Ինչ անել դաշտանադադարի ժամանակ չգիրանալու և կազմվածքը պահպանելու համար

Կան կանայք, որոնք դաշտանադադարի հետևանքով կուտակված ավելորդ կիլոգրամները համարում են անխուսափելի և վստահ են, որ դա տեղի է ունենում նյութափոխանակության փոփոխության հետևանքով, ուստի հնարավոր չէ վերահսկել:

Եթե դաշտաններն աստիճանաբար սկսում են ավելի հազվադեպ լինել, ապա նշանակում է, որ օրգանիզմը սկսել է ավելի քիչ էստրոգեն արտադրել: Այդ հորմոնալ փոփոխությունները չեն կարող չազդել մարդու տրամադրության վրա: Բացի այդ, դրանք ազդում են նաև օրգանիզմում տեղի ունեցող ներքին գործընթացների վրա:

Դաշտանադադարը կյանքի նոր փուլ է, որը ոչ մի դեպքում չի նշանակում դրա որակի անկում: Դաշտանադադարի ընթացքում նույնպես կարելի է լինել առողջ և վարել ակտիվ կյանք: Պարզապես հարկավոր է ավելի հոգատար լինել առողջության հանդեպ:

Գիրության եվրոպական բժշկական ինստիտուտի (IMEO) տվյալներով՝ դաշտանադադարի ժամանակ կանայք կարող են 5-10 կգ ավելորդ քաշ կուտակել:

Սակայն նման հետևանքներից կարելի է խուսափել՝ համապատասխան միջոցներ ձեռնարկելով: Օրգանիզմում տեղի ունեցող փոփոխությունները հասկանալու համար հարկավոր է պարզել, թե ինչ է տեղի ունենում կանանց օրգանիզմում դաշտանադադարի ժամանակ:

Էնդոկրին փոփոխություններ

Դաշտանադադարի հետ մեկտեղ օրգանիզմը դադարում է էստրոգեն արտադրել և այդ իսկ պատճառով տեղի են ունենում որոշ փոփոխություններ.

·        Նյութափոխանակությունը դանդաղում է և օրգանիզմը սկսում է ավելի շատ ճարպ կուտակել: 

·        Ակտիվ կյանքի համար օրգանիզմն ավելի քիչ էներգիայի կարիք է ունենում, ուստի չօգտագործված ամբողջ էներգիան վերածվում է ճարպաշերտերի: 

·        Շատ կանայք սկսում են նկատել նաև էմոցիոնալ փոփոխություններ. նրանք դառնում են ավելի նյարդային ու դյուրագրգիռ, խանգարվում է քունը: Շատ դեպքերում այս փոփոխությունները հանգեցնում են ախորժակի խանգարման և փոխվում է սննդակարգը: 

·        Դաշտանադադարի ժամանակ կանայք սկսում են կորցնել մկանային զանգվածը: Մկանները կորցնում են տոնուսը, կազմվածքն այլևս այդքան սլացիկ չի լինում, իսկ ճարպաշերտերն ավելանում են:

Էմոցիոնալ փոփոխություններ

Մեծ մասամբ կանայք կյանքի այս փուլը թշնամաբար են ընդունում և դիտարկում են որպես որևէ բացասական երևույթ, ուստի շատ կարևոր է հասկանալ, թե ինչ փոփոխություններ են տեղի ունենում օրգանիզմում այդ պահին և չհերքել դրանք: Հարկավոր է ընդունել, որ դա բնական գործընթաց է, քանի որ միայն այդ կերպ հնարավոր կլինի բարձրացնել կյանքի որակը:

 Որոշ դեպքերում հոգեվիճակի փոփոխությունների ժամանակ հարկավոր է բուժում, օրինակ՝ հակադեպրեսանտներ: Այս դեղամիջոցները, սակայն, նույնպես կարող են հետագայում հանգեցնել քաշի ավելացման ու դառնալ այտուցվածությունների և արտաքին մի շարք փոփոխությունների պատճառ:

Ինչպես չգիրանալ դաշտանադադարի ընթացքում

1. Կյանքի նոր փուլ և նոր ռազմավարություն

Հարկ է հիշել, որ դաշտանադադարն ընդամենը կյանքի նոր փուլ է և դրանից հետո նույնպես կարելի է գեղեցիկ ու գրավիչ լինել: Սակայն սպասվում են փոփոխություններ, որոնք հաղթահարելու համար անհրաժեշտ է մշակել նոր ռազմավարություն: 

Անհրաժեշտ է ցանկացած կասկածելի իրավիճակում դիմել բժշկի օգնությանը՝ ճիշտ ելքը գտնելու համար: Հնարավոր է, որ ինքնազգացողության բարելավման համար հորմոնալ դեղամիջոցների կարիք լինի: Սակայն պետք չէ մոռանալ, որ յուրաքանչյուր կին, օրգանիզմ ու մարմին տարբեր են, ուստի այդ ժամանակաշրջանը բոլորի մոտ տարբեր կերպ է ընթանում: 

Հարկ է հիշել, որ դաշտանադադարի ժամանակ կինն ավելի քիչ կալորիայի կարիք է ունենում: Սա չի նշանակում, որ հարկավոր է քիչ ուտել: Պարզապես հարկավոր է ճիշտ սնվել:

2. Օգտագործել օգտակար մթերք

Կանայք դաշտանադադարի ժամանակ անպայման պետք է իրենց սննդակարգում ներառեն հետևյալ մթերքը.

·        սպանախ, 

·        բրոկոլի, 

·        դդում, 

·        ծաղկակաղամբ, 

·        սմբուկ, 

·        սխտոր, 

·        սոխ:

3. Օրական երկու բաժին միրգ ուտել

Հայտնի է, որ կան մրգեր, որոնք մեծ քանակությամբ շաքար են պարունակում, ուստի նպաստում են ավելորդ քաշի կուտակմանը: IMEO-ի մասնագետների կարծիքով՝ օրական ցանկալի է ուտել երկու բաժին միրգ, սակայն ոչ վերոնշյալ մրգերը: Հարկավոր է ուտել.

·        մրգեր, որոնք ունեն սպիտակ պտղամիս (խնձոր, տանձ), 

·        մրգեր, որոնք հարուստ են բիոֆլավոնոիդներով և օգնում են ավելի հեշտ տանել մարմնի ջերմության տատանումները (նարինջ, ելակ), 

·        նուռ:

4. Ուտել վարսակ

·        Նախաճաշին խորհուրդ է տրվում ուտել վարսակ կամ ամբողջական հացահատիկից պատրաստված տարեկանի հաց: 

·        Այս հացը հիանալի լրացում է նաև ճաշին բանջարեղենային ուտեստների և բակլազգիներից պատրաստված ուտեստների համար:

5. Շաբաթական երկու անգամ ուտել կապույտ ձուկ

Ձկների կապույտ տեսակները (օր.՝ սաղմոն) հարուստ են սպիտակուցներով և Օմեգա 3 ճարպաթթուներով, որոնք անչափ օգտակար են սրիտի և առհասարակ ամբողջ օրգանիզմի առողջության համար:

6. Հիշել սպիտակ մսի և օգտակար ճարպերի կարևորության մասին

Շաբաթական 4 անգամ խորհուրդ է տրվում ուտել.

·        Հնդկահավի կամ հավի միս, 

·        Սպիտակ ձկնատեսակներ, 

·        Կտավատի սերմեր, 

·        Ձիթապտղի յուղ, ավոկադո և հունական ընկույզ (աղցանների մեջ):

7. Օրական 1,5-2 լիտր ջուր խմել

·        Օրգանիզմն անընդհատ խոնավեցնելը շատ կարևոր է, ուստի ձեռքի տակ (նույնիսկ պայուսակի մեջ) հարկավոր է միշտ մի շիշ հանաքային ջուր պահել, 

·        Օրգանիզմի համար շատ օգտակար կլինի նաև մի փոքր գավաթ կարմիր գինին:

8.Կատարել ֆիզիկական վարժություններ

Հարկավոր է հնարավորինս շատ քայլել կամ նույնիսկ պարի դասերի հաճախել: Շատ օգտակար կլինեն նաև լողն ու հեծանիվային զբոսանքը: Բացի այդ, խորհուրդ է տրվում օրական 45 րոպե տրամադրել աերոբիկ վարժություններին:

Նյութի աղբյուրը՝ steptohealth.ru