառել կենդանական ծագման ճարպերով հարուստ սննդամթերքը: Այս դեպքում հիվանդի արյան մեջ կարող է բարձր լինել նաև շաքարի մակարդակը, քանի որ խնդիրները սովորաբար կապված են լինում:

Առհասարակ՝ ինսուլինը պահում է նատրումն ու մագնեզիումն օրգանիզմում, ուստի եթե մարդու բջիջները կայուն են ինսուլինի հանդեպ, ապա նրա օրգանիզմը չի պահում արյունատար անոթների թուլացման համար անհրաժեշտ մագնեզիումը, ինչի հետևանքով էլ բարձրանում է զարկերակային ճնշումը:

Սա է պատճառը, որ մասնագետները խորհուրդ են տալիս խուսափել շաքարից՝ այդ թվում նաև ֆրուկտոզայից, քանի որ օրական 74 գրամից ավել ֆրուկտոզա օգտագործողների մոտ ավելի հաճախ են ի հայտ գալիս խնդիրներ՝ կապված զարկերակային ճնշման հետ: Բացի այդ, ֆրուկտոզան պարունակում է նաև միզաթթու, որը խիստ վտանգվոր է առողջության համար:

Հարկ է նաև հիշել, որ առողջության պահպանման ու խնդիրներից խուսափելու համար մարդը պետք է հարստացնի սննդակարգն օմեգա-3 և օմեգա-6 ճարպաթթուներով, որոնցով հարուստ են.

·        քրքումը,

·        բուսական յուղերը,

·        ընկույզները,

·        կտավատի սերմերը.

·        ճարպոտ ձուկը:

Բացի այդ, շատ օգտակար է նաև ֆերմենտավորված սննդամթերքը, որն օգնում է կարգավորել աղիների միկրոֆլորան ու կանխել բազմաթիվ հիվանդությունների՝ այդ թվում նաև արյան գերճնշման ու սրտի տարբեր հիվանդությունների առաջացումը, քանի որ աղիների խանգարված միկրոֆլորան կարող է դառնալ նաև նման հիվանդությունների առաջացման պատճառ:

Խորհուրդ է տրվում օգտագործել յոգուրտ, կաթնաշոռ, կեֆիր ու թթու դրած բանջարեղեն, ինչպես նաև սահմանափակել սուրճի գործածությունը, քանի որ դրանում պարունակվող կոֆեինն էլ ավելի է վատացնում արյան գերճնշումից տառապողների վիճակը:

Արյան գերճնշումից տառապողների համար շատ վնասակար է նաև նստակյաց կենսակերպը, ուստի հարկավոր է շաբաթական առնվացն երեք անգամ մարզվել: Շատ արդյունավետ կարող է լինել նաև հասարակ զբոսանքը:

Բացի այդ, կարելի է կիրառել նաև բնական միջոցներ, որոնք կօգնեն կարգավերել զարկերակային ճնշումն ու խուսափել ճնշման տատանումներից՝ առանց օրգանիզմի համար վնասակար դեղամիջոցների: Օրինակ՝ շատ արդյունավետ միջոց է արևածաղկի կամ դդմի սերմերի եփուկը:

Այս եփուկը պատրաստելու համար հարկավոր է էմալապատ կաթսայի մեջ լցնել երկու բաժակ դդմի կամ արևածաղկի սերմեր, ավելացնել 1.5 լիտր սառը ջուր և դնել կրակին: Սերմերը պետք է լինեն լավ լվացված, հում ու չկեղևազրկված: Երբ ջուրը եռա, կրակը հարկավոր է հնարավորինս թուլացնել և եփել ևս 1.5-2 ժամ:

Պատրաստի եփուկն անհրաժեշտ է քամել ու սառեցնել: Խորհուրդ է տրվում եփուկը խմել օրվա ընթացքում: Օրական չափաբաժինն է 200 մլ:

Նյութի աղբյուրը՝ curapelanatureza.com.br