«Պարանոցային միգրենի» առաջացման պատճառները, ախտանշանները և բուժման ու կանխարգելման եղանակները

«Պարանոցային միգրենը» կամ Բարե-Լյեուի համախտանիշը նյարդաբանական հիվանդություն է, որը զարգանում է պարանոցային ողերից երեքի հետ կապված տարբեր խանգարումների դեպքում: Այս հիվանդության ժամանակ ցավը նման է լինում միգրենի ցավին և դրսևորվում է մի կետում առաջացող բաբախուն սպազմների տեսքով:

Ողերի հատ կապված խանգարումների հետևանքով սեղմվում են ոսկրածուծի նյարդային վեջավորությունները, որոնք պատում են ողնաշարային զարկերակը: Այս ամենի հետևանքով խանգարվում է արյան շրջանառությունը և նյարդային վերջավորությունները սկսում են այտուցվել:

Այս ախտաբանական գործընթացը հաճախ պայմանավորված է լինում

·         օստեոխոնդրոզով,

·         սպոնդիլյոզով,

·         ողնաշարի վնասվածքներով ու ուռուցքներով,

·         պարանոցի ավշային հանգույցների բորբոքումով,

·         ողնուղեղի ոստայնենու (паутинный покров спинного мозга) բորբոքումով,

·         ողերի և ողնաշարային զարկերակի վրա գործադրվող ճնշումով:

Հիվանդության ախտանշանները

Հիվանդության հիմնական ախտանշանը ծոծրակի հատվածի մշտական մղկտուն ցավն է, որը ժամանակ առ ժամանակ սրվում է՝ դառնալով անտանելի: Տհաճ զգացողություներ կարող են առաջանալ ինչպես երկար ժամանակ անշարժ մնալու դեպքում, այնպես էլ ինտենսիվ շարժումների ժամանակ: Ընդ որում՝ ցավը կարող է տևել ինչպես մի քանի րոպե, այնպես էլ մի քանի ժամ:

Այս հիվանդության դեպքում կարող են նկատվել նաև մի շարք այլ ախտանշաններ: Օրինակ՝

·         գլխի թմրածություն կամ ձգվածության զգացում,

·         աչքերի ցավ ու ճնշում, տեսողության վատացում,

·         ականջներում լսվող աղմուկ,

·         սրտխառնոցի նոպաներ,

·         գլխապտույտ ու հոգնածություն և այլն:

Բացի այդ, հիվանդի մոտ կարող է նկատվել առատ քրտնարտադրություն կամ դող, ինչպես նաև տեսողության ու հիշողության վատացում: Միևնույն ժամանակ հիվանդը դառնում է դյուրագրգիռ, ի հայտ են գալիս քնի խանգարումներ, իսկ ավելի ուշ փուլերում նաև գիտակցության կորուստ:

Հիվանդության ախտորոշումը

Հիվանդության ախտորոշումը բավականին բարդ է, քանի որ ախտանշանները կարող են նման լինել այլ հիվանդությունների ախտանշաններին: Սա է պատճառը, որ ճիշտ ախտորոշման համար հարկավոր է համապատասխան բուժզննումն անցնել: Առաջին հերթին կատարվում է պարանոցի ռենտգենային հետազոտություն, որից հետո բժիշկը կարող է նշանակել նաև հավելյալ հետազոտություններ, որոնք թույլ կտան որոշել հիվանդության զարգացման փուլը:

Հիվանդության բուժումը

«Պարանոցային միգրենի» և դրա ախտանշանների բուժումը կարող է բավական բարդ լինել, սակայն անուշադրության մատնելու դեպքում հիվանդի վիճակը կարող է էլ ավելի վատանալ: Հարկ է հիշել, որ այս հիվանդության դեպքում ցավազրկող դեղամիջոցները միայն ժամանակավորապես մեղմում են ցավը, սակայն չեն բուժում և չեն արգելակում հիվանդության զարգացումը:

Հիվանդության բուժման եղանակի ընտրությունը կախված է հիվանդի վիճակից: Եթե հիվանդությունը սրման փուլում է, ապա առաջին հերթին նշանակվում է անկողնային ռեժիմ (առնվազն 3 օր): Երբեմն լինում է նաև հոսպիտալացման անհրաժեշտություն, ինչը թույլ է տալիս հետևել հիվանդի վիճակին:

Լիարժեք անկողնային ռեժիմից հետո նշանակվում է մասնակի անկողնային ռեժիմ (մոտ 5 օր), որի ժամանակ թույլ է տրվում ժամանակ առ ժամանակ կանգնել ու քայլել:

Այս հիվանդության դեպքում չի կարելի քնել մեծ բարձերի վրա, իսկ ախտահարված հատվածին պետք է դրվի չոր ու տաք որևէ բան: Օրինակ՝ կարելի է տաք ավազով կամ աղով լցված փոքրիկ պարկ դնել պարանոցի տակ:

Գոյություն ունեն «պարանոցային միգրենի» դեմ պայքարի տարբեր մեթոդներ, որոնց շարքին են դասվում.

1.      դեղորայքի ու վիտամինների ընդունումը,

2.      բուժական մարմնամարզությունն ու մանուալ թերապիան,

3.      ֆիզիոթերապիան ու ոչ ավանդական բժշկությունը,

4.      դիետաններն ու ճիշտ կենսակերպը:

Դեղորայքային բուժման դեպքում նշանակվում են ինչպես հակաբորբոքային ու ցավազրկող դեղամիջոցներ, այնպես է վիտամինային ու հանքանյութային համալիրներ, միզամուղ դեղամիջոցներ ու արյան շրջանառությունը խթանող դեղեր:

Ոչ շատ լուրջ դեպքերում հիվանդությունը կարելի է բուժել հատուկ վարժությունների կամ մանուալ թերապիայի միջոցով: Սակայն այս դեպքում հարկ է հիշել, որ անհրաժեշտ է դիմել միայն որակավորված փորձառու մասնագետին:

Բացի այդ, բժիշկը կարող է նշանակել նաև ֆիզիոթերապիա կամ ոչ ավանդական բժշկության որևէ մեթոդ (օրինակ՝ ասեղնաբուժություն, տզրուկաբուժություն և այլն):

Դիետաների միջոցով «պարանոցային միգրենը» բուժելու համար հարկավոր է սննդակարգը հարստացնել սպիտակուցային սննդամթերքով: Բացի այդ, անհրաժեշտ է ուտել մանրաթելերով հարուստ մթերք (միրգ ու բանջարեղեն) և բացառել յուղոտ սնունդը, ածխաջրերով հարուստ սնունդը և կոֆին պարունակող մթերքը: Նաև հարկավոր է խուսափել այն մթերքից, որը նպաստում է օրգանիզմում աղերի կուտակմանը (խաղող, կաթ, կարտոֆիլ, թրթնջուկ և այլն):

Հիվանդության կանխարգելումը

Ինչպես և ցանկացած այլ հիվանդության, այնպես էլ «պարանոցային միգրենի» կանխարգելումը շատ ավելի հեշտ է, քան բուժումը: Այս հիվանդությունից խուսափելու համար հարկավոր է առաջին հերթին հոգատար լինել ողնաշարի առողջության հանդեպ: Հարկավոր է պարբերաբար մերսման կուրսեր անցնել, հետևել կեցվածքին և խուսափել վնասվածքներից:

Շատ մեծ նշականություն ունի նաև առողջ սննդակարգը: Աղի, քաղցրավենիքի և հացաբուլկեղենի սահմանափակումը շատ օգտակար կլինի ինչպես առողջության, այնպես էլ կազմվածքի համար, իսկ ճիշտ սննդակարգը կօգնի ամրապնդել ողերն ու դարձնել դրանք ավելի ճկուն ու առաձգական:

Նյութի աղբյուրը՝ econet.ru