Որոնք են ոտքերի այտուցների հիմնական պատճառները

Ոտքերի այտուցները, որպես կանոն, չեն ուղեկցվում ուժգին ցավով, ինչի պատճառով էլ մարդիկ հաճախ անտեսում են այս խնդիրը: Սակայն այտուցները սովորաբար վկայում են առողջական որևէ այլ խնդրի մասին, ուստի ժամանակին միջոցներ ձեռնարկելն ու մասնագետին դիմելը շատ կարևոր է:

Այտուցները գրեթե միշտ հուշում են անուշադրության մատնված որևէ այլ հիվանդության մասին, ուստի հարկավոր է անպայման պարզել դրա առաջացման պատճառն ու առաջին հերթին ազատվել դրանից: Առավել հաճախ այտուցները պայմանավորված են լինում երակների վարիկոզ լայնացմամբ, սակայն դրանց առաջացման պատճառները կարող են և այլ լինել:

Ձեր ուշադրությանն ենք ներկայացնում առողջական 5 խնդիր, որոնք կարող են հանգեցնել ոտքերի այտուցման:

1.      Երակների հիվանդություններ

Ոտքերի այտուցների առաջացման ամենատարածված պատճառները երակների հիվանդություններն են, ինչպես նաև ավշային համակարգի հիվանդությունները: Այտուցների այս տեսակին բնորոշ ախտանշան է վերջույթներից միայն մեկի այտուցվածությունը: Բացի այդ, այս դեպքում այտուցները հաճախ ուղեկցվում են երակների լայնացմամբ:

Երակների հիվանդություններով պայմանավորված այտուցները սովորաբար ի հայտ են գալիս օրվա երկրորդ կեսին և անհետանում են գիշերվա ընթացքով: Եթե դրանք չեն անհետանում մինչ առավոտ, ապա խնդիր կապված չէ երակների հետ:

Հարկ է հիշեր, որ երակների հետ կապված խնդիրները բավական վտանգավոր են, ուստի եթե այտուցների պատճառը հենց նման ախտաբանություններն են, ապա հարկավոր է անհապաղ դիմել բժշկին և բուժզննում անցնել:

2.      Սրտի հիվանդություններ

Սրտի հիվանդություններով պայմանավորված այտուցները հաճախ ի հայտ են գալիս տարեցների մոտ, որոնք տառապում են սրտի հիվանդություններից ու զարկերակային գերճնշումից, սակայն չեն հետևում իրենց առողջական վիճակին: Նման այտուցների դեպքում հարկավոր է անպայման դիմել բժշկին և բուժզննում անցնել՝ խնդրի առաջացման հստակ պատճառը պարզելու համար: Հարկ է հիշել, որ սրտի հիվանդությունները խիստ վտանգավոր են, ուստի այս ախտանշանը ոչ մի դեպքում չի կարելի անտեսել:

3.      Երիկամների հիվանդություններ

Այտուցների առաջացման պատճառ կարող են դառնալ նաև երիկամների հիվանդությունները: Այս դեպքում այտուցներն ի հայտ են գալիս առավոտյան և այտուցվում է անգամ հիվանդի դեմքը: Գերսառեցման կամ միզարձակության ֆունկցիայի խանգարման դեպքում այտուցներն ամենայն հավանականությամբ պայմանավորված են երիկամների հիվանդություններով, ուստի հարկավոր է շատ ուշադիր լինել: Նման խնդիրների դեպքում հարկավոր է անցնել երիկամների ուլտրաձայնային հետազոտություն, հանձնել մեզի անալիզ և խորհրդակցել նեֆրոլոգի կամ ուրոլոգի հետ

4.      Վահանաձև գեղձի հիվանդություններ

Վահանաձև գեղձը կարգավորում է մարու օրգանիզմի բոլոր գեղձերի աշխատանքը: Այն շատ կարևոր օրգան է, որի հետ կապված խնդիրների դեպքում կարող է խանգարվել նաև կանանց սեռական օրգանների կամ մակերիկամների աշխատանքը, ինչն էլ հանգեցնում է ոտքերի այտուցման: Այս դեպքում այտուցները կարող են ուղեկցվել կանանց մոտ հորմոնալ խանգարումներով, իսկ տղամարդկանց մոտ շագանակագեղձի օնկոլոգիական պաթոլոգիաներով:

5.      Մակերիակամների հիավանդություններ

Դեմքի այտուցվածությունը սովորաբար պայմանավորված է լինում մակերիկամների կամ երիկամների աշխատանքի խանգարումով, ուստի նման խնդրի դեպքում հարկավոր է ստուգել այս օրգանների վիճակը:

Հարկ է հիշել, որ որոշ դեպքում ոտքերի այտուցները պայմանավորված են լինում միանգամից մի քանի օրգանի աշխատանքի խանգարումով (օրինակ՝ սրտամկանի և երիկամների), ինչի հետևանքով մասնագետները դժվարանում են գտնել խնդրի առաջացման հիմնական պատճառը: Սա է պատճառը, որ ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել և էլ ավելի վատացնել հիվանդի վիճակը:

Նյութի աղբյուրը՝ healthinfo.ua