9 պարզ մեթոդ՝ նեյրոններն ակտիվացնելու և գլխուղեղի բջիջների ռեգեներացիան խթանելու համար

Տարիքի հետ մարդու գլխուղեղի աշխատանքը դանդաղում է, ինչը պայմանավորված է գլխուղեղի բջիջների ու նեյրոնների կորստով: Սակայն գիտնականները վաղուց ապացուցել են, որ կյանքի ընթացքում մարդու գլխուղեղը կարող է ստեղծել նոր բջիջներ, ինչը նշանակում է, որ այդ գործընթացը խթանելը կօգնի պահպանել գլխուղեղի ակտիվությունը:

Ձեր ուշադրությանն ենք ներկայացնում մի քանի պարզ խորհուրդ, որոնք կօգնեն խթանել նոր նեյրոնների արտադրությունն ու գլխուղեղի աշխատանքը:

1.      Սև շոկոլադ ուտել

Սև շոկոլադը պարունակում է ֆլավոնոիդներ ու հակաօքսիդանտներ, ինչի շնորհիվ խթանում է նեյրոնների աշխատանքը ու դրանց ռեգեներացիան: Սա է պատճառը, որ խորհուրդ է տրվում պարբերաբար բարձրորակ սև շոկոլադ ուտել:

2.      Պարբերաբար մարզվել

Վազքը հիանալի վարժություն է, որը կօգնի խթանել գլխուղեղի նոր բջիջների աճը: Այս վարժությունը նպաստում է FNDC5 սպիտակուցի աճին, որն էլ խթանում է մեկ այլ կարևոր սպիտակուցի արտադրությունը: Այդ սպիտակուցը BDNF-ն է, որն էլ, իր հերթին, նպաստում է նոր նյարդերի ու սինապսների աճին:

3.      Պարբերաբար քաղցած մնալ

Ուսումնասիրությունները ցույց են տվել, որ պարբերաբար քաղցած մնալն օգնում է դանդաղեցնել գլխուղեղի ծերացման գործընթացը: Ուսումնասիրությունների տվյալներով՝ քաղցած մնալու սովորությունն օրգանիզմի վրա ունենում է հակաբորբոքային ազդեցություն և օգնում է խթանել գլխուղեղի նոր բջիջների աճը:

4.      Ավելի շատ կանաչ թեյ խմել

Կանաչ թեյը հարուստ է շատ օգտակար հակաօքսիդանտներով, ինչպես նաև պարունակում մի միացություն՝ էպիգալոկատեխին գալատ, որը կապված է գլխուղեղի նոր բջիջների աճի հետ:

5.      Ժամանակ անցկացնել մաքուր օդին

Գլխուղեղում նոր նյարդերի և սինապսների աճը խթանող սպիտակուցի՝ BDNF-ի մակարդակը բարձրացնելու միջոցներից մեկը վիտամին D-ն է, իսկ այս վիտամինի արտադրությունը խթանելու համար մարդը պետք է շատ ժամանակ անցկացնի արևի ճառագայթների տակ:

6.      Սննդակարգում հապալաս ու լոռամիրգ ավելացնել

Այս հատապտուղները պարունակում են նույն օգտակար հակաօքսիդանտները, որոնք պարունակվում են նաև սև շոկոլադի մեջ: Բացի այդ, դրանք հարուստ են անտոցիանին ֆլավոնոիդով, որն օժտված է նոր նեյրոններ ստեղծելու հատկությամբ:

7.      Օգտագործել օմեգա-3 ճարպաթթուներով հարուստ մթերք

Օմեգա-3 ճարպաթթուներով հարուստ սննդամթերքը, նպաստում է նեյրոնների աճին, ուստի սննդակարգը հարկավոր է հարստացնել այնպիսի մթերքով, ինչպիսին են կտավատի սերմերը, ավոկադոն, չիա սերմերը, ձիթայուղը, ընկուզեղենը և օմեգա-3 ճարպաթթուներով հարուստ այլ մթերքը:

8.      Սննդակարգում քրքում ներառել

Հետազոտությունները ցույց են տվել, որ քրքումը նպաստում է վնասված գլխուղեղի վերակնգնմանը, ինչը կարող է շատ կարևոր լինել նյարդաբանական խանգարումների բուժման հարցում:

9.      Պահպանել գլխուղեղի ակտիվությունը

Գլխուղեղի աշխատանքի խթանումն օգնում է խթանել նաև հիպոկամպի նեյրոգենեզը, ուստի մասնագետները խորհուրդ են տալիս միշտ որևէ նոր բան ուսումնասիրել և «մարզել» գլխուղեղը:

Նյութի աղբյուրը՝ budetezdorovy.ru