Որոնք են լյարդի բորբոքման մասին վկայող ախտանշաններն ու խնդրի բուժման եղանակները

Լյարդի բորբոքումը ոչ միայն տհաճ զգացողություններ է առաջացնում, այլև կարող է դառնալ առողջական մի շարք լուրջ խնդիրների առաջացման պատճառ, ինչը զարմանալի չէ, քանի որ լյարդն անչափ կարևոր օրգան է, որը.

·         մաքրում է օրգանիզմը տոքսիններից,

·         պայքարում է տարատեսակ վարակների դեմ,

·         օգնում է պահպանել վիտամիններն ու էներգիան,

·         կարգավորում է մարսողության համար անհրաժեշտ լեղու արտադրությունը,

·         մաքրում է արյունը:

Սակայն այս օրգանի հետ կապված ցանկացած խնդիր դրսևորվում է որոշ ախտանշաններով, որոնք իմանալը կօգնի ժամանակին հայտնաբերել հիվանդությունը և միջոցներ ձեռնարկել: Ձեր ուշադրությանն ենք ներկայացնում դրանցից մի քանիսը:

1.      Ցավ

Այս դեպքում սկզբնական շրջանում հիվանդությունը դրսևորվում է որովայնի վերին  աջ հատվածում աննշան տհաճ զգացողություններով, սակայն ժամանակի ընթացքում ցավն ավելի ինտենսիվ է դառնում

2.      Տենդ

Տենդը վկայում է օրգանիզմում վիրուսի կամ բակտերիայի առկայության մասին, սակայն այն կարող է պայմանավորված լինել նաև լյարդի հետ կապված խնդիրներով:

3.      Դեղնուկ

Լյարդի աշխատանքի խանգարման դեպքում մարդու մաշկն ու աչքերը ձեռք են բերում դեղնավուն երանգ:

4.      Սրտխառնոց

Լյարդի հետ կապված խնդիրները նպաստում են օրգանի աշխատանքի խանգարմանը, ինչի հետևանքով վնասակար նյութերն ու տոքսինները դուրս չեն գալիս օրգանիզմից: Արդյունքում՝ սա կարող է դառնալ սրտխառնոցի և ինքնազգացողության վատացման պատճառ:

5.      Բերանի խոռոչի տհաճ հոտ

Լյարդի աշխատանքի խանգարման հետևանքով տոքսինները սկսում են կուտակվել և դուրս չեն բերվում օրգանիզմից, ինչն էլ հաճախ դառնում է բերանի խոռոչի տհաճ հոտի պատճառ:

Մասնագետների խոսքով լյարդի բորբոքմանը նպաստող գործոնների շարքին են դասվում.

·         ալկոհոլի չարաշահումը,

·         հեպատիտի վիրուսը,

·         բակտերիալ վարակնեը,

·         թմրանյութով թունավորումը,

·         լյարդի ճարպակալումը,

·         ավելորդ քաշը:

Սակայն գոյություն ունեն արդյունավետ բնական միջոցներ, որոնք կօգնեն բուժել լյարդն ու ազատվել բորբոքումից՝ առանց կողմնակի բարդություններ առաջացնելու: Ձեր ուշադրությանն ենք ներկայացնում դրանցից երկուսը.

1.      Խատուտիկ

Խատուտիկը հիանալի միջոց է ամբողջ օրգանիզմը տոքսիններից մաքրելու համար: Պարզապես հարկավոր է 50 գրամ խատուտիկին ավելացնել 120 մլ ջուր, խառնուրդը մի քանի րոպե եռացնել, այնուհետև թրմել ևս 15 րոպե: Ստացված դեղամիջոցը հարկավոր է քամել և խմել օրական 3 անգամ մի քանի կում:

2.      Կիտրոնի հյութ

Լյարդը մաքրելու և բորբոքման մակարդակը նվազեցնելու հիանալի միջոց է նաև կիտրոնի հյութը, ուստի խորհուրդ է տրվում ամեն առավոտ դատարկ ստամոքսին կիտրոնի հյութով ջուր խմել:

Սակայն հարկ է հիշել, որ ցանկացած ժողովրդական միջոցի կիրառումից առաջ հարկավոր է խորհրդակցել բժշկի հետ, քանի որ ինքնաբուժությունը կարող է խիստ վտանգավոր լինել:

Նյութի աղբյուրը՝ budetezdorovy.ru