9 խորհուրդ փսորիազի սրացումից խուսափելու համար

doctors.am-ը ներկայացրել է 9 խորհուրդ, որ կօգնեն խուսափել փսորիազի սրացումից:

Օգտագործե՛ք խոնավեցնող լոսյոններ: Փսիրիոզի ախտանիշները խորանում են, եթե դուք ունեք չոր մաշկ: Այդ պատճառով պետք է մշտապես օգտագործել խոնավեցնող քսուքներ ու լոսյոններ: Լավագույն արդյունքի հասնելու համար խոնավեցնող քսուքը քսելուց հետո տարածքը ծածկե՛ք  կտորով կամ անձեռոցիկով:

Խնամե՛ք ինչպես ամբողջ մաշկը, այնպես էլ գլխի մաշկը: Փսորիազով տառապող մարդիկ պետք է հիշեն ու մշտապես հոգ տանեն իրենց մաշկի մասին: Անպայման հետևե՛ք ձեր բժշկի խորհուրդներին: Համոզվե՛ք, որ կիրառվող բոլոր միջոցները՝ ներառյալ շամպույնը, հասնում են գլխի մաշկին և ոչ թե պարզապես  մազերին: Կարելի է կատարել հանգստացնող միջոցներով լվացումներ, ոչ մի դեպքում չի կարելի քորել կամ քերել մաշկի վնասված մասերը: Դա միայն կբարդացնի իրավիճակը:

Խուսափե՛ք ցուրտ ու չոր եղանակին տանից դուրս գալուց: Շատ մարդկանց մոտ ցուրտ եղանակին փսորիազի ախտանիշները խորանում են: Ընդհանուր առմամբ, տաք եղանակը բարենպաստ է փսորիազի համար, չնայած որ ոչ բավարար խոնավության պարագայում փսորիազի ախտանիշները կարող են սրվել: Մաշկի բավարար խոնավեցումը շատ կարևոր է, ուստի տարվա չոր ամիսներին կարելի է օգտագործել օդի խոնավեցուցիչներ:

Խուսափե՛ք բորբոքում առաջացնող դեղամիջոցներից: Ձեր բժշկի հետ անպայման խորհրդակցե՛ք այն դեղամիջոցների մասին, որ դուք ընդունում եք, քանի որ դրանք կարող են բացասաբար ազդել  փսորիազի բուժման վրա, օրինակ՝  առիթմիայի և արթրիտի դեմ օգտագործվող դեղամիջոցները:

Խուսափե՛ք քերծվածքներից, վնասվածքներից ու վարակներից:  Մաշկի վնասվածքը  կարող է փսորիազ առաջացնել հենց մաշկի վնասված հատվածում (սա կոչվում է Կեբների երևույթ): Հատկապես ուշադիր եղե՛ք սափրվելու ժամանակ: Դաջվածքը, ասեղնաբուժությունը, կծող միջատները նույնպես հակացուցված են: Շատ կարևոր է հետևել, որ հագուստն ու կոշիկները չքսվեն մաշկին: Կոկորդի ու շնչառական վերին ուղիների որոշ հիվանդություններ կարող են բարդացնել փսորիազը: 

Արևի տակ երկար մի՛ մնացեք: Չնայած որ արևի ուլտրամանուշակագույն ճառագայթները դանդաղեցնում են մաշկի բջիջների աճը, սական 20 րոպեից ավել չի կարելի գտնվել արևի տակ: Հիշե՛ք, որ արևի այրվածքը լրջորեն բարձրացնում է հիվանդության առաջացման հավանականությունը: 

Խուսափե՛ք սթրեսներից: Չնայած, որ սա դեռ ապացուցված չէ, սակայն շատ մարդիկ կարծում են, որ սթրեսների ժամանակ իրենց մոտ փսօրիազը սրվում է: Սովորե՛ք լիվքաթափվել, զբաղվե՛ք յոգայով: 

Հրաժարվեք ալկոհոլից:  Ալկոհոլի ու փսորիազի միջև կապը դեռ մինչև վերջ բացահայտված չէ, բայց ոմանք կարծում են, որ ալկոհոլը բացասաբար է ազդում փսորիազի ընթացքի վրա՝ համենայն դեպս տղամարդկանց մոտ:

Կատարե՛ք ֆիզիկական վարժություններ, ճիշտ սնվե՛ք, հետևե՛ք ձեր քաշին:  Չնայած նրան, որ հետազոտությունները դեռ կապ չեն գտել փսորիազի ու սննդակարգի միջև, մասնագետները փսորիազով հիվանդ մարդկանց խորհուրդ են տալիս ունենալ մրգերից ու բանջարեղեններից բաղկացած սննդակարգ:  Ֆիզիկական վարժությունները նույնպես օգտակարեն են, բացի այդ դրանք բարձրացնում են տրամադրությունը:  Որոշ դեպքերում ավելորդ քաշը խորացնում է փսորազը, այնպես որ հետև՛եք ձեր քաշին՝ սրացումներից խուսափելու համար:

Աղբյուր՝ doctors.am