Կանանց սեռական օրգանների ամենատարածված հիվանդություններն ու առաջացման պատճառները

21:23 • 17.06.18

Կանանց սեռական համակարգի առողջությունը մեծ նշանակություն ունի նրանց ինքնազգացողության համար, սակայն երբեմն նրանց չի հաջողվում խուսափել հեշտոցի տարբեր հիվանդություններից:

Շատ կանայք անհարմար ու տհաճ զգացողություններ են ունենում՝ կապված տարբեր վարակների, բակտերիաների և վիրուսների հետ: Կանանց սեռական օրգանների ամենատարածված հիվանդություններն են.

· բակտերիալ վագինոզը,

· վիրուսային հեշտոցաբորբը (վագինիտ),

· ոչ վարակիչ հեշտոցաբորբը,

· կանդիդոզը,

· կաթնասնկախտը:

Այս և շատ այլ հիվանդությունների հետևանքով առաջանում են հեշտոցի վարակումներ կամ բորբոքումներ: Դրանց առաջին իսկ ախտանշանների դեպքում՝ հարկավոր է դիմել մասնագետի օգնությանը, որը կնշանակի անհրաժեշտ բուժումը և կտա խորհուրդներ, որոնք կօգնեն ազատվել խնդրից տնային պայմաններում:

Հեշտոցային վարակների հիմնական ախտանշաններն են քորը, այրոցը, հեշտոցային արտադրության գույնի և հոտի, իսկ երբեմն նաև ձևի փոփոխությունը: Ամենատարածված հեշտոցային վարակը բակտերիալ վագինոզն է, որն առաջանում է բակտերիաների հետևանքով, և կաթնասնկախտը: Հաշվի առնելով, որ հեշտոցում «բնակվում» են մեծ քանակությամբ բակտերիաներ, կանայք պետք է կանխեն հիվանդությունը՝ տարբեր կանխարգելիչ միջոցների օգնությամբ: Սակայն եթե հիվանդության առաջացումը չի հաջողվել կանխել, ապա հարկավոր է ծանոթանալ դրա բուժման մեթոդներին՝ պարզելու համար, թե ինչպես կարելի է բուժել այն տնային պայմաններում: Բացի այդ, ժամանակին բժշկին այցելելը կօգնի կանխել հեշտոցային հիվանդությունների կրկնությունը:

Հեշտոցային վարակների առաջացման պատճառ կարող են դառնալ.

· նեղ ներքնազգեստը, ինչի հետևանքով բարձրանում է մարմնի ջերմաստիճանն ու խոնավության աստիճանը և առաջանում են բորբոքումներ,

· իմունային համակարգի թուլացումը,

· ինտիմ հիգիենայի պարագաների ու հոտավետ միջոցների օգտագործումը,

· հեշտոցային վնասվածքները (քերծվածքներ):

Սնկային հիվանդությունների բուժման համար ներկայումս հաճախ են օգտագործվում բնական միջոցները՝ համադրելով դրանք դեղամիջոցների հետ:

Նյութի աղբյուրը՝ med2.ru