Որոնք են արյան գերճնշման հիմնական ախտանշանները և ինչպես կարելի է վերահսկել զարկերակային ճնշումը

22:45 • 11.06.18

Շատերն են ծանոթ զարկերակային բարձր ճնշման խնդրին, բայց քչերը գիտեն, թե որ վտանգավոր ախտանշաններն են վկայում դրա մասին: Սակայն խնդիրն այն է, որ նորմայից շատ քիչ բարձր զարկերակային ճնշման դեպքում մարդիկ կարող են անգամ գլխի չընկնել հիվանդության առկայության մասին:

Հարկ է հիշել, որ զարկերակային բարձր ճնշման դեպքում կարող են ի հայտ գալ հետևյալ ախտանշանները.

1. թմրածություն,

2. արյան շրջանառության խանգարում,

3. գլխացավեր,

4. տեսողության վատացում,

5. գլխապտույտ,

6. քթից արյունահոսություն,

7. շնչառության հետ կապված խնդիրներ,

8. արյունոտ մեզ,

9. բաբախյուն ականջների ու պարանոցի հատվածում:

Նշված ախտանշաններից յուրաքանչյուրի դեպքում հարկավոր է շտապ խորհրդկցել բժշկի հետ: Առհասարակ հիվանդության ախտորոշումը շատ մեծ նշանակություն ունի, քանի որ հակառակ դեպքում բժիշկը չի կարող անհրաժեշտ բուժումը նշանակել:

Զարկերակային բարձր ճնշումը կարգավորելու համար շատ օգտակար կարող են լինել կալիումի և օմեգա-3 ճարպաթթուների հավելումները: Առհասարակ արյան գերճնշման բնական միջոց է համարվում հատուկ մշակված սննդակարգը՝ DASH(Dietary Approaches to Stop Hypertension)-դիետան:

Վերջին ուսումնասիրությունները ցույց են տվել, որ որոշ հիվանդներ կարող են վերահսկել իրենց զարկերակային ճնշումը բնական ճանապարհով՝ առանց ավելորդ դեղամիջոցների: Այս խնդրից խուսափելու համար պարզապես հարկավոր է.

· օգտագործել օգտակար սնունդ,

· նվազեցնել օգտագործվող նատրիումի քանակությունը,

· կատարել ֆիզիկական վարժություններ:

Մեկ այլ հետազոտության տվյալներով՝ նատրիումի քանակությունը նվազեցնելով մարդիկ կարող են պահպանել զարկերակային ցածր ճնշումը: Էլ ավելի լավ արդյունքի հասնելու համար խորհուրդ է տրվում հետևել DASH-դիետային:

DASH-դիետայի ընթացքում խորհուրդ է տրվում.

· ուտել թարմ մրգեր ու բանջարեղեն,

· օգտագործել անյուղ կաթնամթերք,

· նվազեցնել ճարպոտ մթերքի և խոլեստերինով հարուստ սննդամթերքի գործածությունը,

· օգտագործել ավելի շատ ամբողջական հացահատիկ, ընկուզեղեն, թռչնամիս և ձուկ:

Նյութի աղբյուրը՝ dobrohub.ru