Ինչ է պանկրեատիտը և որոնք են դրա առաջացման պատճառներն ու բուժման միջոցները

Պանկրեատիտը ենթաստամոքսային գեղձի բորբոքումն է, որի առաջացման հիմնական պաստճառը ենթաստամոքսային գեղձի արտադրած հյութի և մարսողական այլ ֆերմենտների հոսքի խանգարումն է: Այդ ֆերմենտները կարող են քայքայել ոչ միայն ենթաստամոքսային գեղձի բոլոր հյուսվածքներ, այլև հարակից անոթների ու օրգանների հյուսվածքները, ուստի հիվանդության ախտանշանների առկայության դեպքում հարկավոր է անպայման դիմել մասնագետին:

Հարկ է հիշել, որ սա շատ լուրջ հիվանդություն է, որն անուշադրության մատնելը կարող է հանգեցնել մահվան: Առավել հաճախ հոսքի խանգարումը պայմանավորված է լինում քարերի կամ ուռուցքների առկայությամբ, որոնք խցանում են ենթաստամոքսային գեղձի ծորանները:

Պանկրեատիտից առավել հաճախ տառապում են մարդիկ, որոնք հաճախ են չարաշահում սնունդը, օգտագործում են մեծ քանակությամբ ալկոհոլ, ինչպես նաև ճարպոտ, կծու ու տապակած մթերք և այլ անառողջ սնունդ:

Այս հիվանդության դեպքում հարկավոր է անհապաղ խորհրդակցել բժշկի հետ և սկսել անհրաժեշտ բուժումը: Ոչ մի դեպքում չի կարելի զբաղվել ինքնաբուժությամբ, քանի որ դա կարող է լուրջ հետևանքներ ունենալ և էլ ավելի վատացնել հիվանդի վիճակը: Հարկ է հիշել, որ միայն մասնագետը կարող է ճիշտ ախտորոշել հիվանդությունն ու նշանակել անհրաժեշտ բուժումը:

Սակայն, այնուամենայնիվ, կան բնական միջոցներ, որոնք կօգնեն արագացնել պանկրեատիտի բուժման գործընթացը, պահպանել ենթաստամոքսային գեղձի առողջությունը և խուսափել նման խնդիրներից: Ձեր ուշադրությանն ենք ներկայացնում դրանցից լավագույնները:

·         1-ին բաղադրատոմսը.

Խառնել 1 ճաշի գդալ անթառամի (бессмертник песчаный) ծաղիկները, 2 ճաշի գդալ առյուծագի հնգաբերանի (пустырник пятилопастный) խոտը և 2 ճաշի գդալ վաղենակ դեղատուի (календула лекарственная) ծաղիները, այնուհետև ստացված խառնուրդի 3 ճաշի գդալին ավելացնել 1 լիտր եռման ջուր, թրմել ու քամել: Այս թուրմը հարկավոր է խմել օրական 3-4 անգամ 0.3 բաժակ: Այն անհրաժեշտ է ընդունել քրոնիկական պանկրեատիտի և դրան ուղեկցող քրոնիկական խոլեցիստիտի դեպքում:

·         2-րդ բաղադրատոմսը

300 գրամ սխտորը, 300 գրամ մաղադանոսն ու 1 կգ կիտրոնը (առանց կորիզների, սակայն կեղևով) մսաղացով մանրացնել, այնուհետև խառնուրդը լցնել էմալապատ կաթսայի մեջ և պահել սառնարանում 2 շաբաթ: Խառնուրդը հարկավոր է ընդունել ամեն անգամ ուտելուց 15 րոպե առաջ 1 թեյի գդալ:

Նյութի աղբյուրը՝ healthinfo.ua